Ba'ammige Waddi Kateguna ¹ Kole laddo Pentakosta ba'na dikkiwe, yidda tangngada da'kahhdi ta hadauwu nedda. ² Mono, rangnge hayaddawe kawali ta Langta, Punnyi katujjayi Warata, mono punnyi inna bannuge taronga umma ba tangrada ngodo. ³ Mono, na de'dowe tabarada yidda karewo tujjana rewo latti kamahabbara mono ka'deke ta pannu katakkuda yidda dihha-dihha. ⁴ Nyidawe, yidda tangngada nabannudi Waddi Katenguna, mono haleggewe hanewe larr tangnga ngara hanewe, tujjawe hayida'di Waddi Katenguna tuttu yidda hanewed'a. ⁵ Ta lado nedo, da'di ata Yahudi kaengana ta Yerusalem, ata kahatena wali diha hadauwu - diha hadauwu takabu Langta. ⁶ Mono, kole punyi inna barangewe, haibbo ata buta da maiyi kahha mono tillu bangarayi oro yida bada rangewe yida bada hanewe dokuge haneweda yida kaamna nedo. ⁷ Yidda hangatara mono bangara, mo lidage, "Yida tangada katamrana hanewe wale ata Galilea duyi? ⁸ Mono, aga linna kakwe diha-diha yita bada rangeyi yida waige hanewe hadauwu dadida yita? ⁹ Ata-ata Patria, mono Media, mono Elam, mono ata Mesopotamia, Yudea, mono Kapodokia, Pontus, mono Asia, ¹⁰ Frigia, mono Pamfilia, Mesir, mono kalingora Libia bara Kirene, mono ata li pallaka wali ta Roma, loho ata Yahudi lopo tangada Proselit, ¹¹ ata Kreta mono Arab. Yita badarangeyi yida dahanewe da waige haneweda yita tutu harayinai Allah kamadakka." ¹² Mono, yida tangadda da hangatara mono na gibokayi katakuda bada hanewe diha ata-diha ata, "Agawe ngihige tangage inna?" ¹³ Tanyiduwe, ata wadeka da malhadi yida mono lidage, "Yida kalango oro enu anggur beru dage." ¹⁴ Tabolo, Petrus nadede hamera dangadi kabulu dihana lede li'na, na keketawe lina mono linage tabarada yida, "Ta ata Yahudi mono tangami kaengana ta Yerusalem, nyamage kamu tadawe miyo mono kamu hamatarage hanewegu. ¹⁵ Oronage, ata-ata rade wale kalango oro enu anggur mawe, tujawe hangadami miyo oro batauge lado nehe jam hatauda waiyi, ¹⁶ tabolo inne nyiwe hataki ledeni Nabi Yoel: ¹⁷ 'Mono, talado hadukka waiyi enga dadige, Allah: nyidawe nauwa bi gumi Waddi-Gu tapanu tangana kadadi ata.Mono, anami kabani enga etada haeta, mono anami Lawaiyi enga naganipi tanga ngara naganipi, mono anami bau mane bau winne enga etada haeta, mono ata katumi ta jongami enga naganipida hanaganipida. ¹⁸ Lodoge, tapanu tangada ata-Gu kabani mono tangada ata-Gu lawaiyi ta lado inala, Nauwa ugu bi hogumi Waddi-Gu mono yida enga huru baleda. ¹⁹ Mono, Nauwa enga hatingo daguge Mujizat-mujizat ta Langta, kadauwu dete, mono tadka-tadka hangatara danga ta panu tana, kadauwu bawa, rayo, mono latti, mono hammu habongi. ²⁰ Mata laddo engana hajeluna dadi kapagta mono wulla dadi rayo, aina diki howe ladonai Mori kamadakka mono kamanadana ba ammini. ²¹ Mono enga dadige, tanagana ata ka maikage ngaranai Mori enga pahoilayi." ²² " Ta' ata Israel, rangewe hanewe inne, Yesus ata Nazaret, wuyi ata pahadelakabe tajongami iy Allah waige waige hada hangatara danga, mono mujizat-mujizat, mono tadka-tadka, hatingo benai Allah tajongami ledeni Nyi, wiki dawu tadawe. ²³ Yesus nade, pa hapala dokuge hakabu ate paha yanna bena mono hatada benai Allah ulluge, paha matena waige bamu kadailo-Ni lededi limada ata bokala. ²⁴ Tabolola, Allah nakadde hagaga-Yi mono pahalla-Yi wali kamayilla mate oro wale nadaik'mawe tubana parehayi mate. ²⁵ Oronage, Daud kali linage tutui Yesus, 'Nauwag etayi Mori ba da' hanagatani ta arogu, oro Nyi ba dani ta bara lima kawanagu dajalage nauwa walegu engakmana gedo. ²⁶ Oro batauda dage, ategu na lagaharawe, mono lammagu na lageborawe. Tau dumogu engage ba tatilu mamannewe, ²⁷ oroge yauwu aimu tanyragani uragu badami tapanu tana ata mate, waleka aimu pahaimodi tauda ata katenguna etawe ka liloko. ²⁸ Yau um takbegage tabaragu lara morha.yau engage bamu pahadawa ka bannuna ege ate waige mata-Mu.' ²⁹ Bagu ole baigimi, nauwa dadiwe bagu hanewe tabarami waige kadibaha tutu weda waikada yita, Daud, oro nyi bana mate be' mono tanini, mono ratena dahoni hamera waida yita kahha lado nehe. ³⁰ Nyidawe, oro nyi ba wuyi Nabi mono katadawe nai Allah bana jaji bewe waige haurana tabarama tutu ba hangodoyi wuyo wali ta ana suhui Daud tahadauwu ngodona. ³¹ Oroge inna, Daud na etawe hada inna ullugenNyiyo nahanewe tutu kaddei Kristus Nyi: 'Nyi wale hamadhtakmayi ta panu tana ata mate, mono tau-Na wale matekmawe liloko.' ³² Yesus nadelage Nyi hahadenai Allah mono nami tangngama kaetawe tutu hada inna. ³³ Oro bataudagege, ba hamadehta beyi ge wainin limanai Allah mono hibbawe jaji inna wali tai Ama tutu waddi Katenguna, Nyi na bibeyi , ba agawe inna harangemu loho dumo haetamu. ³⁴ Oronage, Daud wale panekma ta Surga, tabolo nyi dauwu kahanewe, "Mori nahanewe tabara morigu, 'ngodowu tabara limma kawana-Gu, ³⁵ kahha nauwa bagu rayidi muhhumu dadi dau ijalagudi ledugu. ³⁶ Oro batauda dage, nyammadi tangadi umma Israel tadwe waige kalijaka nadai Allah bebe bana hada-Ni Mori mono Kristus, nyiknai Yesus pakadailo bemi." ³⁷ Kole yidda bada rangewe hada inna, nama duhkayi ateda yida, loho liddage tabarai Petrus mono lede lina wadeka, "Ole baiyigu, aga dahowe nami harayima?" ³⁸ Loho Petrus linnage tabarada yidda, "Jarrami mono harihawe taumu dihha-dihha lar tangaranai Kristus Yesus tutu hawalidi jalami, mono miyo enga hibbami kanyuru Waddi Katenguna. ³⁹ Oro jaji inna nyikwe tutumi, mono anami, mono tutu tasngada ata kamarauho, katauna butana Mori Allahda yita ha kamaikana." ⁴⁰ Mono, waige batuge ha takki wadeka, Petrus na etawe waige ka tauwu takkana mono na kawula tabarada yida, linnage, "Pahoilawe taumu wali ta dalara ata kalego radde!" ⁴¹ Ata kahibbawe hanwei Petrus harihayi mono lado neda butada yida na matabayi tauda ratayi. Maubla Ata Kahatena ⁴² Yida da manuddu ta hanauda lede lina mono lari ta kangote, lari bada hibbayi kababa, mono lari ta Sembayang. ⁴³ Mono, madauta amige ta panu tangadi urada, mono butayi hada ha bangara danga loho tangadi tadka kadadi lededi ledu limana. ⁴⁴ Tangada kahatena da hawuna makaha mono tangadi hadauda dauwu kahhadi. ⁴⁵ Loho, yida da malajadi ngawuda mono dauda, bege da baweyi tabara tangada ata dokuge hakabu ateda diha-diha. ⁴⁶ Dihha lad'do-dihha lad'do, waige ate kahawuna yid'da 'da maubla kahha ta ummai Allah mono 'da hibbi kababa waige lagahara mono murraha ate, ⁴⁷ Tamra mahadi Allah, mono yid'da buta ata kabaidi ata.Mono, nahiyi lad, doi Mori na tabayi buta'da yidda ata pa hamane mara.