Bana gaddige nuttuna, ra wallena antama dura. Oronage nuttu, nyi bana takdage ra ata ha lewana raja tutge bana ngidiyi ha tolha ta jurrata bihha inne wena waika kerajaan, ma nyinage yidda na baca yi ta barana raja. ² Inne lar ha tolha nyiwe Mordekhai na laoprwe inne tutnai Bigtan monno Teresh, duda ra ana halewanai raja ka torrowe baubina, ka merencanakan tutge ma hamateyi raja. ³ Ba nyinage, raja na hanutrawe, ''kehormatan monno kamadakka aga we ka ha yina ta baranai Mordekhai tutge inne hatakki?'' ra atana raja ka yini na balehai, ka yinage tabara tutnai Mordekhai." Batauge, raja na hanutrawe, "Iyai kadana ta aro umma?" nuttna, Haman nyiyo ambu tamana ta aro ka jonga istana raja tutge na karayi tabara raja engage Mordekhai kana disulakan ta hariyo kaha deruni na ha ijala tutna. ⁵ Ra ana halewana raja na taknage tabarana, "Etakiyi, Haman na dede ta aro kajonga." Ba nyinage, ra na takwe, "Taknage kana tama." ⁶ Beyo Haman bana tama, raja na hanutra ta barana, "Haman, aga we ha rayi na tabaranai na ata ka raja na kaha tingo wikna?'' Haman na hanewe ta atena, "Iyai na ata ka ano nai raja ka etai ka hepuwa nauwa?'' ⁷ Nyinage, Haman na balehai raja,"Ra ata ka anoi raja na hormatiyi, ⁸ Nyamadi na ngiyi tabara kalambena kama dakka ka ha tauna raja, jara ha kaletena raja, monno palteding kamadakka da tauwuyi ta katakuna; ⁹ monno nyamadi ra kalambe monno jara nade da yiyi ta limma wu ata madakka ta kerajaan, monno nyamadi yidda kada waiyidi kalembe ta bara ata ka ano na raja ka hormatiyi. Ma nyinage kataupani nyiyo ta jara na lewatiyi ra lara ta kota nyi bada ka auwka ta barana, 'NYiwe inne ha rayina raja tabara ata ka ra bada hatingo wikna." ¹⁰ Raja na takwe tabaranai Haman, "Kakolah, ngalayi ra kalembe monno jara tujage ka yau ha takkimu, monno rayige tanga kahhada tabara Mordekhai, ata Yahudi rattu, ka ngodo ta baubina istana raja. Aim nyamadi wu hatakki kawal ta yau ha hanewemu." ¹¹ Haman na ngalai kalembe monno jara, nyi bana yini kalembe Mordekhai, nyiwe bana mengaraknya lidani ra lara ta kota nyi bada kawula ta barana, "Inne nyiwe ha rayina ta bara ata ka anona raja." ¹² Kole nuttu, Mordekhai na hagga ta baubina istana raja. ma nyinage, Haman na geha kako ta ummana waige ege monno katakuna na kurge. ¹³ Haman na takwe tabaranai Zeresh, ole ummana, monno tanga kahhadi olena, tanga kahhadi ha kolena. Ra ata katada monno Zeresh, ole ummna, "Ma Mordekhai, ka tabaramu yau na hodimowe bukkana, ata Yahudi, yauw walemmu sanggup melawan. Yauw himmu bukka lagtakkawu ta baramu." ¹⁴ Kole yidda bada hanewe dangani, na maiyi ra lakawa halewana raja, monno da ngidiyi ta perjamuan ka siapkannai Ester.