¹ Batauge, bagu ole baigimi, tubage rahige mawo rahakage, wale hilu tolha dak mige tabaramu. ² Oroge, miyo wikdau bamutada bekwe ladona, morimi baamige tujai ata kedu bana gakge. ³ Kolege tangage ata bana hanewe "Moliwe mono kananawe," kamanyila engage tabara yida dadaka danga, tauna wulawai bana paana mayila bana haanana, mono nyida walna dadikmawe badapahilpa wikida. ⁴ Tabolo miyo, baguangu wugimi, miyo walemu morhakmam takapagta nyi lado nada bana maika tabaramu bana tujai atakedu. ⁵ Mitangam anamagakaham mono ana kamorham bana ladoge. Yita walda walikma tagadi waleka kapagtana. ⁶ Oro bataudage, yita ilda duraka tauna ata wadeka, tabolo maida yita kaengage karawawe mono painyaka wikda. ⁷ Ata kadura, dura bana gakge mono ata hayanana haenu, yananan bana gakge. ⁸ Tabolo, yita ana magakahada, maida yita hawalawe ateda, kada tawuyi kalabe bahida hatena mono manawara, mono tawuyi panu lado mamanne tubage hoila. ⁹ Allah walena hainyakama dayita kada kolege banina, tabolo kada kolege hoila ledeni Morda yita, Yesus Kristus, ¹⁰ kamatebe tubada yita jalage yita, batilu hainyakada walekatilu durada, kanadadiwe enga ole dangada. ¹¹ Nyidagewege hakulha-kulha wikimi mono kamu hakadewikimi, tauna haharayimi kahabatauge. Hadukka Hanua Mono Maringna ¹² Bagu wugimi, maraingogimi kamu hikiyi dida kariki kalutata ulana tajongada laramu, kairomi lar taimori, mono kahamadimi. ¹³ Hikiyi dida waige kalangna lar tamanawara oroulada yida. Engam morha tilu moli dihaata-dihaata. ¹⁴ Nami maharumi, bagu anguwumi, haapedage yida kamorha mayau, hakulhai yida kamaraha atena, tulludi yida kamawala, kamu maloyani tabara tangana ata. ¹⁵ Hamataragela ila dadali ata kahagabawe japata ole japatadi, tabolo kaengge bam pahadewe kadaha tajonga dalarami mono tabara tangada ata. ¹⁶ Ege ate hakitami! ¹⁷ Hakitana dahade wikina! ¹⁸ Li wai limimi wali tangage. Yidana howela hakabu atei Allah tubamu tai Kristus Yesus. ¹⁹ Ilam padai ngahu! ²⁰ Ilam torro haliyo bawage harainai Mori! ²¹ Enga dahoge bamu kirahi tangadi! Jurtai agai kadaha! ²² Kamu hamarau wikimi wali tangage kajapata! ²³ Kanyuru kage, Allah moli kama ringina kana hatingu wiki dawuni tangami. Yalakawe ngahu, dewamu, mono taumu kana karawawe tangage, aika otora ba amini Morida yita Kristus Yesus. ²⁴ Nyi kamaikagimi nyi kama nudu, Nyi enga pahada dahingu nagela. ²⁵ Bagu angu wugimi, kamu pahade jalagu tubama dima! ²⁶ Yiwe kamaringna tabara tangada angu wumi waige hangakha katengna. ²⁷ Gu rainogimi kalangna waige ngara Mori, kamu bahawe jurata inne tabara tangada anguwumi neda bali. ²⁸ Maring wali tabarada yita, Kristus Yesus, kana olegimi.