¹ Oronage yitta da'ge inne hajajida, miyo hamanawaragu, mai kadda hamurraha wikkina yitta wli ta tangngadi ka otora ta tauwu atada mono waddi atada tanamu kana bannuge katenguna waige bada madautani Alla. ² Yigama hadauwu tubama nami ta atemi. nami wallema jalama langba iya hingkayi ata, mono walle ma ngalamawe hautu dangnga langba iya hingkayi. ³ Nauwa walegu takki mamige inne tuttuge bammu hajalawu, nauwag takk bemige tabarami oro miyo da'gimi ta atema, tanammu kamate dangngadi mono morha dangngadi. ⁴ Madakkawe hamannegu tabaramu, madakka ategu wale anahing manage tabaramu, nauwa na bannuga madaika, nauwa namirawe lagahara larr tangkahadi kamayilla. ⁵ Lohho, bama dikki ta Makedonia, na kadannayi tauwuma, dukka dahege bamma mayilla tangnga ngara haduwu walidi, yidda duiyi, habarre-barrena kawali ta ball haddi madauta kawallari. ⁶ Tanyiduwe, Allah, nyi ka ha egedi ata bata ate, ha egema nami ta jonga ba ammi ni Titus. ⁷ Walle nyikellu mawe ba ammini, ta bollo ege atena ka rayini na ege ta jongami mi, ka taudana ha dulkadaga ta barama nami tuttu ge ha kabu atemu, mayillamu, kadangkami ta baragu nauwa tomage nauwa na rehi egewe ategu. ⁸ Bewali, mangka talka nauwa gu gu hamila mige atemi oro nut jurratagu, walle na pakha mawe ategu. Bana nikki walkawe bana pakhawe ategu, nedo bagu etawe oroge jurrata neddo na maropowe atemu mangka aina mojage. ⁹ Ba tauge nauwa gu ege atewa, walle nyidamawe miyo bana millayi atemi oro jarrami, oro ge miyo millayi atemi meranage ha bai Nai Allahto mage miyo walle harogimami wali ta tangnga hingge oro miyo. ¹⁰ Sebab, milla ate kaha tujja ta ha bai Nai Allah ka ngihi danage jarra ayi ha milla ate dangnga monno na hatuttu da ha hoila dangnga. Tanyiduwe, Milla ate panu tana na ngihi dage ha mate dangnga. ¹¹ Oroge, hamattaragela ba tau kalage butage milla ate ka hatujja ta habai Nai Allah nedona ullage ta baramu ka hatetakanna kama dakka, tadage miyo ai pangngu jalami, buttu ate, madauta, manawara, kadangkami monno ha taumi gabbana. Ta jonga tangkahadi, miyo mu ha tingngoge tadage oroge miyo aimu jalami tutuge inne. ¹² Monno, mangka nauwa gu tulhawa jurrata ta baramu, tuttu ba taudage walle ha wayima dage ata karayina jala monno walle ha wayimadage ata paha jala, tanyiduwe oro ka tauwu takkanage ta barama nami paha dedo ta aro Nai Allah. ¹³ Nyiwe oroge, nami ma lagahara. Ta balge lagaharama nami nedo, nami rehige bama ege ate walli ta pannu ege ate nai Titus oro wad atana na hoila oro tangngami miyo. ¹⁴ Lohho, bagu kalkawe naika-naikami mi ta barai Titus, nauwa walle hamakke mawa. Tanyiduwe, ba aga linnawe nami bama takkiwe tangnga kahage ta baramu ta tillu katena, tauda jalage ma daikama nami ta aronai Titus tadage tenage. ¹⁵ Monno, manawarana ta baram mi na mataba madakka we. Bana nikki kage apewe manuddum mi tangngam. Ba aga limmi mi bamu tabokai ba aminni waige ma dauta monno karedi. ¹⁶ nauwa gu ege atewa ta tillu tangnga ge hada nauwa gu dauwuge ha mannegu ta baram mi.