¹ Ta laddo ka kabulu taudana, wulla kabullu dudana, inne wulla Adar, inne hataknay Raja monno undang-undang na raydahoge. nut laddo, muhhda ata Yahudi da tau hinggwe ta ateda badda habakey ata Yahudi, begge hagga dal mo nage ta aromatada, rada ata Yahudi habeka dal dadi radda ka buttud ate. ² Rada ata Yahudi da makaha ta kotada, ta tangkahage dawdawda Raja Ahasyweros, tutge badda hamate yidda ka habukkad yidda. ladama wuu aki ka tahge ta barada yidda, oroge madauta banna bandage dawdaw nedo. ³ Tangkahada rada ata madaka neddo dawdawu, rada wakil pemerintah, rada bupati, monno tangkahada pegawe kerajaan da bantuy radda at Yahudi, oroge madauta tay Mordekhai badda hadita dage ta yidda. ⁴ Oroge Mordekhai banna rah ta Istana Raja, monno banna badda tadakahadage kabarge ta tangkahage dawdaw, oroge ge yi Mordekhai rar dalmoge banna matabawe madakka daw ngodona. ⁵ Tujja jalage radda ata Yahudi badda habakey tang kahadi muhhda yidda, da tawuy waidi katopo,da duhhuyi, monno da hamateyi; da rayge yidda dokge habayge ateda ta radda ata ka buttud ate. ⁶ Ta lar Istana Susan, ata Yahudi da duhhu monno dahha hamate limma ngahu ata, ⁷ Monno walli Aspata, ⁸ Porata, Adalya, Aridata, ⁹ Parmasta, Arisai, Ariday, Monno Waizata, ¹⁰ Kabulna ana kabani nay Haman, anay Hamedata, muhda ata Yahudi. tabolo, yidda waleda kaduma dadi hapoteda. ¹¹ Nut laddo, pirrad ata ha mate ta Istana Susan takowe tay Raja. ¹² Raja na hanewe tay Ratu Ester, ''rada ata Yahudi da bebe hamate monno da hamate limma ngahu ata, monno ka bulluna ana nay Haman ta Istana Susan. aga bewe harayda ta daudaw Raja wadeka? batauge agawe habayimu? da yidaguge, agawe habayimu batauge? dahha habanka guge.'' ¹³ Ester na balehawe, '' yi Raja banna hatutge, koka kahaikaha todla rada ata Yahudi ta Susan dokge nuttu aturan nehhe laddo, monno nyamadadudlah kabuluna ana nay Haman kadda hapelad ta puu hadairod.'' ¹⁴ Raja nut ha takna da raydahoge. undang-undang ratu da laykahha dahod ta Susan, monno kabulluna ana nay Haman hadairo. ¹⁵ Rada ata Yahudi ka dana ta Susan da makaha hagga ta laddo kabullu pata wulla Adar, monno da hamatetallu ngahu ata ta Susan. tabollo, yidda walda ngala ma ngawu ha kedu. ¹⁶ Rada ata Yahudi wadeka, ka dana ta daudaw wadeka da makaha jalla tutge hamatoge morhada monno da kolena ma yagala wallta rada muhh da, monno dahamate 75.000 ata ha buttu da ate; tabollo yidda walleda da haturu madi limmada tutge rada ngawu ha kedu. ¹⁷ Nuttu banna dadiwe ta laddo kabullu tauda ta wulla Adar. ta laddo kabullu pata, da ngahu monno da rayin nattu laddo tutge laddo perjamuan dahha ate. ladda raya Purim. ¹⁸ Tabolo, eada ata Yahudi ka dana ta Susan da makaha ta laddo kabulu taudana monno kabullu pata nattu wulla. da ngahu ta laddo kabullu limma nattu wulla monno da rayin nattu laddo da laddo perjamuan monno dahha ate. ¹⁹ Batujage nutge, rada ata Yahudi ka dawu ta desa, darayin laddo kabullu pata wulla Adar da rayin Laddo dahha ate monno perjamuan badda ha lo tawu wikna hayayo. ²⁰ Mordekhai na tolhawe ka dadi monno na hangididi jurata ta tangkahad ata Yahudi ka dawu ta daudaw nay Raja Ahasyweros, ka manari monno ka marawu, ²¹ Tutge hagidina yidda kadda rayage laddo ka kabullu patana wulla Adar monno kabullu limma wulla Adar dihhadawu-dihhadawu, ²² Nuttu laddo rada ata Yahudi da kolena maringgi walta muhda, monno ta wulla nuttu, yidda tamate da hahekage dadige banna dita koko monno laddo kamate na dadiwe laddo ka rehi dahha. da raya takka dahodi rattu laddo kadda laddo perjamuan monno dahha ate, monno dahha ngidi wikina hayayo monno hadiah ta radda ata milla. ²³ Ata Yahudi da hibbay ha rayi beda monno ha tolhabena Mordekhai ta yidda. ²⁴ Ba tujja takage, Haman, ana nay Hamedata, nattu ata Hagag,muhh da tangkahhada ata Yahudi, da rayibege tutge dahamatey ata Yahudi monno da baitana pur, rattu undi, tutge ha kacoge monno da hamatey. ²⁵ Tabolo, Ester banna may tabokayi Raja, na haleway wal jurata kanna harayna ka japata haraynay Haman tutge ata Yahudi da hahaga dahod ta pan katakna, kadday Haman monno ana na da hapela dahodi ta puu hadairo. ²⁶ Batauge ge, da takiy nattu laddo purim, walge ta hanewe pur. batuge ge, tangkahad ha tolha ta jurrata inne, mangka ha etada ato ka dadi daw ta tawuda, ²⁷ Ata Yahudi ka enggana monno ka hibba ka enggana ta tawu dawuda, ta ana murda, monno tangkahada ata ka makaha oledi yidda. yidda walda dangga damadi rayakange kaduda laddo raya rattu ta dihhadawu-dihhadawu,hatujjage ha tolha ta ha lewa monno rattu ha taki beda, ²⁸ Monno rattu laddo apa dahoyi monno da rayakan dahodi dihha hakola, keluarga, daudawu, monno kota. laddo raya purim walle ha nyamma damage ta rattu ata Yahudi monno ha ape dahowe tutge kadadi nuttu walle ha lay da mahowe ta ana murda. ²⁹ Begge Ratu Ester, anak Abihail, olenay Mordekhai, rattu ata Yahudi, tolha jurrata waige bange inta, hadedege jurata kadudana tutge laddo raya purim. ³⁰ Begge, Mordekhai na makahadi tangkadi ata Yahudi, ta 127 daudawu ta kerajaan Ahasyweros, waina hanewe ka dahha hadahha ate dangga monno katauda takkana, ³¹ Tutge da raybege laddo purim ta waktu ha badda ray beda, katujjana ha badda hadadi beda Mordekhai, ratu ata Yahudi, monno Ratu Ester. katujjana ha badda rayge ta tawuda yidda dawu monno ana murda tutge puasa monno hoda. ³² Tujja jalage halewanay Ester hadadina ta purim, monno nuttu ha tolha ta jurata kalada.