V 1 Raja monno Haman na mai ta perjamuan oleni Ratu Ester. ² Lado kadudana, batauge yidda enu anggur ta perjamuan, raja na hanutrayi tabarai Ester, "Agawe ha baiyimu Ratu Ester? inne hinggu yiguge? lohho, inne gabba kerjaannu gu higgu yiguge." ³ Ratu Ester na balehaiyi "Manyikawe bagu kole kana dahha ate kawal ta raja, monno raja bamu yika gage, nyama moge tauwugu yikamowe habaiyigu, monno bangsagu inna ha raiyigu. ⁴ Tabollo, nami, nauwa monno bangsagu, na yibegama monno na kamauhagama, hamategama, monno harurhagama. Seandainya nami na yigama kada kalewa gama ra kabani monno lawai, nauwa higgu kadanage tauwugu oro nage mayilla ate na ka aiha banding waige rogina raja." ⁵ Raja Ahasyweros na hanutrayi tabara Ratu Ester,"Iyai nyi monno ta gi nyi, ka berani rayige inne?" ⁶ Ester na balehai, "Inne aikadahha nyi Haman, ata aikadahha!" batauge, Haman na madauta ta baranai raja monno ratu. ⁷ Raja na dede waige banina kawal ta perjamuan enu anggur monno kako ta aro jonga istana. Ba tauge nehhe Haman engadauge bana engana ta baranai ratu Ester bana karaiyiwe oronage tauna, tabollo nyi na eta ratu na kadana nage hukum ta barana. ⁸ Kole raja bana hagga walta aro jonga istana ta hadau perjamuan anggur, Haman na berlutut ta baranai Ester dau baikana. Raja na takwe, "Batauge na puttarayi ratu ta baragu?" kolle raja na takwe ge, yidda da kubka wikna aroda Haman. ⁹ Harbona, wuyo ana halewana raja, takwe, "Batauge na hariyo ha ganai tutge Mordekhai, ata ka tulluniy raja waige hatakki nuttu, na dedebe ta aro ummai Haman, madehta limma kabullu hasta." Nyinage, raja na takwe,"hadedeyi Haman ta hariyo nuttu!" ¹⁰ Nyiwe, yidda na tauwuyi Haman ta hariyo ha haganna tunai Mordekhai. Batauge na pijjalakiwe bani na raja.