Lo' Hadiiknai Paulus Kataudana Ta Korintus ¹ Inne nyiwe hadall wudda wai bagu mai dikki gimi. Da'daho kapahira inne hatakki du'da aiwaleka tau'da ata katadwe, halegewe diha wu pala kara mana dahhawe. ² Ulluge, nauwag ha'ape be'dage yidda kajapata mono wadeka wall. nyiwe batauge, langka nauwa aigu olegimi, nauwa igg ha'apedage yidda kataudana harayigu tillu bagu loo hadikkiwa hadu'wudda wai, nauwa bagu maipiwalka, walleg hill manara madi yidda, ³ Oroge miyo bamu rotti dahowe tadage tuttunai Kristus, kahanewe larr tangaragu mono iaka loja ta'aro matamu, tanyiduwe kabibta parehaana tabaramu. ⁴ Katau takkana, Kristus da kadailo beni tatillu loja-mawala, tabolo Nyi namorha oro kawahanai Allah. oroge, nami jalla ma'loja jalla tabarana Nyi oro kawahanai Alla tabaramu. ⁵ Kab'ba wiki dauwuna tanamu kam etawe, ba'engakaduge diddarawe hatenamu. torro we tau dauwumu! Aiwalekka, wallem tadamawe d'au-d'aumu oroge Kristus Yesus da'ni ta jonga dalaramu, ba'aimu dikkige nyikaduwe. ⁶ Nauwag mannegimi miyo enga tadamige oroge nami walle ata katahhi dakmama. ⁷ Tanyiduwe, nami ma sembayanggimi tabaranai Allah tannam ka'illam rayina kajala, walle nyidakmawe nami baetama ba'tahhi tatillu ka'makaba, tanyiduwe miyo kam rayige katena, loko bataudage nami wallema hill tahhima. ⁸ Nami walle na dadimawe rayige tuttudi aikahatujja katena, dukka dahege tutudi katena. ⁹ Nami egeyi atema tangrage bama loja-mawala mono bamu kulhawu. miyo nadadi bana bann ge. ¹⁰ Nyiwe oroge, nauwag tulhaiyi tangadi radde baggu maraukawa wallta baramu tanamu bagu maikawa, nauwa wallegu waiyimana kuppla, kawaha hayinagai Mori tabaragu tuttuge haropami, mono walle jala dangnga mawe. ¹¹ Dajjalage, baggu ole baigimi, naegeyi atemi. runn dage kaengage bana banuge, ege ate dita kokomi lohho tangnga kahhami, hawuu atena mono pahangadda, mono morha tatillu moll. Mono, Allah puuge manawara mono motu-makkora engage bamu olege. ¹² Yi'i kiwe Salam tadihha wuu ata mono wadekka waige hangaduha katenguna. ¹³ Ngara dukkada ata katengna hangiddige salam tuttumu. (13-14) Maringi-malala kawali ta morida Yesus Kristus, mono manawarai Allah mono kangote wali ta Waddi Katengna kodo irrgimi tangami.