Lede li na mono Paama Agama Yahudi ¹ Kole Petrus mono Yohanes da hanewe ta ata buta amidi ta barada yida tangada rato, paama kajawawe Umma Allah, mono Ata-ata Yahudi, ² Waige bani tetakada oro yida bada hamadi ata buta mono bada takiwe lar tai Yesus dage kadde wali tajonga ata kamate. ³ Loho, yida yappayi Petrus monoi Yohanes mono hatamadi ta gallu kahha damage tana oro bana gaddige. ⁴ Tabolo, buta wali ta yida karange bewe hatakida lede li na da hatena, mono matabayi kabani ta jongada yida ba katutuyi lima rata ata butada. ⁵ Dikige damage tana, paama-paama bai ata, mono ahli-ahli taurat yida da makaha kaha ta Yerusalem, ⁶ Oledi rato madaka Hanas, mono Kayafas, Yohanes, Aleksander, mono tangada ata wali ta ole baida ata madaka. ⁷ Kole yida bada tauyi Petrus mono Yohanes ta tilluna , yida da kanukkayi, "Waige bikta pareha agawe waleka waige ngara iyayi bana rayige tangage?" ⁸ Loho, Petrus, nabanuni waddi biha, linna tabarada yida, "Tangami paama-paama mono bai ata, ⁹ Nyi nami parehama lado nehe oro wu harayi kadaha nami harayi bema ta bara ata kabewola nade, waige hada agana ata nade ba hatagaha beyi? ¹⁰ Nyamage hada inna kamu tadawe tangami miyo mono tangana ata Israel kana tadawe ngara Kristus, ata Nazaret, ha kadailo bemi miyo, ha kadde haga benai Allah wali ta jonga dalara ata mate, ata nade ka dede ta aromi lari ta tili tagahayi. ¹¹ Yesus nade nyikna: 'Watu hatulara bemi, ata karayina uma, ka dadi be watu hadda. ¹² mono, wale lakma mane mara lar ta iya hingkayi wadeka oro lakma ngara wadeka ta kabu langta ha yiyo ta jonga kadadi ata waige ngara inna yita kolege hila mane mara." ¹³ Kole yida bada etawe bani atei Petrus mono Yohanes mono da tadayi yida ba ata aika hakolayi mono dabbo, yida da hangatara mono halegewe da tadayi ka dudana da kali marangani Yesus. ¹⁴ Mono, kole bada etayi ata pa hatagahabe na dede ta tibida Petrus mono Yohanes, yida wale dadikmawe gabage. ¹⁵ Tanyiduwe, kole yida bada parehayi Petrus mono Yohanes tutu tanadi Sanhedrin, yida da woro kahage diha-diha, ¹⁶ waige ba lidda, "Agadahoyi harayida tabarada rade ka dudana ata? oro wuyo tadka pahangatara danga mono ka hadda li heka na dadi bewe lededi yida mono na dedo bewe tubana tangana ata ka engana ta Yerusale, mono yita walena dadikmawe bada kaballuge. ¹⁷ Tanyiduwe, dajalage kadadi inne ilana kiki matabawe ta jonga ata, maida yita kada padekayi yida ilada hilu hanewe ta bara iya hingkayi lar ta ngara inna." ¹⁸ Tanamu, yida da kamaikadi Petrus monoi Yohanes , bege da parehayi kadudana tanamu ila hilu hanewe waleka hanuwage aga hingkawe lar ta ngarai Yesus. ¹⁹ Tanyiduwe, Petrus monoi Yohanes baleha mono lidage ta barada yida, "Pohta dakwe, gige ka tena lar pahangadai Allah, tut rangemi miyo ka rehi wali tai Allah? ²⁰ Oronage, wale na dadikmawe aima takki kawe tangage kamahada haeta mono harange bema nami." ²¹ Nyidawe, kole yida hangatan heridi Paetrus monoi Yohanes, yida da nyamadi rasul-rasul rada kako, kole aida jammu hada tutu hokudi kadudana oroge ata buta ka mahadi tai Allah lede agawe ka dadibe. ²² Oro, ata tabarana tadka tagaha nada na dedo bewe, kole ba pata kabulu dauwu rehi bena. ²³ Kole pahalayi, Petrus monoi Yohanes kako ta ole dauwuda mono halarawe tangadi hatakida Rato paama mono bai ata ta barada yida. ²⁴ Mono, kole oleda rada rangewe, yida da keketawe li'da tabarai Allah waige kahawuna ate mono lidage, " O Mori, yauwu dauwula kahadadi bege Langta, tana, bannu, mono tangage ngihige, ²⁵ kahanewe ledeni Waddi Katenguna, lededi ba'na ata-Mu, Daud, ama weda waikama nami: 'Ahha kabihu ata wadeka bani, mono ata kahamatarage ka liloko? ²⁶ Raja-raja panu tana da hainyakabe, mono tangada dauna bikta pareha makaha-kaha dage, gabbani Mori mono gabani halewa be-Na.' ²⁷ Oronage, doku dage harona inne kole bada makaha gabani Yesus, Ata-Mu ka tenguna, halewa bemu, waini Herodes monoi Pontius Pilatus, waidi kabihu ata wadeka, mono ata-ata Israel, ²⁸ Tutu rayige tangage waini lima-Mu mono pahangada-Mu hainyaka ull bewe tutu dadige. ²⁹ Mono batauge, Mori, etawe karohuda yida yida mono kanurukadage tabarada atamu rade talarage limu waige bani ate, ³⁰ Tamram yauwu hajolani lima-Mu yauwu tutu hatagaha mono tadka-tadka loho pahangatara danga kadadi oro ngara Ata-Mu katenguna, Yesus." ³¹ Mono, kole yida bada Sembayang, gedo nage hadauda yida bada ma ubla kaha mono yida tanagada na banudi Wadi Katenguna, loho hangatana talarage li'nai Allah waige bani ate. ³² Mono, makahada yida ka hatena hawuna ate mono urra.lahingmana wu ata ka linna ngawu ha dauwuda dau daumadi wale lidakma, tabolo tangadi dauwu kahadadi. ³³ Loho, waige kawaha kamadaka tangada tangada lede li'na yidage hatada yida tutu kadenai Mori Yesus mono kanyuru madaka dage tabarada yida tangada. ³⁴ Wale lakma wu ata ka dabbo tangada yida oro tangada ata kamangu ramana waleka umma, malajadi, mono ngidiyi hi di, ³⁵ Lodoge bijalayi ta koko leduda lede li'na, mono baweyi tabarada diha-diha ata dokuge habaina. ³⁶ Tauda jalage Yusuf, ata Lewi, ana suhu Siprus, ha kamaika jalada lede li'naBarnabas, kamangu ngara wadekana'lakawa Agu Ate', ³⁷ malajage rammana haduwuna mono ngidiyi amahana, loho na bijalyi ta koko leduda lede li'na.