TARA TA KANANAI PAULUS ¹ Nauwa enga dahogge bagu madakka ate dangngage mangka ai ha utu dangngawe. Nauwa engadahoge bagu hakitage tuttudi ha eta monno ka hira ka wal Tai Mori. ² Nauwa gu tadayi dihha wu ata ta barai Kristus, kole ka bullu pata dauwu ka langngana ha ngiddi beyi ta sorga ta hadadde ka taudana--ba ta til kan'na kanagge, nauwa jalla wallegu tada mauwe dukka daheNai Allah ka tadawe. ³ Mono, nauwa tadawe ba ba agalinnadawe nade ata-- nyi ba tatillu tauwuna, nauwa waleg tada mawe, Mori nyi katadawe-- ⁴ Nyi ba keketai ta Firdaus, mono na rangeyi hanewe kamamha ai'kalli takkina kadadi ata. ⁵ Tutuna nade ata nauwa waleg madakka ate dangngamage, tanyiduwe tuttu tau dau dahegu nauwa, nauwa waleg madakka ate dangnga mage tanyiduwe tutu loja-mawalagu. ⁶ Tanyiduwe, nyi bagu kamadukage madakka ate, nauwa waleg dadi kabanga mawa oroge nauwa ba takk damoguge katena. tanyiduwe, nauwag tahhige tanam kailla daka ata kahamataraga karehikawali baagawe haetawai mata mono harange tuttugu nauwa. ⁷ tutuge bagu yapuge tanamu illa all madakkage ategu tutudi kadedo aika anahingna, ma gayu tara dahayanna gani ta tillu kanagu, raddo halewanai kabalka tanamu kana mayilla baliddaga tanamu nauwa illa hamadehta wikina. ⁸ Tuttuge inna kataudana, nauwag karaiwe tabaranai Mori hadallu wuddawai tannamu tutuge inna kana bijjakaga. ⁹ Lodoge, Nyi nahanewe tabaragu "Maringi malala-Gu tutuwe tabaramu oro bibta pareha-Gu nabanuge tatillu loja mawala. "nyiwe batauge nauwa rehi baidahoge Kristus dani tabaragu. ¹⁰ Nyibataudage nauwa naegewe ategu ta tillu loja mawala, ta tillu hamayillawa, ta tillu oja iyawa, ta tillu madori malara ta tillu paddu paita tuttunai Kristus. oroge ta tillu loja-mawala, yoda dau kulhagu. ¹¹ Nauwag Kabangmgawa oro miyo bamu pakhawa tuttu ge nutu, badokudage nauwa enga dahoge bamu daikawa tangngami, oroge, nauwa wale jaka'mana ngara dukkadi kahamera dangadi radde rasul karehi tetakka loko batauda duge nauwa walle ladahingmana kada'na langka baagahingkayi. ¹² Tadka-tadka haetawai mata wuu rasul bamu etabeiyi tabarami ta tillu lii bawana, tangnga ngara dukkadi tadka, kaheka gaiyina. ¹³ Oronage, ta tillu agadahingkawe miyo bamu hali'i bawami ta tillu kangote wadeka, oro wattege nauwa walle nadadi dita bibtayi tabaram? bankaga inne aigu tijana! ¹⁴ Batauge, nauwag baiyige lohadikki tabaramu hadall wudda wai mono nauwa walle nadadi mawe ka'da dita gagge tuttugu oro nauwa waleg mayega mana ba'agayi hadauwumu. Oronage lakawa walle da'dauwu mage kahhayi hadauwu'da ata katuda, tabollo ata katuna oro ana'da. ¹⁵ Mono, nauwa hada'diwe waige ege ate yiyi haduwugu mono nauwa tuttum miyo. bagu rehi manawara kagimi, enga walem manawara takka magga? ¹⁶ Tanyiduwe, loko taukalage nauwa wallegu hadita mamige tabaramu, miyo enga hanewemi nauwa taboleha mono mayegagimi jiwwatami waige kapalleka. ¹⁷ Nyi nauwag ngalawe hautu dangnga kawali tabaramu lededi ata pahalewagu tabaramu? ¹⁸ Nauwag duhhaiyi Titus tannam kana kako mono mahalewai angwuma nami tanam kana kako ole dangngami banna ngala kawe ha'utt dangnga tabaramu? aiwalleka nami wallema kako waimani wadd kahamera mono na kako ta'dihha wuu oroledu kahamera? ¹⁹ Batauwuge, agawe miyo badda madige bami hangaddage oroge nami maherka wikkina ta aromu? Nami mahanewe ta aroi Allah larr tai Kristus, tabollo tuttuge inne, ta miyo hamanawaragu, nyiwe kahakaddemi. ²⁰ Oronage, nauwag madautawa, baggu maikawa, engag tabbokami wallem tujjamayi ba'agayi hakabu ategu, mono miyo wallem tabboka mawa kataudana hamannemu. walle dakaduge aikahamera, buttu ate, bani, riti dauwumi, langulira, tangadi ka'kamamha, wuu togo, mono kawihhaka. ²¹ Nauwa, gela-gagwa, baggu maii piwalkawa, Allahgu nadadiwe bana halii bawaga nauwa taaromu mono nauwa engage bagu mayillawa tutuna ata buta radde ulluge karayina jala mono enga dauwuda aida jarra wali kajapata, loo na lawai, mono kamadduge harayi bedda yidda.