Kesatuan Tubuh Kristus ¹ Oro bataudge, nauwa, ata paha tama tagallu oroi Mori, duhara gim miyo kam morha kaha merada bamaikagim habebe bamu hibawe. ² Waige tangage libawa ate monno maluj'ja, loppo maloya, kamu hatagu-hatagu bikta lar tamanawara, ³ karun pangatage dokuge kulham bam karawawe hawuna tangahu lar kama katti moli kama ringna. ⁴ Dukka dahege bada dage kawuna tau, monno hawuna Waddi, kaha merada miyo bamaika gimi tawu hamanne wali banna wali bamaikagimi. ⁵ Wuyi Mori da, wu hatena, wu hareha. ⁶ Wu Allah monno wu Ama wali tanga ge, kadaudete tangngage, ledege tangngage, monno lar tangngage. ⁷ Tabollo, tabarada yitta tangngage dihha-dihha Nayida dage kanyurru dokuge ukrage marada Kristus. ⁸ Nyiwe oroge, matakkiwe, "Nyi napanne be tahadau kama dehta, Nyi na yappai ata ha lokata, monno nayiwe marada ate tabara kadadi ata." ⁹ Kole hatakkiwe, "Nyi na panne", walle taudajalage Nyi banna burru tahadau li bawa ta pannutana? ¹⁰ Nyi, kaburru, Nyijalah kapanne rehi madehta wali tanga ge langta dajalage Nyi kanna panuwe tangngage. ¹¹ Nyi karagge nyiwe, tabarada ledu limman, nabi-nabi yida katakiwe Lina ege ate, tangngada kajawa ana bebe, lohho kaha nuawa monno kaha akka, ¹² kaha inyakaiyi tangngada ata katengna lar taha ulla kaha nukkwe dau kade dangage tau wai Kristus, ¹³ lodo yitta tangngage kadikkige hawuna hatena monno tadaiyi Ana Allah, halina ata katuna, dokuge ukra katum kama nuju rewana kabanna tai Kristus. ¹⁴ Nyi batauda dagege, yitta walle hil lakawamada haki'ika oro ngalung monno kakodo nuttu nimmida oro rereha panua, matipu kadadi ata, angta monno matipu manyarha. ¹⁵ Tabalge, takwe tena lar tama nawara, yitta enga tummu hoda walta tangage tabara na Nyi, ba-Nyiyo katagge, nai Kristus. ¹⁶ Waali tabarada tangngage ngihida mapaha monno hakat hamera dajalage kanna hawudi lede madulla tangadi kaluta. Nyiduwe dihha-dihha bada pahadayi dauda, tauna kanna tummuwe kaenga nyiwe bana hakadewe taudauna larta manawara. ¹⁷ Nyidawe ge, lugdamoge bag pahira gimige lartai Mori, illam hiltuja dai morha ata aika hatena, kamorha waige paha ngadana kaliloko. ¹⁸ Pah ngadada yida nadadiwe banna pagtage monno daha watka wikkna ta morhai Allah. ¹⁹ Ate kamma padda yida naka ronga bewe monno nayiwe tauna tamorha kama'ana waige dadarada. ²⁰ Lodoge, wale tauda damage hadage bam hanuawa tubai Kristus. ²¹ Tauna miyo bam range bewe tubana Nyi monno baha nuawa begimmi lar ta Nyiyo, dokubege katena lartai Yesus. ²² Baitage hada morha kadadi ate kamemana hakolena walta hada morhana ka tibe, kataudana rada aika dahai tamorha kajiraka kama tipu. ²³ Haberu la ngahu paha ngadamu. ²⁴ Hanukdawe morha ata kaberu, pahadadi lar pahadadinai Allah waige tija monno katenengna aikahadukka. ²⁵ Tanyiduwe ge, waige bamu baitage kapalleka, maitangamge kamhanewe dage tubage katena tabara ole atamu oroge yitta kaha olebaina wali tau kaha wuna. ²⁶ Bankaduwu nyiyo tabollo illam rayikana jala. Illa kahha bantama ka mata lado til banimu. ²⁷ Illam nyikanni mahiggo kabalka. ²⁸ Ata kedu be, ilna hillu kedu ka lage. Atnaha dahhahoge nyiyo ba ri-ri kalutana ullana monno pahadawe ha ulla kadahaki waidi limma dauna nyiyo kada dauna kanna dadiwe banna bawe tabara ole atana. ²⁹ Illam pahaikage hanewe manyarha banna huge walta bamu, tabollo dukka dahege hanewe kadahha kaharukkai olem ata kabaige waige hanewemmu kadda kanyurru waige tuba yida karangewe. ³⁰ Illam hama yillai Ngahu katengnai Allah, oro Nyila kataugimmi tada, ta lado hawal. ³¹ Baitad tangngadi kapadu, but ate lar, bani, hagabba wikna, monno hanewe halang lira wikna, taudajalage tangngage japata, hama rauwudi walta tabaramu. ³² Pahada dakiwe lagahara yau monno olemmu, kadakige atem kamaluj'ja, monno hawali-wali wikna, tauna Allah lar tai Kristus banna hawal j'alagimmi dimmi.