¹ Mono, ba rayi ulla dangngani Nyiyo, nami jalla ma dullawu tanamu ka illamu wala-waikage kanyurru hayinagui Allah. ² Oronage, Nyi na hanewe : "Ba dikige rahaige Nauwa baggu mayanna, Nauwagu rangngemi, mono ta laddo katolka, Nauwag tullu gimi. " Hamatarage, batauge nyiwe nuttu rahige baggu mayanana. ³ Nami walema daikamami langka ba iya hangkayi tanamu tillu banu hakakowe ha'ulla walle da languliramami, ⁴ Tabollo tangnga ngara ukk da bamu hatingngo wikkimu nami ba halewanagamai Alla ta tillu haullana, lohho bannuge manuddu larr ta tangngage ma waige manuddu kamayilla, kahhina, walle kole hingmana langka aga hingkayi, ⁵ Palu, tama ta gallu, hatauwu, ri-ri kaluta, walle dura'ma, kareba ⁶ lohho bannuge murraha, tada, maloya, li bawa, waddi katengna, manawara, ⁷ hanewe katena, kawahai Allah, ha'waiyi katena ta limma kawana mono ta kaliyo, ⁸ katengna mono kamarihhaka, langu-lira mono daikayi, meranage kaballi nyikawe ma'tena kaduna. ⁹ Nami merange ai'da tadama, tabollo da tadama; meranage ka'arona mate, tabollo torro dawela, nami ma morrha; kataudana ata ha'tauwu, tabollo walle da hamatemama; ¹⁰ Meranage kamayilla, tabollo duttuda lagebora, nami ma dengo, tabollo yidage ata heka kadda pote, walle da'dahingmana aga anna, tabollo dauwu daddi tangnga ngara dukkadi. ¹¹ Nami ma buggerage ba'ma tabarami, ta ! ata Korintus, atema nami namabuggera beiyi. ¹² Miyo walle ma pattu mammi, tabollo miyo na mapattuyi ate dauwumi. ¹³ Batauge, pa'hagabba waiyi kahamera--nauwag hanewewa na hameradawe ta anagu--walle namabuggera mawe atemu. ¹⁴ Illam hatanga wikki kana aika halolungna lohho ata aikahatena. oroge, kahamera ka dana ta tillu katena mono kajapata? Aiwalleka, agayi kahamera ka'dana ta tillu magakaha lohho kapagtana? ¹⁵ Agawe kahamera ha'dauwunai Kristus lohhoi Belial? Aiwalleka, tuttu agadawe ka dana ta jonga ata hatena? ¹⁶ Mono, ba'agawe kahawuna ka'dana ta jonga Ummanai Allah lohho Bara marapu? Oronage, yittaduna Ummanai Allah kamorha, katujana li'nai Allah, "Nauwag engana tajongada yidda mono kako tajongada yidda, mono Nauwa duna Allah da'yidda, mono yidda engada dadiwe baggu ana-Di. " Imamat 26:11-22 ¹⁷ "Oroge nuttu, kamm huna wali tajongada yidda, mono pahewa dangngadi, " hatakkinai Mori. "Mono, illam jojakayi ba agayi ka otora, ma enga nyiwe Nauwa baggu hibbami. " ¹⁸ "Mono, Nauwa enga Amamiga miyo, mono miyi na dadiwe bagu ana-Gimi lawaiyi mono kabani, "tauda dage li bihhanai Mori, Kanadana. 2Samuel 7;14; 7;8