Hada-Hada Ata neddo Tarahi Hapodi Wai ¹ Hamatragela inne ta laddo-laddo murri, inne rahi kapitona enga ammige. ² Oroge, ata enga dadihewe banna baige tau dauna, ammaha dahei habaina, luwa awa nahha hatakki, wutogo, kabalge kadahha, walle manono tabara ata tu na, walle tada mauwe waibalinna, wallena murraha'kma, ³ walle natada mawe manawara, walle nabaimanna moli, walle na angta magge pattiwe tauna, katopo tatka, walle na baimagge agawe kadahha, ⁴ majalana olena, walle na matibama, ngadala, at dahoge bainagge inne kama'na ate walta tabara bainiyi Allah, ⁵ baetayi nadahha tabollo nakabalge kuaha-Na. Maraudi radde ata kataudanna. ⁶ Oroge, ta jongada yidda dadi katama manyonga larta jemaat monno ka kattiddi lawai loja mawala kataguna jala kabuta monno kayorin yidda ta tangnga ngara kama'k ate. ⁷ Radde lawai katauda hadana yidda engadahogge hanuwa, tabollo walle nakalmawe badda dikkige tadawe neddo katena. ⁸ Kataudanna tai Yanes monno Yambres ka gabbani Musa, katauda wi'knagge radde ata kagabbage inne katena. Hangaddada yidda athingpod japataddi monno hatena yidda walle natahmagge bakaba dagge. ⁹ Tabollo yige, yidda walle da angtama rehi marau oro kabangngada yidda ka dedo tabara tangngada ata, kataudanna ka dudanna ata innanna. Hanuwa Paulus Tabara Timotius ¹⁰ Tabollo, miyo um doku begagge oahhanuwagu, hada morhaggu, dau aroge morhaggu, hatenagu,maloyagu, manawaraggu, monno mikkunguggu, ¹¹ kataudanna inne kahammayilla tau monno kahamma yilla ha paddag ta Antiokhia, Ikonium, monno Listra. Nauwa ug taggoranna larta mayilla, monno Mori nahha tolkagga walta tangngaga inno. ¹² Katautakkanagge, ngaradukkanna ata morha manono tai Yesus Kristus enga namma yilladahho, ¹³ tabollo ngaradukkanna ata kajapata monno katagu matip enga darehi li loko wi'kdahho, yidda kahha jallora monno pahajallora. ¹⁴ Tabollo tuttum yauyo, pangattagge aga inna beha nuwa bem yauyo monno yauyo hamannem oronage yauyo um tadawe walta ia yauyo dau hanuwamugge, ¹⁵ baaga linnawe wal wunga marraham yauyo um tadabewe Jurrata Bihha kamakkage yigu angta tada tabara hoila ledege hatena tai Yesus Kristus. ¹⁶ Ngara dukkage Jurrata Bihha ha yina ngahu Allah monno kamangauna tut hanuwa, tut hadedowe kajala, tut haberwe kanogo, monno hakolawe katena. ¹⁷ Waige bataudagge, kadadi ata dau naddi'i Allah ka jalla monno paha tuttu tangngage ha rayi kadahha.