Petrus Nahatagahana At a Kalikku ¹ Diha wu laddo, Petrus mono Yohanes kako ta Umanai Allah ba dikige rahi Sembayang, ba jam kabandihayi. ² Loho, wu kabani kalikku wali ta inyana nyi haropayi.diha lado-diha lado yida da ijalayi ta baubina kalla umma Allah kangarana baubina kalla dahha kana karaiyi wali ta ata katama ta Umma Allah. ³ Kole nyi bana etayi Petrus mono Yohanes bana tama ta Umma Allah nyi na karaiyi tabarada. ⁴ Loho, Petrus, oledai Yohanes, da hamatarani mono lidage, "Torroma nami." ⁵ Ata ka kalikku nada na haaroge pahangadana tabaradai Petrus monoi Yohanes loho inna mannege hibba ba aga kayi ha'yi wali ta yida. ⁶ Tabolloge Petrus linage, "nauwa lakma daugu amaha kaka mono amaha rara, tabolo agayi ka dana tabaragu enga yigugu tabaramu. Lar ta ngaranai Kristus Yesus ata nazaret nada, kaddewu mono kam kakowu!" ⁷ Begge, na narro nani limma kawanana ata nada mono na tullini hakad'deyi. Ta hadawu nedo dummo, leduna mono koko limmana na kilha haggayi. ⁸ Waige talahokka, nyi na dede mono nahalegewe kako.nyi na tama ta Umma-Nai Allah oledi Petrus monoi Yohanes, tamrana kako, mono talahokka, lohho hadi daikayi Allah. ⁹ Tangngana ata kaetayi bana kako mono daikayi Allah, ¹⁰ mono yidda da' tadayi ba nyiyo nadda ata kadana ngodo ta binna kalla kadahha Ummai Allah tuttu maraino karayi pajalana limma. Yidda na karaiwehada ka bangara mono hangatara agawe kana hadabbe ta barana. ¹¹ Tamrana ata nada hamawo wikina tabaranai Petrus monoi Yohanes, tangada ata da malaiyi tabarada yida ta Serambi pahangarada Serambi Salomo, waige hada hangatara. ¹² Loho, Petrus kole bana etayi, nyi linage tabara ata buta rada, "Ta ata Israel, aha miyo mam hanagatarami tutu kadadi inna waleka aha miyo mam hamatara gama nami kamera waige bikta hareha waleka muraha mage nami dauwu, nami karayi beni ata nade bana kako? ¹³ Allah Abraham, mono Isak, mono Yakub, Allah ama weda waikada yita na hamanada beyi atana, Yesus, hayibemi mono ha tularami ta aronai Pilatus kole nyi bana pohtawe pahoilayi-Nyi. ¹⁴ Tanyiduwe, miyo um tularabege katenguna mono tena, mono miyo umkaraiyiyi wu ata hamate ata pahalla gimini tubami, ¹⁵ mono miyo umhamate beyi ka yiyo Morha, hakadde hagga benai Allah wali ta ata kamate.tutuge inne, miyo tangami ka etawe. ¹⁶ Mono Pu hatena lar tangarana haluguna Ngara Yesus, na hakulha beyi kabani ha eta mono ha tada bemi miyo.Mono, hatena ka amna ledemi Nyiyo kayibewe tagaha kabanuna tabara kabani nade ta aromi miyo tangami. ¹⁷ Batauge, olebaigu, naueag tade bewe miyo pahadawe lari aihatadami tujawe harayida tangada ka kodogimi. ¹⁸ Tanyiduwe, ha dikki benai Allah uluge ladege ba'da tangada Nabi nadai Kristus enga mayillana na bannu bege. ¹⁹ Oro ba tauda dagege jarrami mono hagami dajalage doku jalami ka hopimidi, ²⁰ Tanamu ta rahi maloga amige wali ba dani Mori, mono dajalage Nyi na halewayi Kristus pa hanuku bena tutumi, haluguna Yesus, ²¹ hahibba hona Surga kahadikige rahi hatagaha tangage tujawe hatakki benai Allah lededi tangada Nabi-Na katenguna wali uluge. ²² Musa linage, Mori Allahmi na hakadegimini tubami wuyo Nabi tujawa nauwa jonga dalara ole bai dauwumi.miyi um range dahoyi tangage hatakina tabarami. ²³ Mono enga dadige, nahiyi urra, aika baiyige rangeyi Nabi nada enga pudahayi wali ta jonga dalara kabihu ata.' ²⁴ Mono, tangada nabi ka kali hanewe, wali tai Samuel mono yida bada bijalawe patakiwe lado nade. ²⁵ Miyo ana suhu wali tangada Nabi mono wali hajaji hainyakabenai Allah tangada ama weda waikamu, tangada dalara ata ta panu tana enga hamaringiyi. ²⁶ Allah, kole bana hakadeyi atana nahangidi uluni tabarami kana hamaringimi waige bana rayige tangada ata wali ta jongami nakabali wali ta kajapata."