Ananias monoi Safira Ka'bani Ngahunai Mori ¹ Nyidawe, dani wu kabani kanagaranai Ananias, oleni ole umana, Safira, malajadi tangadi tanada. ² Mono, gauwuni ole umana tadawe, Ananias bana pattuyi wadeka hi tana hamalajada tuba dauwu dauda, mono duka hege wadeka bada ngidiyi, loho ijalayi ta koko leduda lede li'na. ³ Tabolo, Petrus Linage, "Ananias, ahhai kabalka mana bann gguge atemu dajalage miyo mam kawohoka tabarana Waddi Katenguna mono mam pattuyi wadeka hi'di tana wadeka hamalajami inna? ⁴ Ba aim malaja hoge inna tana inna, wale engage bamu dauwuge inna? aha miyo mam hanagadage harayi inne lari ta atemu? Miyo walem kawohokamami tabara ole atamu, tabolo tabarai Allah." ⁵ Loho, kole harangewe hanewe inna, Ananias bukka nono tingiwe ngahuna hadakka waiyi.Nyiwe, dadi madauta aika anana tabara tangada ata karangewe hada inna. ⁶ Kapirrana bau mane amidi, ublanage karogona, mono da'dani ta bali haddu, loho da tanini. ⁷ Bege, batauge katutu tauda jam ge, ole umnana Ananias amini, tabolo walena tadakmawe ba agawe kadadi. ⁸ Mono, Petrus linage tabarana, "Takigage tabaragu, tau memahekige hige tana bamu malajage?"Mono, Safira linage, "Ngo, tau memakige." ⁹ Bege Petrus linage tabarana, "Ahha yauwu mono laiyimu mamu hawuna hataki tutu ka'bani Waddinai Mori? Etawe, oro leduda ata katani beguni laiyimu da'hodi ta aro bo bina mono yida dumo enga da'dagu ta bali haddu." ¹⁰ Hayaddawe, Safira bukka ta koko ledui Petrus mono tingiwe lolo ngahuna hadakka wai, kole rada bau mane tama, yidda da etayi safira bana mateki, loho yidda da dadani ta balu haddu monno da tanini ta tili laina. ¹¹ Nyiwe, nadadiwe madauta kalla ta jongada ana suhuna mono ata karangewe kadadi innana. ¹² Butayi tadka habangara danga mono mukjizat kadadi ta jongada ata buta lededi limada lede lina mono yidda tangada waige ka hawu atena ka dana ta serambi Salomo. ¹³ Lakma wali ta wadeka kabani atena hadabola wikina ta yidda, tabolo ata ka hadda hamanadai yidda. ¹⁴ Mono, kiki buta walge ata kahatena lara tai mori, buta dalikai kabani loho dumo lawai. ¹⁵ Oro inna nage, loho yidda da ditayi ata kalawara talara mono kabaikayi yidda ta pannu raka mono tappe kuwa dajalage kole Petrus amini, bana modakawe langka mawona dadi.yanayi kapirana wali tayidda. ¹⁶ Dummo , dajaladi ata buta wali dihha harona-dihha harona ta kalingora Yerusalem.ami dabadi ngidiyi ata kalawara mono yidda hatamana waddi japata yidda tangada hatagahayi. ¹⁷ Tabolo, rato madaka kadde, oledi tangadi kadokudi, haluguna kalibbo Sadoki, monno yidda habannuna kawi atena. ¹⁸ Yidda dayappayi lede lina mono hatamadi ta gallu jabarra. ¹⁹ Tanyiduwe, bana gaddige, wu Malaikatnai Mori buggerage binna gallu, irruyi yidda huna mono da hanewe. ²⁰ "Kakom, dedemi, mono talaradage ata ta ummai Allah tangage liyo tutu morha inne." ²¹ Mono, kole yidda bada rangewe, dikige kokoka gaula, yidda tama lar ta umma Allah mono halegewe hanuwana ata.kole rato madakka mono tangada ata ka oledi di'kki, yidda da kahhayi Sanhedrin mono tangada bai ata Israel, lohho halewai ata ta gallu tutu ngidiyi lede lina radda ta aroda yidda. ²² Tabolo, kole ata halewada radda di'kki, yidda walle tabokakmayi kadudana lede lina radda ta gallu.begge yidda hangadage mono da takiwe, ²³ Waige balidage, "Nami madikkige gallu inna makuhhiwe waige tangage kajawawe mono tangada kaha tetige da dede ta aro binna, tabollonami kole bama buggerage, namiwallema dikikmadi wuak ata lar." ²⁴ Mono, kole paama kajawawe uma Allah mono tangage katakge rato rangewe hataki inna, yida tilu hangatarayi tutuda lede li'na rada mono da kanukawe aga linadawe hadage bana dadiwe inna? ²⁵ Bege, wu ata amini mono takidege yida, "Etayi ge! ata hatamami ta gallu tamra dededage ta uma Allah mono hanuwanadi ata buta." ²⁶ Loho, paama kajawawe uma Allah gawudi yida kahatetige kako mono ngidiyi lede li'na rada, tabolo wale waimage kupla oro yida madautage tuku waidi watu ata buta. ²⁷ Kole yida bada ngidiyi Petrus monoi Yohanes, yida ka haarodi ta aroda Sanhedrin.loho rato, madaka na kanukayi yida, ²⁸ Linage, "nami ma heri begimi waige ka tetakana ilam hilu hanuwage lage lari tangara inna, tabolo miyo um panu bewe yerusalem waige pahanuwami mono miyo kabu atege tutu bamu hatagunage ra'na ata nade tabarama nami." ²⁹ Tabolo, Petrus mono lede li'na balehawe, "Nami narehi daha dahowe dokuni Allah wali ta kadadi ata. ³⁰ Allah ama weda waikada yita nahakade beyi Yesus, hamate bemi waigw bamu tarumiyi Nyi ta yayu hadailo. ³¹ Allah na hamadehtayi Nyiyo ta lima kawanana-Nyi kakodoge mono hada hoila kana yiwe jarra tuba Israel mono hawalina tangadi doku jala. ³² Mono, nami katadwe wali tangage inna, mono tauda dumoge Wadi Katenguna, hayibenai Allah tabarada ata kadokuni." ³³ Kole yida bada rangewe inna, ateda yida mera haduhkayi mono kabu atege hamateyi rada lede li'na. ³⁴ Tanyiduwe, wu ata kangarana Gamaliel, wu guru taurat pa haakana tangana ata, dede ta aro Sanhedrin mono halewayi rada lede lina ka ngidi tuduyi ta balihadu. ³⁵ Loho, nyi linage tabarada yida, "Ta ata Israel hamatara hadahage agawe miyo harayimi tabarada ata rade. ³⁶ Oro, kapirana mahigo kalangana, Teudas kade, mangakge tauna ba wuyi ata kabaningna mono ba taudi katutu da pata ngahu ata kahawuyo tangadi.tanyiduwe, nyi na hamateyi mono tangada kadokuni hai-haida, kaha ai hilu da' hingudi. ³⁷ Kole Teudas, Yudas wal ta Galilea kadde, ta lado rahi tolha ngara, mono buta ata ha tingina tutu dokuninyi.nyi dumo hamateyi mono tangada ata ka dokuni hai-haida. ³⁸ Oroge inna, lar kadadi inna, nauwag hanuwagimi miyo:Hamarau wikimi wali ta ata rade mono pahaidi yida.oroge, nyi nahakabu ate mono harayi inna ba wali kage ta kadadi ata, hada inna enga walna dadikmawe. ³⁹ Tabolo, inna hakabu ate ba wali tai Allah we miyo enga walem makkakmage hangahuwe.Loho miyo enga dikkigimi tamra gabbani Allah." ⁴⁰ Yidda, dokuge hanuwanai Gamaliel.bege kole hamaikadi kadudana ata lede lina rada, da paluyi kadudana mono da heridi lede lina rada ba hanewe lar tangarai Yesus, loho pahalayi. ⁴¹ Oroge innage, lede lina rada kako wal ta aro Sanhedrin waige ege ate oro yida yap gaudi tuba mayila ba habawayi tutu ngara-Na. ⁴² Mono, diha lado-diha lado, ta Uma Allah mono ta uma wuyo kaha ta uma wadeka, yida wale kali ngahukma hanuwana ata mono talarage liyo ege ate nadai Yesus Nyiknai Kristus.