¹ Oroge inno, anagu, kamdadi kulha larta tamma manawara inne kadana lar ta Yesus Kristus. ² Aga dahingduyi miyo beha rangngebem walta nauwa taaro buta ka etawe, hatedagge inno tabara ata kamma nuddu, lohho kamakkanna hanuwa ata heka. ³ Hadoku mayilla ba wuwu prajurit Yesus Kristus kadahha. ⁴ Walle lada'kman prajurit kaenganna orha dauwe daunawaige banna orhawe morha malkokanna tannam nyiyo kanna ha egeyi nadde kapalana. ⁵ Katauda alla wi'nagge wu at olahragawan banna malengo,nyi walle nakole da'kmanna mahkota ha tailo dangnga nyi ba aina dokukagge hada malengo paha diddara. ⁶ Wu ata petani ka ulla bi'ktanna engana nadadi da'khowe ba wuyi ata kaullu hibbawe ngihige rayi ullanna. ⁷ Hangadda gelah agawe nauwa hatakkiggu oronagge Mori nyi kayigu hangadda tut tangngage inne. ⁸ Apewelah Kristus Yesus, ka kadde be wali ta jonga ata kamate, walla wunwi Daud, kataudanna patakkiggu neddo ta Injil, ⁹ mo oroge inne nauwa batauge ug mayillawa kahha dikkige baha tamaga ta gallu ba tijjai wu ata karaina kajapata, tabollo linai Allah walle ta gallu mawe! ¹⁰ Oronage inno, nauwa tahna ta tangngaage inne tubada radde ata hapedenai Allah tannam yidda wi'kna kanna dadiwe bappa hoilaiyi kadana neddo tai Yesus Kristus monno waige kamma nadanna aika mangdukkanna. ¹¹ Inne hatakki natenawe: "Inne yitta badda mate oledangngani nyi. ¹² Inne yitta badda mikkuka, yitta wi'kna da ha reha oledangngan Nyi. Inne yitta badda kabalkan Nyi, Nyi wi'kna nakalbalda yitta. ¹³ Inne yitta ai engada badda manuddu, oronagge Nyi walle nadadi mawe banna kabal dauge tau dau-Na." Kaullanna Kahha Egeyi Allah ¹⁴ Paapedagge yidda tutge tangngage inne. Hanuwad yidda ta Allah tannam yidda kailla daha barrekanna tutudi hanewe oroge walle la'kma gaudi monno pa mauha dangnga da dagge radde ata karangeyi. ¹⁵ Rayigelah karehna kadahha tutu marakagge taumu waige katuba ta aroi Allah ba wuwu kaullana aika katadawe makke, monno ka hanuwa begge hatakki katena waige katuba. ¹⁶ Tabollo nyige, pahilpa wikkim walta hanewe aika mangngihina inne kali-loko oronage inne walle naha aromadda aita manuddu manono karehi aidahha. ¹⁷ Patakda yidda nageha matalawe kataudanna kalawara gangren. Ta jongada yidda dadi Himeneus monno Filetus, ¹⁸ kabadda hekorabe walta katena, waige badda takkiwe inne kadde hagga nadaidi bewe. Yidda da kaurad hatenada wadeka ata. ¹⁹ Tabolo, puge Allah ka kulha engana ded diddara waige inne meterai inne: "Mori na tadayi iyai hadau-Na," monno "Tangngana ata kamma ngakunagge nagaranai Mori da tanna dahogge inne kajapata." ²⁰ Neddo ta umma kahadda dahha, walle nyidakel mawe bada prabot kawalta ammaha rara monno perak, tabollo wi'kna walta yayu monno tana ditto. Wadeka walli waidi tutge ha aka, tabollo tutdanagge aika manggauna. ²¹ Oronage inno, nyi wu ata banna hamurra kagge tauna walta aika manggauna, nyi engana dadi prabot tutge pahha aka dangngadayi, pahhatubadahhe, kamang gauna tutu morina, monno pahha inyaka tutu tangngana ata kaullage kadahha. ²² Dikko raugela inna kam'k ate ata bodi monno rotwe katena, hatena, manawara, monno moli kammaringna ole kahhada waige yidda kamaikanni Mori waige ate kamurraha. ²³ Hilpakiwe habarrena kabangnga monno aika mang angta oronage miyo um tadawe inne kataudanna pahha gabba dangngawe. ²⁴ Ledu limmanai Mori walle kahha gabbada'kmanaddi, tabollo na mawu bayo tabara tangngana ata, buta akkala hanuwa, monno maloya ²⁵ waige mawu banna hanewe dangngana gabbanna. Nai Allah kanna yika'kmod kanyurru yidda kadda jarra kahha aro yidda tadawe katena ²⁶ tannam yidda kanna dadiwe jarra monno palohtawe tauda walta ta dibba Kabalka ka kattiddi yidda tutge neddo badda hakakowe hakabu ateda.