¹ Nut laddo, Raja Ahasyweros na yiwe ummanay Haman, muhhuda ata Yahudi, tay Ratu Ester; monno Mordekhai may nage aroniy Raja tutge yi Ester banna takwe kawukge oleniy Mordekhai. ² Raja na lay ni tawurru materaina, ha ngala wal tai Haman, monno na yiyi tay Mordekhai. Ester na hangodoy Mordekhai kanna dadi ka rehi ta ummanay Haman. ³ babewe nutge, Ester na hanewe dangga waliniy Raja,tehkage katakna ta bara leena, na hoyo banna milla kiga ate kanna aihadage harayna kajapatay Haman, nat ata Agag, monno harayna ta ata-ata Yahudi. ⁴ Raja na haturruni takko mas na tay Ester, baggeyi Ester na kadde monno na dede ta aronay Raja. ⁵ na hanewe, ''banna haturkanay Raja monno bagu kole kana dahha ate ta atenay Raja, monno inne hatakigu banna nyi takkawe tay aronay Raja monno Raja banna baikaga tabaragu, nyamma dadun kanna tolha jurata halewa tutge banna tingi haggay tangkahad jurata tay Haman, anana Hamedata,nat ata Agag, rat hatolhana tutge hamatey rat ata Yahudi tangkahada ka dau ta dau daunay Raja. ⁶ Kanna, agalugdawa bagu etawe kadadi ka leju ta daw dawugu? Agalugudawabagu etay banna mate olebayigu?'' ⁷ Raja Ahasyweros na hanewe tay Ratu Ester monnoy Mordekhai, nat ata Yahudi, ''batujja takkage, ig yibenage ummanay Haman Tay Ester, monno yidda datawbeyi ta yayu dawderu,kanna deketay limmana ta rat ata Yahudi. ⁸ Batauge, tolhada jurata tutge ata Yahudi ba agawe ha etamu kadahha, inne ngaranay Raja, monno im materaige nuttu wayin tawurru materainay Raja; ba agaduy hatolha waige ngaranay Raja monno hamaterai waini tawurru materainay Raja, wal da inta mage aihadage.'' ⁹ Nutuna, radda panitra istana da kamaikadi ta laddo ka do bull tawda, wulla kataudana, inna wulla Siwan,monno dokige nut tangkahage ha lewanay Mordekhai da tolhay jurata ta rat ata Yahudi, rada wakil pemerintah, bupati, monno ata madaka ta hadaw walta India dikki ta Ethiopia, 127 daw dawu, ta rada dawdawu dokige rat hatolhana,monno dihha-dihha ata dokge haneweda, monno rat ata Yahudi ta hatolha monno haneweda. ¹⁰ Na tolha waige ngaranay Raja Ahasyweros monno na materaikange waini tawurrunay Raja. begge, na hangididi rat jurata waidi rat ata halewa ka pan jarana, ka lete jara kerajaan ka kulha, ha rawa ta daw jara kerajaan. ¹¹ Ta jurata nuttu,raja nakahayidi rat ata Yahudi ka dawu ta dihha-dihha kota kadda makaha monno hamatod karogoda, hamauhadi, hamate, monno hamategad tangkahad tentarada, kahha anada mangka lawayi, wal ta ata heka monno dadaw heka ka may hatawu, kadda kedu dadi hapoteda. ¹² Nut laddo, ta tangkahage dawdaw tay Raja Ahasyweros, ta lado kabullu taudana, wulla kabulu dudana, inne wulla Adar. ¹³ Hadokwe jurata nuttu dayiwe waige undang-undang ta tang kahage dawdawu monno da takwe ta tangkahage ata, rat ata Yahudi kadda hamadi nut laddo badda rayge tau jelu ta muhh da. ¹⁴ Rat halewa da ngatana monno da geha hingna panned jara kerajaan tutge halewana Raja. undang-undang ha huda walid ta Istana Susan. ¹⁵ Yi Mordekhai kako nage walta baranay Raja waina kalabewal ta kaba moroka tuyo monno kaba lenan, waina mahkota mas ka madaka, monno kaba lenan ka halus monno kaba moroka muda. ¹⁶ Rada ata Yahudi da bannudi morha monno dita koko, na dahha hinguy ateda monno da kolena kehormatan. ¹⁷ Ta tangkahage daw dawu monno ta kota, hatakna Raja monno undang-undang na ha badda takbe ta ata buta,dage dita koko monnto dahha ate hingna tutda ata Yahudi, nut perjamuan ,monno dahha ate. buta ata ka takwe tawda ba ata Yahudiy oroge badda madauta badda hamatekay.