¹ Batauge Mordekhai na tadawe inne kadadi, nyi na kedodi kalambena monno na waina higngi kamatna , monno na kako ta hadauna na kawula waige lida ka dahha monno atena kapaha. ² Nyi na kako ta baubina raja oronage walle lama kawaina ra ata bada tamaka ta baubina istana raja waina higngu kamatna. ³ Inne hatkna raja na dikwe ta harona. Inna bali, dage mayilla ta barada ra ata Yahudi, na oledi puasa, hoyo, monno mayilla, butalai hawai kaba ha mayilla wai. ⁴ Batauge ra ata halewanai Ester monno ra ata ha halewa maina na mai taknage tutge inne hatak tabara, ratu na milla lawe atena. Nyi na ngiddi di kalambe Mordekhai monno na nyamadi ra higngu ha kabkawaina, ma nyinage Mordekhai walena himbamawe. ⁵ Batauge, Ester na kamaikani Hatan, na ata ha lewana ra na dodokayi nyi tutge bana yini, monno na taknage tutge bana kako ta baranai Mordekhai tutge bana tadawe aga ka dadi monno aha nuttu bana dadiwe. ⁶ Na'kako Hatan tabaranai Mordekhai ta aro umma lolina ka dana ta aro ummana baubinai istana raja. ⁷ Mordekhai na taknage tabarana tangkahha ge ka kolena, monno taudi ra ammaha ha takna Haman tutge bana hatamadi ta perbendaharaan raja ka taujelu waige ba na hamatei ra ata Yahudi. ⁸ Nyi dinna na yinage jurrata inne hatolhana raja ka hahuna ta Susan tutge bana hamatei yidda ubbu na hatingoni monno na taknage tabarai Ester, monno na kalewai Ester kako tabaranai raja tutge kana karaiwe milla ate oro ta bara bangsana. ⁹ Hatan na kako monno na ha nginwe hatakki ta baranai Ester. ¹⁰ Batauge inne, Ester na hanewe tabaranai Hatan, monno na yinage hatakki tutge Mordekhai, taudage, ¹¹ "Tanga kahhada ana halewanai raja monno ra ata ta harona kerajaan na tade ra laka kabani monno lakawa lawai na kako ta aro umma lohho walena kawulamadi, nyi dage wuhewe inne hukuman, inne hukuman mate. Raja na urtadahodi na tako mas na jonga ge bada morha, walena kamaikamaga raja bataukalage katal kabul lado na." ¹² Yidda na takwe inne hatakna Ester tabara Mordekhai. ¹³ Mordekhai na takwe tutge bana balehai Ester, " Aim mannege oronage ba dagu lar ta istana raja, yau himmu heplau walta ata Yahudi. ¹⁴ Bammu kadanau yau batauge nehhe, tullu monno bebes tutge ra ata Yahudi na hatingo wikna walta hadau wadeka, tabollo yau monno ra tangada ole baiyimu na mate daho. Iya tadau ragam koledana daungodo sebagai ratu batauge nehhe?'' ¹⁵ Ester na takwe tutge bana balehai Mordekhai, ¹⁶ "Kakomi, kamu kahha gadi tanga kahhada ata Yahudi ka dana tai Susan, monno aim yakami oro nage nauwa; aim yakami monno aim enu kami kahha katauda laddona, bada ga'ge monno bada didara laddoge. Nauwa monno ra ata halewagu dimma walema ya'ma waina kanogo katujana ta'mi. Nyinage nauwa hinggu kako tabaranai raja, langma bana aina tujadi ra hukum; ba hamate dangawe hinggu matedamowa nauwa.'' ¹⁷ Na kako Mordekhai monno na rayige tangage ra katujana ka hataknai Ester tabarana.