¹ Tutge baammin-Ni tubage kerajaan-Na, waige kahha tetakka-takkana, nauwa hadikgimigge li tabaramu ta aroi Allah monno Yesus Kristus ka tiba ata morha monno ata mate: ² Hadikgela linai, ka engage bam hainyakalah dahha lohho aina dahhawe rahige; haapegelah, hanuwagelah, monno haruyi yidda waige maloya kabanna monno hanuwa. ³ Oroge, enga dikkige rahige kole radde ata ba aida au hibba hanuwa kammayanna. Kabalge, tutge kanna bannudi katilu, yidda enga kahhada guru-guru tuttu tauda yidda dauwu dokuge neddo haka ma'kda yidda. ⁴ Yidda enga dakka tilge walle da rangngema yidda walta takka tena monno tabali tabara naganewe-naganewe. ⁵ Tanyiduwe miyo, hamatraggelah tamgmgage inne, taggora larta takka pito kamorha, ullaggela tagu talaragge Injil, monno pankiwi ha ullammu. ⁶ Oroge, nauwa da bibewa da'k koba maraka, monno neddo rahi kakogu ba dikkagge. ⁷ Nauwa ug hataubewa neddo taha tau kadahha; nauwa ug bebewe inne malengo; nauwa ug karawa bewe inne hatena. ⁸ Nabatauge, mahkota katena pahha ganna be tagugu. Ta laddo neddo, Mori, Hakim ka tijjana, nyi kayigagge tabaragu, monno walle tabara kelmaggu, tabollo wi'kna tabara ngara dukkada ata kama'kge ba ammin-Ni. Hanau Dauna Paulus tabarai Timotius ⁹ Run'gelah tutge ba geha amgimmi tabaraggu ¹⁰ oronagge Demas na ijjakagga nauwa, oroge nyi nakka ma'khogge inne pannu tana monno na kako ta Tesalonika. Kreskes badda at benni ta Galatia monno Titus ta Dalmatia. ¹¹ Nadde Lukas nyihe olegu. Tabbokaiyi Markus monno marangngan nyiyo oleg yauyo oronage nyiyo manggautakkana tubagu oro haullanna. ¹² Nauwa ughalewa beyi Tikhikus ta Efesus. ¹³ Nyidawe miyo ka amgimmi, ngidgagge kalabbe madakkag paijjakag tabarai Karpus ta Troas monno jurrataggu, baibuge tangngad ram perkamen. ¹⁴ Aleksander, naddo katukku bahi, kahha rogtakkawa nauwa. Mori nyika ka taunagge gabbage waige tangngagge haraina. ¹⁵ Miyo kam hamattara hatidge ta arona nyiyo oronage nyiyo na gabbage inne hanuwada yitta. ¹⁶ Neddo hadedegu ka ullu, walle ladahingmanna wu ak ata kahha ruwa nauwa oronagge tangngada yidda da ijjakagga nauwa. Banna modahewe inne ka illa hagabbawe tabarada yidda. ¹⁷ Tabollo Mori nadede tabaragu monno nahakulhawa lodoge inne nabange batakwe ledega nauwa, monno tangngana ata aika Yahudi manna dadiwe badda rangwe. Waige kataudanna, nauwa mawakkehawa walta ba singa. ¹⁸ Mori enga hatolka nagga nauwa walta tangngad harayi kajapata monno ka ngidwa ta kerajaan surgawi. Tabara Nyiyolah kamanada kahha walmurri-walmurri. Amin. Hanauwu Kahadda Murri ¹⁹ Hadikgagge salamuggu tabarai Priskila monno Akwila, monno tabara tangngage ngihhi ummana Onesiforus. ²⁰ Erastus kanna engadanna ta Korintus, Trofimus nauwa ug ijjakan ta til kalawara ta Miletus. ²¹ Run'gelah baamgim nimmi toma aidikkige inne rahi kalikka. Ebulus, Pudes, Linus, Klaudia, monno ngara dukkad olebaigu ta wuha tena nahha ngiddig salam tagumu. ²² Mori nairrikagunni urramu. Kanyurru manawara na irrikau yauyo.