¹ Bewalge,Mori linage tai Musa, ² "Takdage ata Israel kada hagga mono li dau ta Pi-Hahirot, ta jonga Migdol mono bannu malli. Yida da li dau daho dahe kawe bannu,ka aroda Baal-Zefon. ³ Oro,Firaun enga daha ngadage ata Israel yida ba jalora ta marada gilra mono yida walda kakokma ba gigiyo. ⁴ Nauwag rayini Firaun katuyo katakku dajalage nyi kana rotimi.Ta nyiduwe,Nauwa ug habakkeyi Firaun mono olena.Waige bataudage,ata Mesir enga da tadawe ba Nauwa la Mori." Yiwe,Ata Israel rayige hataknai Mori tabrada Yida. FIRAUN NA ROTIYI ATA ISRAEL ⁵ Firaun na rangewe ata Israel atudi malai.Rangewe inna,nyi mono tangada ole ulana dapa hekage hangada tutu agawe harayi beda. Firaun linage,"Ahha yitta mada pahaidi ata rada kako? Ahha yitta mada pahaidi yida malai? Batuge,yitta wale lakma atada yitta!" ⁶ Firaun naha iyakayi kereta hatauna mono ngidiyi olena bada oleni. ⁷ Nyi na ngidiyi an ngahu kereta hatau hapede oledi tangada kereta hatau wadeka. Tangadi kereta hatau na kododi wu perwira. ⁸ Mori na pahadayi Firaun,raja Mesir,katu katakku dajalage nyi narotiyi ata Israel kahuna wali ta Mesir waige bani ate ai ka anana. ⁹ Tangada ata Mesir dadi tentara kawaina jara mono kereta hatau.Yida da rotiyi ata Israel mono da doku liradi yida kole yida ba tamrada dau tudu tabara bannu Malli ta Pi-hahirot,tabra lado koka Baal-Zefon. ¹⁰ Kole ata Israel etayi Firaun mono tentarana ba ammidi aro ta yida,da madauta yida mono da kawula tai Mori. ¹¹ Yida lidage tabarai Musa,"Aha yau mamu ngidima nami huna wali ta Mesir? Apa inna ta Mesir wale lakma mawe rate dajalage yau ngidima nami huna wali neda bali dajalage nami mate ta marada gilra? ¹² Walem apek mawe ba ta Mesir hona nami balimage tabaramu, "Tana gama nami dajalage nami adai hanukuyi ata Mesir"? Oro,rehi na hadaha dahoge nami engana neda bali mono dadi ata paha lewada bama mate dawal ta marada gilra." ¹³ Musa na balehawe,"Ilam madautami!Dede didarami mono etaige Mori enga pahoila nagimi lado nehe.Oro,ata Mesir ha etami inna batauge walem hilu etak mayi lage. ¹⁴ Mi ila daka harayimi aga hingkana oro Morimi enga nahatau danga gimi tutumi." ¹⁵ Mori linage tabarai Musa,"Aha Yau amau kawula daho tabaraGu? Tak dage ata Israel kapiku hakita kako. ¹⁶ Keketayi takkomu ta panu banu Malli,mono bannu inna enga nama paba kawe adajalage ana huhuGu Israel dadiwe pala ta tana kama yara. ¹⁷ Nauwa enga pahada gudi ata Mesir katuyo katakku daja lage yida engagebada rotiyi ata Israel. Nauwa enga ha bakke guni Firaun mono tangadi jara loho kereta hatauda. ¹⁸ Nauwa bagu habakkeyi Firaun mono tangadi jara loho kereta hatauda,ata Mesir enga tada daga inna Nauwalah Mori." MORI NAHA BAKKEYI TENTARA MESIR ¹⁹ Bawalge,Malaikat Allah ka ullu ta aroda ata Israel na dikki ta lirada ata rada.Mono,hariyo karaba na dikiwe wali ta aro ta lirada yida. ²⁰ Nyiwe,hariyo karaba inna nadedewe ta jonga ata Mesir mono ata Israel.Karaba inna naha dadige kapagtana,tabolo dumo naha magakahage,dajalage kadudana wale daha daheka wikik mana bana gaduge. ²¹ Musa na keke tayi takkona ta panu bannu malli,mono i Mori narayini rereha kakulha wali ta lado koka. Rereha nada engana tara gagadi.Bannu nama pabakawe mono rereha nada na hama rakotage tana. ²² Ata Israel da kako lida ta bannu ta tana kama rakota.Weyo nadadi tuja dawe gallu watu ta liyo mono ta kawanada yida. ²³ Nyiwege,tangadi kereta hatau mono ata kata jara hatau Firaun rotiyi yida ta tillu bannu. ²⁴ Ba manari huda nage lado,i Mori na torroyi ata hatau Mesir waini hariyo karabba mono hariyo latti dajalage Nyi narayidi yida kawihaka. ²⁵ Mori na rayi dadi ledu kereta hatauda yida nadadi hadukkayi.Yida tillu kapito nadi tutu patuyi kereta hatau dajalage yida da kawula, " Maida yitta kako wali inne! Oroi, Mori gaba nada yitta tubada ata Israel." ²⁶ Mori linage tai Musa,"Keke tayi limamu ta panu banu dajalage we banu kana monu hagawe mono kana toniyi kereta hatauda mono ata hatauda kawaina jara ata Mesir." ²⁷ Nyiwe,aina magakaha hona lado,Musa na keke tayi limana ta panu banu.Mono we banu hagawe dokuge ano memage. Ata Mesir da geha malai wali ta weyo inna,taboloi Mori naha ta lalludi yida lari ta bannu. ²⁸ We bannu hagawe hada memage mono naha talalludi tangada kereta hatau mono ata hatau kawaina jara.Banu inna naha ta lalludi tangada tentara Firaun karotiyi ata Israel.Lahing mana wu ak ata wali ta yida ka hoila! ²⁹ Ta nyiduwe,Ata Israel da palage banu inna ta tana mayara.We na tuja dawe gallu watu ta kawana mono ta kalida yida. ³⁰ Tauda dage bana pahoilayi ata Israel wali ta ata Mesir lado neda.Ata Israel etayi karogo ata Mesir ka napara ta ta hupu banu Malli. ³¹ Ata Israel etawe kawaha madaka paha tigonai Mori bana gabadi ata Mesir.Yida na dadiwe bada dauta mono ban hiyi Mori.Yida kapu dage hatenai Mori mono tabrai Musa,ataNa.