¹ Babewe inne harayi inne, banina Raja Ahasyweros na burruwe, nyi na apewe na Wasti, aga ka harayina monno aga ka pohtana tabarana. ² Banyinage, ra ana harehana raja ka layanunnyi, natakwe, "Mayegadi ra'lawai ka bauwinnena ka dahha tutna raja. ³ Nyamani raja natorroy ra atana ta daerah ta kerajaannya tomage yidda nama kahha tangakahhada lawai ka bauwinne kadahha ta istana Susan. Yidda na ngidiyi ta balai lawai ta hatoronai Hegai, atana raja, ka natorroi ra lawai. Yidi ra kabauburrata ta barada yidda. ⁴ Banyinage, lawai ra habaina raja yidda ratu ka gantiyi Wasti." Inna hatakki da himba dahhawe raja, monno nyi narayige. ⁵ Inna hadaudauna Susan dakolege rada ata Yahudi ka ngarana Mordekhai, ana Yair, ana Simei, ana Kish, raata Benyamin, ⁶ ka ngidi walta Yerusalem oleda ata habaita ka hayappada oleda Yoyakhim, raja Yehuda, ka ngidina ta Nebukanesar, raja Babel. ⁷ Nyi na hamatuni Hadasa, na Ester, ana lawaina lokana oroge nyi walle lama amana monno inyana. Na lawai nyiyo nadahhawe tauna monno na mangiddi. Inya monno amana mate, Mordekhai na ngalayi meranage ana takkanani. ⁸ Mabana bewe inne hatakkna monno hamahadanna raja na range, monno butalai lawai bauwinne ka kamakahha ta harona Susan, ha angunai Hagai, ma nyinage Ester dinna na ngidiy ta lar harona raja, ha angunai Hagai, angunai ra lawai. ⁹ Ra lawai na dahha torroda monno da hatorroge ege ate kawal tabarana. Hegai da yididi dauna monno hayayo kadahha tabarada, monno kapittna ata halewa ra ngalada kawal taharona raja monno na kahadannadi yidda ta hadau kadahha ta hadau kadannada raja. ¹⁰ Ester walena takki mawe hadau walna ole baina oronage Mordekhai na wallenahaimani. ¹¹ Dihha laddo Mordekhai na kako ta aro umma na lawai tutge nabaige tadawe tutnai Ester monno agawe kadadi ta tauna. ¹² Tangakahhada lawai bauwinne na kako tama tabaradanai Raja Ahasyweros, ba rawatuy ka kabul duda wullna tutge ha takki tabara lawai, tabollo tangakahhada waktu na waige tutge waiyidi wewangian: anwulla waige minyak mur, anwulla waige minyak kasai, monno ratangakahhadi wewangian wadeka. ¹³ Ma begge ra ra lawai bauwinne da kako tabara raja, monno tangakahhada ka nyi da baiyidi da yidi tabarada tutge da ngidiy kawalta balai lawai ta harona raja. ¹⁴ Bana mamalge laddo, nyi na tam monno kahha bada kokokage nyi na hagga ta balai lawai, ta bara ha torronai Saasgas, ana harehanai raja ka torroy ra Selir. Ra ata lawai bauwinne walle da kakoma tabaranai raja wal, hekawe na raja bana baiyidi monno nyi na kawuladd ngarada. ¹⁵ Batauge Ester, ana Abihail, Loka walta Mordekhai, ka kakeketai Ester na dadi ananan, na kolege giliran tutge kako tabaranai raja, nyi wallena karayima agana ka hataknai Hegai, ana halewanai raja, ka torroy ra lawai. Ester naha harodi dahha ate ta mata tangada ata ka torroy. ¹⁶ Nyi dangidiyi kako tabaranai Raja Ahasyweros ta harona wal wulla kabulna, nyi wulla Tebet, dau ka pittna hatakkina raja. ¹⁷ Raja na baiyiniy Ester dari pada ra tangada lawai heka, monno nyi na yinage kabai ate monno murraha ate lebih dari pada kawalawai wadeka. ma nyinage na ijalanage na mahkota kerajaan ta katakuna monno na hadadini bana jeluyi ratu Wasti. ¹⁸ Batauge, raja na hadadi ge perjamuan kamadakka tutge ra ata buta kama dakka monno ana halewana, nyinage perjamuan oronage Ester. Nyi na takwe laddo kamadakka ta tangada ata ta daerah monno dayiwe hadiah sesuai manawara ate raja. Mordekhai na tadawe inne harayida aikadahha ¹⁹ Mordekhai na ngodo ta baubina raja ra ana lawai ba kahhayi tutge kaduda waina. Ester wallena takkimawe ba giyo dauwalna inya weda waikana monno haronana tujage hatakkinai Mordekhai. Tabollo, Ester na hadokige hatakki Mordekhai merage ba ngalai. ²¹ laddo kawal nimmi, tutge Mordekhai bana ngodo ta aro baubinna istaana raja, Bigtan monno Teresh, kaduda ata ka torroy baubinna, na bani monno mayegadi tutge nawunnuy Raja Ahasyweros. ²² ba nyinage, Mordekhai na tadawe inne harayina nuttu, begge na takwe tabarada Ratu Ester, monno Ester na takwe tabarada raja tutge ngaranai Mordekhai. ²³ Batauge inne harayi da mayegage monno ba nyitakkawe na tautakage, ma nyinage ra kadudana na tauwuyi ta hariyo. Inne harayi da tolhawe ta jurrata kabihha kerajaan ta barada raja.