Maraka Manawara Hakahhada Ata katenga ¹ Inna batauge, tangami haolebai, nami makama'ge tabarami kamu tadawe tutuge maringi malala Allah hayibena tajemaat Makedonia. ² Oroge taukaladi butadi kamaka'ba tatillu kamadori malara, morha majabola ege ate lopo bataukalege kamdori malara yidda da'morha motu makora tatillu pote majabola bana bisa madige ate'da. ³ Nauwa'g halarada'ge hapad'dagu oroge yid'da, loppo da rehi walpoyi ina halauhada dokuge habaiyi ate'da. ⁴ Yid'da darainoge kawali ta ateda tabarama nami tutuge maringi malala tanamu tanam kayapu gauma tatillu haulla'da tabarada ata hapedena. ⁵ Mono, yid'da duyi radde harayida yidda, wale tujadak'mayi hamannema, baibuge yid'da da yi wiki dauna tabarai Allah, tanamu tabarama nami habaiyyi Allah. ⁶ Nyiwe batauge, nami maduhhayi Titus, katauna nyi bana kapuge, tauda jallage nyi dumowali enga napannuwe tutuge haulla maringna tatillu tajonga dalarami. ⁷ Lohhowali, katauna miyo bamu morha majabola tutge ngaradukadi papanukkumi, tatillu hatena, hanewe, pahangada tangadi harayi ulla, lohho manawarami tabarama nami, kataudajalage dimi kana bann gimi morha majabola tatillu maringi malala. ⁸ Nauwa waleg takimamige tutuge inne, ba meradanage wu hareha, tanyiduwe wudawe nyi tutge bana yiwik takana hada ata waige wiha atena ta tillu manawaramu. ⁹ Oroge, miyo bamu tada damowe tutge maringina morida yita Yesus Kristus, oroge langbana pote majabolaka, nyiyo na li'i bawa kahad'da millaNa, miyo kammu pote majabola. ¹⁰ Mono, ta tillu taudage nauwa yiwe pahangad'dagu, tutuge ine hautu danga mige, wali ta'dau kalangana, miyo wale nyidakel mawe bamu rayige, tanyiduwe engam kabu atege kamarayige balimimi. ¹¹ Nyidawe, batauge, neda haulla tanamu kana tubawe tutuge bamu yi'wikkina tutuge kamu panuwe ba'agayi kadana tabaramu. ¹² Oroge, nyi ba'dakage kabaige yi'i, agai hayi'ida engage ba'hibbayi, waige agayi haduna hada wu ata, mono wale nyida'kmawe ba'ai dau'dadi. ¹³ Tutuge inne wale tutu kana lewarawe tutuda ata wadeka, mono pahaditami miyo, tabollo tanamu ka'dage kahatibarana. ¹⁴ Nyamakage karehina ha'angtamu batauge kamupannu waige agayi aikahatutu hona ta tubada yidda tanamu ha'antada yida tanamu kana hatutu waige ba'agayi kadabbomu. mobataud'a dage ka'dage kahatibbarana. ¹⁵ Kataudana kamatulha taa Jurata Biha, "Ata kakahha habutana, walena rehi dangngaamage mono ka'kahha hodikina, walena dabbo dangamage." ¹⁶ Tanyiduwe, waihadawai tabarai Allah kahadinyakanage atenai Titus kahamera kataudana nauwa padauwugu tutum miyo. ¹⁷ Oronage, nyiyo wale nyidakel mawe bana hibba madi ba agayi pahanuwamani, tanyiduwe waige hawali atena aika amna, ammini nyiyo tabarami oroge hakabbu ate daunage, ¹⁸ Oleni Titus, nami ma'halewai wu'u olebai hadi daika larr ngara dukkage kangote jemaat tatillu hakakowe linai Mori. ¹⁹ Wale nyukel mawe, nyi jalla da halewayi Jemaat-jemaat tanamu kama kako ole dangngani nami tatillu hakakowe haulla manawara inne hakakoma tanamu kangidi waige hamanadai Mori mono tutu hatingoge hawli atema nami. ²⁰ Nami ma'haatege tanamu kailla daka ata kapaddama nami tatillu ba'yiwe aika anana tanagara dukage pahalibbama nami. ²¹ Nami engage bama hatamage agawe harayima katena, wale nyidakelmawe bana etawei Mori, tanyiduwe tatillu ha'etana kadadi ata. ²² Mono, ba'oledi yidda, nami mahalewayi ole baima nami katahi tagora mono eta bewe bana mikku mappaha ta tillu pad'dage agayi pahanukku rehiwalge mikku mapahana oroge nyiyo bana dauwuge ate kadidara aika anana tabarami. ²³ Inna batauge tutunai Titus, nyiyo wuyi gabbagu loho haole bai tatillu hakakowe haulla kamangu hi'ge tabarami. tanyiduwe tutuda ole baida yitta rad'de wadeka, yid'da pahalewa da'di Jemaat diha'wu kamanadana tutunai Kristus. ²⁴ Tanyiduwe, hatingogela tabarada yidda, ta'aro Jemaat tutuge manawaramu mono madaikama nami tabarami.