Pelayanan Paulus untuk Bangsa Bukan Yahudi ¹ Inne nyidawe kappege, nauwa, Paulus, kadana tagallu oronage Yesus Kristus tuttumi miyo tangngam ata marapu. ² Miyo enga bada rangebemige tuttugu baghalijjakawe manawarai Allah ha yi bena tabaragu tangam miyo, ³ Oronage inna harayi be ngihi ate hataktabaragu katauda bena beha tulha kadubha ulluge. ⁴ Tangra baha inne, miyo antage yappawe naha ngadagu tutuge nedo ngihi ata nai Kristus, ⁵ aiha tak tabarada kahulleka ata heka, tabollo hatangra takki tabarada para rasul moono para nabi katengna oro Wadbihha. ⁶ Inna ngihi ate hakappe dawe ledege Li'ege'ate tabara ata marapu kad ole dadi ahli waris, ole kangotedi wal ta wu tau, monno kadda rajja badda ngala dauda wal jaji nedotai Yesus Kristus. ⁷ Nauwa kadadi ledu limma Li'ege'ate katauda nedo kanyurru kawalta manawaranai Allah, hayi tabaragu dokuge raiullage kuaha-Na. ⁸ Tabaragu, kahadda bawana ta jonga ata tengna, inne manawara hayi takdahowe tabara ata marapu hapotenai Kristus aiha yap, ⁹ monno ngidi magakaha tabara tangngada ata tuttuge nedo ngihi ate kabunyi kabada riwo rata daubena madige nedotai Allah, kaha dadi tangngadi. ¹⁰ Til bataudage, ledege kangote atahatena, tangngage antanai Allahnabatauge natakwe tabarada kahareha monno ka kuaha ta surgawi. ¹¹ Inne kaha tujja tahkabbu ate aika mate nedo harayi be tai Yesus Kristus, Mori da yitta, ¹² nedo tta Nyiyo, yitta da kolege taggora monno lara tama tabaranai Allah badda tija oro doku manenage Kristus. ¹³ Oronage, nauwa ug karaiwe tabaram tannam kaillam gela gaggau bam etawe inna kamayilla hagartag nauwa tuttum miyo. ¹⁴ Inne nyida kappege, nauwa bagtakkodi kuddogu ta aronai Ama. ¹⁵ Nyi dau wallge, kalingngora kaha olebaina ta surgawi monno tapantana dahiba nage Ngarana. ¹⁶ Nauwa gusembayangna dokokuge hapote-Na kamanadana, Nyiyo na yiguge kanyurru kulha nedo ta atemu, waige kuaha ledeni Wadbihha, ¹⁷ tannam Kristus ka engana dauwu nedo ta atemi waige hatena tannam miyo kam kalarta monna kam hapuyo nedo tamanawara, ¹⁸ monna miyo kam oledi tangngada ata katengna kam antage bam yappawe bataudage maniuwolage, monno lurage, monna madehtage, monna kiddige manawara nai Kristus. ¹⁹ Bataudage neda, miyo kole bamtadawe manawaranai Kristus karehiwe tangngage angta miyo kapannumi waige tangngage bannaa Allah. ²⁰ Tabara Nyiyo, kamakge rayige karehi majabola walta tangngage haraida monno hangada yitta. ²¹ Tabarana Nyilah kamanada nedo taka lingngora hatena monno nedotai Yesus Kristus tabarana tangna kahulleka ata kahha wal murri-wal murri. Amin.