Paulus mono Rasul Aikatena ¹ Nauwa igu manege, kam maloyawu tabaragu, larr tatillu kabangagu, mono miyo imm maloyami tabaragu. ² Oronage, nauea gu kawina tabaramu lohho kawii kaheka gaina aika mangu tujjana oronage nauwa bagu habila begimi lohho wu heki laiyimu, nyiduwe magu pahadde gimi kataudana bauwinne katenguna taaronai Kristus. ³ Tanyiduwe, nauwag madautawa, katujana ka'boko kahawinniyi Hawa, katauda jallana pahangad'damu walle nat tenamawe mono walle na murraha mawe larr tai Kristus. ⁴ Oronage, miyo maloyami katauwuna wu'u ata ba'ammini loho bana takkiwe tutna Yesus ka hekana, loho wali kahekana agayi pahadikmagimi aiwaleka tangrage miyo bamu hibbayi diha wu Waddi kahekana ai hakalli hibbami, aiwaleka Li'i ege ate ai hakalli hibbahomi. ⁵ Hakabbu ategu, nauwa wale ladahingmage kadabbo wali Rasul kahada reihi. ⁶ Loko bataudage nauwa aigu ingtawa tutuge bagu hanewewa, oroge ai'tauda'dage tanga ngara hatada, oro waidi tanga ngara winn, nami mahatingo bege tabaramu tanga ngara hada. ⁷ Aiwaleka, nyi batauda dage harayigu doku baggu hali'i bawa wikkigu tanam miyo kahamadehitagimi orogu nauwa bagu talarage Li'i bihanai Allah tabaramu aika mangu hi'na? ⁸ Nauwa igu kareboyi Jemaat-jemaat heka lohho kolege ngihige kawali ta yidda miyo kagu yidi ba luguwa. ⁹ Mono, tangragu bagu olegimi mono bana malarawe, nauwa walegu yi'i madi tagu ditana wuu ata kamaiyi wali ta Makedonia kapanu gage hakabu ategu. mono nauwa haate wikina tanamu kaillana dadi dita bibtayi tabaramu mono enga dauwuge bamu hakakowe. ¹⁰ Kataudana tenanai Kristus ta morhagu, nadikwe hamadaka ate dangagu inne wale hapadeekamawe ta dihha hadauwu-dihha hadauwu Akhaya. ¹¹ Ahha? ba aigu manawaragu walle nyikaduwe? na tada kahha bewei Allah! ¹² Tanyiduwe, nauwa engadauwuge bagu hakakowe ba agawe harayigu tanamu nauwa hadukayi mahiggo kawali ta yidda ka kabu atege kolege mahiggo kataudana nami tanga ngara dukkage yidda hamadaka ate danga. ¹³ Oronage radda ata katauda dana, karayi ulla kali'loko, aikahira nami rasul-rasul Kristus. ¹⁴ Tutuge inna wale kadadaka danga mawe oroge kabalka da habalina malaikat kamagakahana. ¹⁵ Oronage batauge, wale nadadimawe ba hakadaka dangawe oro ngara dukage ledu limada aina hira katuna karayi ulla tutge katena. da'jalage yida na yannawe katuba tutge ba agawe haray dau'da. ¹⁶ Hadakka piwalge, nauwa hanewewa illa da'dahingkana wuu ata nauwa kabanga nage baliddaga. batauda talkage, hibbawa nauwa tutu ata ka'kabanga tanamu kagu madaka ate dangage. ¹⁷ Ba'agakayi hatakigu ta tillu diha wu hatena tutuge ine madakka ate, nauwa wale hanewe mawa hakabu atenagei Mori, tanyiduwe tutuge ta tillu kabangmga. ¹⁸ Butayi ata kamadakka ate dangage tutuge tauwu atana, nyiwe batauge, nauwa madaka ate dangng jalage. ¹⁹ Oronage, miyo taukalge maniwola pahangada nyibataukalage ege atem miyo hada maloyami tabarana ata kabanga! ²⁰ Miyo maloyami, nyi badaka ata kagu atadi kalinagimi, kaballogimi, kangalawe hautu danga ledegimi, daika wikki dauwuna, aiwaleka katabba guge matamu. ²¹ Lohho walle anahingmanage makkeg nauwag engadahoge bagutakkiwe oroge nami all hingnage loja tutge nutu! Tanyiduwe, aga dahingkawe hagabbada ata heka madakka ate, nauwag hanewewa tujanani ata kabanga--nauwag gabba jallage. ²² Walle ata Ibarani kadduiyi? nauwa jalla. walle ata Israel kadduiyi? nauwa jalla. walle walla wukaddunaddi Abraham? nauwa jalla. ²³ Walleda ullakadduge tut Nai Kristus? attu dalhoge nauwa--nauwag hanewewa meranaga ata ngade. oja-iyyagu wale ana'manage, dutuwa tama ta gallu, tangadi palu wale hayapu'maiyi, mono duttuwa ba'daga tuttu mayilla kamerana mate. ²⁴ Wali ta'tangngada ata Yahudi, halimma wuddagadi bada paluwa nauwag hibbabeyi pata kabullu layini gayu palu. ²⁵ Hadall wuddagadi badda palu waiga uwe manu, hadakkana bada tukkuwa watu, hadall wuddana ba'daga ta tena kabullo, dihha gaddi dihha laddogu bana kodoga ngalung. ²⁶ Aukalawe bagu kakoni lara, nauwag tabbokawa mayilla ta laiweyo, wali ta ata karebo kawli ata Yahudi, mono ata aika Yahudina. nauwag tabbokawe mayilla taharona madakka, ta maradda gilra, ta bannu, mono mayilla kawali ta tangngada haolebaiyigu aika hira. ²⁷ Nauwa kole riri kalutagu monno gu ulla tetakkana, enga dau hogge bagu jaga wik ku gu, kalabba loppo mari yo, monno dutwe ai da haya gu, ta tillu kalikka, monno walle waimanna kalabbe. ²⁸ Monno, heledi ngara dukaddi, au kallai yi ka dadi dihha laddo-dihha laddo yidda hoiyi ha balehag gu ta tillu karawawe diha wu Jemaat. ²⁹ iyyaiyi ka loja-mawala, monno nauwa walleggu loja -mawala mauwa? ba iyyaiyi ka monu, monno nauwa wallegu mayilla mauwa? ³⁰ Nyiwe nauwa baggu ma dakka ate dangngage, nauwa madakka ate dangngage tuttudi rada ha aro ha dikki dangngage loja-mawalagu. ³¹ Allah monno Ama Mori Yesus, enga dauge ba hadi daikayi kahha ana murri-ana murri, na tadawa nauwa walleggu ka wohho kammawa. ³² Ta Damaskus, Gubernur ta kabu raja Aretas ka jawawe kota Damaskus tannamu ka yappai nyi baliddaga. ³³ Ta nyiduwe, nauwa ha bur waiga dihha wu kawukkatta ta dihha wu binna kahelu burge kangali, dajalage nauwa hilpawa wal ta limmada.