Nasihat untuk Anak-Anak dan Orang Tua ¹ Lakawa-lakawa, taukid hida ata katumi ledini Mori oronage nyida hoe katena. ² "Taukidi hida amamu monno inyammu", inne nyidawe Li ukpareha kadihhana hadoku hawaimi ha'tukku, ³ "tannam kanna hadahawe morhamu monno kanna malauwaige lolo ngahum tapanutana". ⁴ Ha'ama-ha'ama, illiam rayikadage anamu tangada ha pa'aha ate dangada, tabollo hamatudayi yidda kamayannana monno ha ullanai Mori. ⁵ Haa'ata-ata taukidi hida rada morimi kadana tapanutana lohho kangakkini monno kayi'ikakini lohho muraha ate tjja dahowe tai Kristus. ⁶ Illam tujja kayi ata-ata aika ullana ha'ulla ha'eta dahena ata kahadaha nage atena ata, tabollo yitta ha'ata-atanai nai Kristus karayige hakabu atenai Allah kawalta kalaku ate. ⁷ Ha'nukwe waige kalaku atemu tuj'jawe tai Mori walle tuttu ata pimawe. ⁸ Oronage, bamu tadawe, baha atayi monno ata hoila, mobana rayikage kadaha, Mori natauge tangage tabaraada. ⁹ Mori-mori rayi jala kige tabarada ha'ata-atam. Ha'ngahuwela bam hatu'ula kam tada wela wal Morimi lohho Mori da yid'da ha mera dani ta sorga, monno Nyiyo wallena na pede manna ata bana manawara. ¹⁰ Begge, kam kullha dawu tai Mori monno ta kuaha-Na. ¹¹ Waidi tangadi hagannanai Allah, Tannam kam kulha waige bam gabadi kabalka. ¹² Oronage, harunni hanangida wale gabbana ka'na monno ra'dama dage, taboolo gabbana kapareha-kapareha pannutana, hakulha-hakullha pannutana kapagtana, monno bhabana wad kakulha kawaltai kabalka kadana ta langta. ¹³ Mo batauge, wayidi tangakahadi hangadanai Allah tannam kam ta tagora ba'am kage lado kabokala, monno tangadi kam dede didra kawu. ¹⁴ Mo, kaam dede did'dara, lohho kam ajjerage kalarbage hatenamu tabaggemu, monno halikalabge katijana. ¹⁵ Monno hali kopa leduge lohho hadinyaka li ege ate kamaringina. ¹⁶ Tangakahadi ngalaiyi toda hatena mi kam paddayi pana latti kawaltai kabalka. ¹⁷ Ngalai, top bahi ha tolka danga lohho kito kaleka Wadbihha, nyidduwe Li bihha madinai Allah. ¹⁸ Kam sembayangna gadi monno lado waini Wad katengna lohho tangadi sembayang monno hakaraiyimmu. Tatil sembayangummu, hadinyaka wikkim lohho tangadi hama nuddumu lohho kam kariwe tangakahadi tuba ata ka tengna. ¹⁹ Smbayang jala kiga duggu tannammu bgu bugrakage bagu, hatakki hayidaga tabaragu tannam kailla gu madautawa baggu takwe ha'nappu Li ege ate. ²⁰ Oronage Li ege atela, halewa ha koga. Sembayangga tannam kaillag madautawa bagtakwe ba'aga linna dahowe katena baggu takwe. ²¹ Tikhikus, olebai oleha tenagu hamanawaragu monno ha atanai Mori, ig tak gimige tangkahadi tabara tangngam dimmi kam tadawe ba aga linnawe hapaddagu monno harayigu. ²² Nauwa mema ig halewa minni tabaram rade ha aro, nyiduwe kam tadawe kawal tabarama monno yida howe kaha maddo gimege atemu. ²³ Mol kamaringna tabarami ole bai-ole bai ole hatenagu, monno manawara kamaringna kawal da tai Allah, Ama monno Mori Yesus Kristus. ²⁴ Maring malala da ole gimmi tangngami ata kamanawarani Mori da yitta , Yesus Kristus, lohho manawara aika hama yilla.