¹ Lodoge, Olebai-olebai, nami maka raiwe mono ug hanuwagimi lar tama Maraba Yesus tanamu naha bebem miyo pahiba wali tanami tutuge aga nadawe miyo hada morha mono kama yana tau Allah, ulaga karehi widina. ² Oroge, mi um tadawe pareha-pareha aga hadikimi tabaramu ledege kulha wad tai maraba Yesus. ³ Oronage, nyidawe habaynay Allah: da pamamurahagi tanam miyo hadikta tau wikim ta kahamarikai; ⁴ oroge miyo tangagemi-tangagemi tadawe aga nadawe tahge tuba dau daumu tatil muraha monno lohho paha aka, ⁵ walli lar hakabu ate kabanna bokala katujanaata-at ataai katadayi Allah, ⁶ tannam iya da wu at a dumm layi we monno katipu ole baynatutge inna la. Oroge, More katauge gabbage wall tatangnga kahage, katujana at hadikimi at ha toma ma hoge monno naming ma apegimi waive kaha tetakkana-kahatetakkana tabarami. ⁷ Allah na maikada yitta aiy ka murraha, tabollo tutge kamurha. ⁸ Nyiduwe oroge nedo iyayi dakani katullarage naha ajarma inne, walle tullaranage ka dadi at a pio, tanyiduwe tullaminni Allah kayiyi made Wad Katengna-Nyi tabarami. ⁹ Nyiduwe, tutuge manawara kahawebayna, miyo wallem ka rayma gonna wu ata tolha gimige oronagemi daw baja ajarami Allah tutu hamanawar wikkimi. ¹⁰ Lohho, mi bam beka tabarada tanggngada olebayna 'danna ta Makedonia. Tanyiduwe, olebay-olebay, naming maka raigimi waive naha hatetakkana tannam miyo kam pahadawe ka rehi widdina, ¹¹ monno rotiwe tut morha kadana, orhadai-ha orha ha orhami daumi, rayi ullami wayidi limma day mi, katujana naha bada nami hatakki gimmi, ¹² tannam miyo kolege kakoge na morha kamayanna ta aroda ata-ata ball haddi monno walle ladama na aika tutu aga-agana. ¹³ Olebay-olebay, naming wale ma auwuma aim tadayi tut uda rade ata- ata na bada mate tannam miyo I'll a bay bu ma yillami ata-ata na ayka dana hamannena. ¹⁴ Oroge, tutu he yitta na naha teny Yesus Nada mate monno na kade hagga, yitta dummo dahatenwe hey Allah enga kahha nadi yidda naka mate lar tay Yesus nama kahha dangngan Nyi. ¹⁵ Nami matakkiwe ta barami wayge li nay More, tutuge yitta naka morha, mad dahona kahha ta ladonay More, walle enga na ullhoiy yidda na ka nada matebe. ¹⁶ Mori day enga burna walta sorga ledege baja kawula, likawula wall ta bay bu malaikat, monno wayge li tarompet nay Allah, monno ata-ata lar kamate lar tay Kristus enga made ulhoda. ¹⁷ Lodoge, yitta na morhaho, na ka enga bona, enga deketa kannada dete ta panu karabba lohho yidda hatabo dangngani More ta kabu karabba, monno Nyiduwe yitta enga dauge oleni Moi. ¹⁸ Lodoge nedo, ha agu-agu wikkim ihha no ihha wayge hatakki-hatakki kataudana inner.