¹ Babewe inne harayi nuttu, Raja Ahasyweros na keketayi Haman, ana Hamedata, ata Agag, nakeketayi monno daijalayi nyi ta dete tangakahhada kamadakka ka oleni. ² Tangakahada ra ata halewana raja ka dana ta baubinna istana raja na tarakok monno na torroy Haman, tabollo raja na takwe inne nuttu. Batauge inne, Mordekhai wallena auma daika nyi. ³ Ba nyinage, ra ata halewanai raja ka dana ta baubinna istana raja na takwe ta baranai Mordekhai, "Ahha yau aim hadoki hatakna raja?'' ⁴ Kole be bana taknage Mordekhai wal ra laddo monno nyi wallena rangemai yidda, ma nyinage yidda da taknage Haman tutge bada tadawe apakah Mordekhai na engana, tabollo nyi wallena takmanage tabara yidda ba nyinage nyi ata Yahudi. ⁵ Batauge Haman na etayi Mordekhai wallena daikamayi tabarana, Haman na bani takka. ⁶ Manyinage nyiyo na torrowe tauna walle aidahha ba nyinage na rayige aika dahha tabaranai Mordekhai oronage ata da taknage kebangsaan Mordekhai tabarana. Haman na torro larra huna tutge bana wunnu tanga kahadi ata Yahudi, bangsa Mordekhai ka dana ta kerajaan Ahasyweros. ⁷ Wal wullaka dihhana, wulla Nisan, dau kabul dudana pemerintahan raja Ahasyweros, yidda dabaitani pur, ra undi, ta baranai Haman walta laddo monno wulla, kahha dikki wulla ka bullu dudana, ra wulla Adar. ⁸ Batauge, Haman na takwe tabara Raja Ahasyweros, ''Dani nade bangsa ka hekana wal ra bangsa wadeka, tangakahhage inne kerajaanmu. Hatakna yidda monno rade bangsa wadeka na hekadi, monno yidda wallena hadoki ma inna hatakki raja, ma wallena pantas mayi raja bana kahayidi kadana. ⁹ Na raja bana yammakadi, yidi wuyo hangada hatakki tutge ba hayeladi yidda monno nauwa higgu yiyi 10.000 habaina na ukurudi hatimbang kamadakka 3.000 syikal ka bigta kurang lebih 34 kilogram perak ta bara limma ata ka dana haullana loppo yidda da hatamadi ta perbendaharaan raja.'' ¹⁰ Ma begge, raja na laiyini tawurna kawal ta raku limmana, ma nyinage na yiyi tai Haman, ana Hamedata, ata Agag, muhhna ata Yahudi nuttu. ¹¹ Raja na takwe tabaranai Haman, "Perak monno ra ata inne daumuge, rayige aga we yau hatemu dahhwe tabarada yidda." ¹² Inne wulla kadihhana, laddo kabultaudana, raja na kamaikadi ra panitera monno yidda na tolha tunyadi waige tangakahhada ra hatakki Haman tabara ra raja ta harona monno ka pemimpin ka berkuasa ta harona, monno tabarada ra ata madaka tunyage ka tolha monno tutge bahasa na yidda. Hatakki nuttu tunyage hatolha ngarana Raja Ahasywewros monno dimatreikan waige tawur kawal tai raja dau. ¹³ Ra jurrata na kirimdauwudi waina ata ha lewana tanga kahhadi harona raja tutge bana wunnuyi, monno bada hamateyi tanga kahhada ata Yahudi, kawal ka madohona kahha kaweda, lawai monno ra lakawa, monno tutge bana ngala kahhadadi hapoteda ata Yahudi, wal dihha laddo, laddo kabullu taudana wulla kabullu dudana, nyiwe wulla Adar. ¹⁴ Inne jurrata nuttu da yinage oronage hukum tanga kahhage harona, monno na takki kahha we ra tangadi ata yidda na bersiap-siap tutge laddo nimmi. ¹⁵ Ra ata halewa na kako geha ma nyinage hatakki raja, monno hatakki nuttu na takwe ta istana Susan. Raja monno Haman na ngodo sambil enu, tomage kota Susan na gedowe.