Diselamatkan oleh Anugerah ¹ Ulge, miyo um mate oro harayim monno jalam, ² nuthonna bam kako dokuge larapantana, bamdokuge kuaha kalingngora hareha kajapata tapankaraba nawad katangrana raiulla tajonga lakawa-lakawa aikaha doku. ³ Tajonga yida, yitta tangnga ulge da morha alla bada kama'age inna habaige kanada yitta, bada hadokuge oroge habaige kanada monno hangada yitta. Yitta hayapgau allada talakawa wutogo, katujai rada kadadi ata wadeka. ⁴ Tabollo, Allah, kapotena manawara monno oronage inna manawara,Na kamadaka Nyi namanawarada yitta, ⁵ lohho batangrada yitta mate oro malaida yitta, Nyi nahamorhada yitta ole dangngani Kristus, oro manawara miyo beha hoila bemi, ⁶ monno Nyi kaha kade yitta waini Nyiyo monna nahangododa yitta ole waini Nyiyo nedo tahadau surgawi nedo tai Yesus Kristus, ⁷ tannam dikkige rahi amge, Nyiyo naha tingngo dage hapotena manawara-Na aiha anta ukra nedo ta dahha-Na tabara yitta nedo tai Yesus Kristus. ⁸ Oronage, oro manawara miyo hoila ledege hatena monna inne kawaldame walta tau daumu, tabollo kanyur waltai Allah, ⁹ walle oro haullamamuge, tannam kaillada langba wu'ak ata kakeketa wikkina. ¹⁰ Inna yitta harainadai Allah, nahadadida nedo tai Yesus Kristus tannam kada rayige haulla kadaha behaganna baenadai Allah ulge tannam yitta kada antage bada hakakowe ta morhada. ¹¹ Oronage, apelah nut ulge miyo bam dadi um da'a ata marapu, inna hadulka "ata aika kabunyi (kabunyi=sunat), oro yida katak wikna 'ata kabunyi," ngabe kabunyi harai tabara tau waid lima kadadi ata. ¹² Apewelah nutna miyo morha tabalhadu Kristus, mawateka walta kalingngora ata Israel monna ata-ata kahaltama ta jaji monno kira hakatti, walle da kole mage mamanna monno tabali'i Allah nedo tapantana. ¹³ Tabollo, nabatauge, nedo tai Yesus Kristus, miyo nut kaullu kadikko rautaka beha ngidbemi kam dadaheka oro ranai Kristus. ¹⁴ Oronage, Nyi dau ngabbe maring malala da yitta kaba'a raige rada kaduda bal-bali manna hawudi monno kaba'a hamauhage inna hamuhna inna kahawattena, ¹⁵ nedo kahopbewe hamuhna taka na-Na, ngabbege Hukum Taurat kamabg ngihi hareha-hareha monno uk-pata tannam nedo ta tau-Na, Nyi manna rayidi kaduda bawuyi kadadi ata beru, tannam kanna dadiwe bamoli, ¹⁶ monno kaha molidi kaduda tabarai Allah nedo ta wuyo ngihi ledeni nyayu kadailo, tannam kanna matewe hamuhna. ¹⁷ Nyi ammini monno natalarage maring malala tabaramu inna kamarau monno maring malala tabarada yida kadageta. ¹⁸ Oronage, leden Nyiyo, yitta kadudana dakoleni lara tama tabarana nai Ama needo ta wu Wadbihha. ¹⁹ Inna, miyo walle hil ata kahala tama mam monno tam manyonga, tabollo ole kalingngora nedo ta ata-ata tengna monno taka lingngora olebainai Allah, ²⁰ nedo hakade nedo pan rasul mono walta nabim nedo Yesus Kristus dau kadadi Watu Katengna. ²¹ Nedo tai Kristus, tangnga umma ha kadde tangra hawudi oleni monno kanna tummuyi dadi Bait Suci nedo tai Mori. ²² Nedo Nyiyo, miyo wi'ina tangra hakade olemi dai hadau daunai Allah nedo ta Wadbihha.