¹ Nyiwe batauge, dadimlah dokuni'i Allah kataunaa lakawa-lakawa kahade pena manawara. ² Morhamla tatillu manawara, katauna Kristus banna manawara yitta loppo banna yiwe taudau-Na tuttuda yitta diha wuwe maraka lohho dihha wuwe manuta kahahada bau buratana tabara nai Allah. ³ Tanyiduwe illa dakage morh a marihaka ohho dumo morha manyarha, lohho dumo kama'ana lohho wal takda hingwe illage oronage hinna kataudana walle nateng langmage taa tillu kangote ata murraha. ⁴ Ila dakadi panewe aika dana, panewe kama gabba, lohho kawolloka awa, pabut ate danga, aika tuba, yaanyiduwe tabalge, takkawe wai-wai balumu. ⁵ Nyiwe mi tada mige, kahaada hira ata kamarihaka, ata katada lopo wal ata manyarha, ata bara marapu walena dadi mawe banna kolena hadauna kawaha parehana Kristus loppo Allah. ⁶ Ila daka ata katippum miyo banna waige panewena kawohoka oroge radde kataudana, yidda illa padadi tangngage but ate nai Allah tabarana lakawa-lakawa ka aroge li loko. ⁷ Kataudage, illammu pakahha wikkam tabarada ole panewedi. ⁸ Ullege miyo tapagtahomi tanyoduwe patauge tama gahakama nami tabanai Mori, morhamlah kataudana lakawa-lakawa kamma gakaha. ⁹ Wuge kamma gakaha yidda duyi ngara dukkadi kadahha, katijana, lohho wal katena. ¹⁰ Banna kabakage mayegage padauge aga linna daahowe kayanna nage atenai Mori. ¹¹ Illam dok'kana bam ngalawe tatillu parayi kapagtana aika dadi pahuda dangage wuge, tanyiduwe padedaladi tangadi rade parayi. ¹² Oroge batakiyi harayi kabunyida haa make danganyi. ¹³ Tanyiduwe, ngaradukkadi paha dedala oro magahara engandadi ge bada pik etayi. ¹⁴ Oroge ngara dukkada kabada dedobe yidaduyi kama gakaha, Nyiwe oroge, malina dadiwe, "Kademi, ta miyo kadukkalawe dura! Kademge walta jonga dalara ata mate, lohho Kristus engage banna pamagakaha tabaramu." ¹⁵ Inna, pamatrage patidge waige wal kalak atemu agalinna dahowe morhammu, illam tujja dai nade ata mate kalita, dadi ulla ata kahada angta tada. ¹⁶ "Waidahage mahiggo kadana" Kam dadige hada kadahha orogere nade lado patudda hadda japatai. ¹⁷ Yiwe batauge, illa na dadi kawu wu ata kabangnga, tada patidda pogela agawe hakabu atena Mori Nyiwela. ¹⁸ Illa nayannawu oro we anggur oronage kataudana walle nama yanna mage, ta nyiduwe kanna bankagimi Wad katengna. ¹⁹ Kamu pawukana panewe tangara dukkami, waini lawiti, manyanyi ege ate, manyanyi rohani, lohho rayige mahadi kata baranai Mori kawal ta lak atemu. ²⁰ Rayige mahadi madaika wai ba lummini tangara dukkadi kadahha tabaranai Allah, Ama, lohho tangara Mori da yitta Kristus Yesus. Nasihat untuk Suami dan Istri ²¹ Libawa kiwula tabara nade olemu tatillu madauta ni'i Kristus. ²² Pa inya- pa inya, libawa kiwu la tabara laimu, kataudana tabaranai Mori. ²³ Oronage, diha wu ha ama ta dihha bat umma kapala nan ole ummana, kataudana tai Kristus nyi kapalage dihha wu jemaat, nyiduwe taumma, lohho Nyidau kapa tolka mane maraiyi. ²⁴ Nyi batauge, katauna dihha wu jemaat banna libawa tabanai Kristus, tauna jalage dihha wu pa inya naha libawa wikdahona takab hareha laina tangara dukkadi agayi parayina. ²⁵ Ngara dukkami pa ama- pa ama manawara kinni ole umma mu kataunai Kristus banna manawarage jemaat lohho banna yiwe tau dau-Na tutge jemaat. ²⁶ Tannammu kadda tenglangna lohho bana pamuraha dadi, naliwe napa murraha waidi we lohho ege ate. ²⁷ Oro batauda dage, Kristus nadadiwe banna marakawe wu jemaat waige ta taudau-Na tatillu kamanadana, aika manu jira akta, lohho wal ulla nakaruda matada dajalage jemaat kadda teng langna lohho illa manu ladage morhada. ²⁸ Tauda jalage ngara dukkami pa ama- pa ama manawara dahoni ole ummamu kataudana tau daumu bam manawarage. Baiyaduyi kamanawaran ole ummana manawara nage taudauna. ²⁹ Oronage walle ladamani wu ata kabutge ate tau dauna tanyiduwe engage banna karawawe taudajalage Kristus banna karawa jemaat. ³⁰ Oroge yitta wudada ledu limmana. ³¹ Nyiwe batauge, dihha wukabani na ijakahodi amana-inyana lohho engage banna pawu dangani ole ummana tannam yida walle da dadi duda atama tabolo wu heyi. ³² Nyiwe wu rahasia aika anana, mag takgimige tabara tatillu paduwu danga dani Kristus monno jemaat. ³³ Nyidawe batauge, disa-disa kam manawaramni ole ummami kataudana tau daumi lohho wu ha inya enga daho ge banna kangak'kani laina.