¹ Laddo ka taudana, Ester na tau kalembe ratuna monno na dede ta aro jonga istana raja, ta aro umma istana raja. Raja na kubka wikna ta kadau dete takhta kerajaannya ta istana, ta aro baubinna istana. ² Kole na raja na etai Ratu Ester ka dede ta aro jonga, nyi na kologe dahha ate dita koko kawal bana torroy raja. Begge, raja na haturruni na takkona ka mas na ta limmana tabaranai Ester. Ester na barani monno na nyonyanani huppu takkona ka mas nattu. ³ Raja na hanutrayi, " agadawe, Ratu Ester? Agawe ha baiyimu? Lohho inne ka'bba kerajaan inne na yiguge tabaramu.'' ⁴ Na balehawei Ester, " Bataudage raja na harowikdahona, nyamni raja monno Haman na mai ta perjamuan yayo ka bebe nauwa higgu orhamai tutnai raja." ⁵ Balehanai raj, " Kako kamaikani Haman tomma nyi na rayige katunyana agewe hataknai Ester. " Batauge, raja monno Haman maiyi ta perjamuan yayo ka ha orhanai Ester. ⁶ Yidda bada enu anggur ta perjamuan, raja na hanutrai Ester, "Agawe ha baiyimu? Age howe habaiyimu higgu yikagu. Batauge, aga ha baiyimu? Lohho, inne gabba kawal kerajaan gu higgu yiguge." ⁷ Ester na balehai, "Habaiyigu monno ha mannege inne nyiwe, ⁸ Ma raja bammu milla dawe atemu monno bamu dokidagadi ha baiyigu monno bamu yidagaddi ha rayigu, nyamadadi raja monno Haman maiyi ta perjamuan yayo ka ha orhagu tutmi. Koka, nauwa hinggu rayige aga ha raja hatakna." Baninai Haman ta baranai Mordekhai ⁹ Batauge, Haman na hangga waige atena ka dahha monno ka ege. Tabollo, ma nyinage Haman na etayi Mordekhai wallena dedema monno wallena gedoma tutge bana menghormati ta baubina istana raja, Haman na banitakka tabaranai Mordekhai. ¹⁰ Tujage Haman bana bani na kadanna ge tauna monno na hagga ta ummana. Nyi na kamaikadi ra olena monno Zeres, ole ummana. ¹¹ Tabollo, Haman na takwe ra ha potena, butalai ra lakawa kabani, tanga kahadi ha yina raja tabarana, monno inne ha ngodona ka madehta inne kadaudete tanga kahhada ra ata halewana monno ata ha olena raja. ¹² Haman na takwe, " Bnyikawe, Ratu Ester wallena ha haimadi ra ata, kecuali nauwa, tutge bada mai oleda raja bada yayo ka ha orhana. Koka, nauwa na kamaikaga oleni raja. ¹³ Tabollo nyige, tanga kahhadi wallena lama ka dahha ta baragu wal nauwa ba ete hoyi Mordekhai, ata Yahudi rattu, da ngodo ta baubinna istana raja.'' ¹⁴ Ba nyinage Zersh, oleummana, monno tanga kahhada olena na taknage tabarana, "haganna mana hariyo ha deru waiyi ka madehta limma kabullu hasta 5:14 hasta ukuran malauna kawal kabihhuna kahha dikki ta hupna raku limma ka dautillu monno koka himmu karayyi tabara raja tomage Mordekhai naderuni ta hariyo. Tabollo, kako waina ate ka ege ta perjamuan oleni raja." Inne hatakki na dahhawe Haman, ma nyinage na hakokyi ata rayna hariyo ha deru waiyo.