¹ Oronage, kole nami aima hil tahhige, nami mapohtawe enga mehanna ta Atena, ² monno maha ngiddinni Timotius, olebaima nami monno ledu limmanai Allah, monno ole ullama nami ta Injil Kristus, tabaramu kampik kullha monno hanuwagimmi duwuge inne hatenamu, ³ tannam kaillada wu'ak ata kagedo oro inne tangnga ngara mayilla. Oroge, miyo dauwu um tadawe inne yitta baha pohtabe tutge inno. ⁴ Loppo, kole nami bamma olegmmi, nami matakki hakita gimigge inne yitta engada paddahonna kamayilla, monno lohho inno nadadibe miyo hamma dammumu. ⁵ Oro nyi'kwe inno, kole nauwa baaiyig hil tahgegenauwa halewai tutge ka tada gugge hatenamu. Nauwa maudautawa, banyi da-dakka ka godawu monno jolima nami walle la'ma gauge. ⁶ Tanyiduwe, nabatuge, Timotius naahagga tabarama nami wata hadaumu, monno nangiddi takwe kadahha tuttu hatena monno manawaramu tabarama nami, lohho miyo engage bammu ijjalayi kadahha walta nami monno kama'kge hatabboka dangngagamma nami, katauda wi'kna nami bamma kama'kge pataboka dangnga gimmi. ⁷ Oronagege, ngara dukkam oebaigu, inne tatil tangngage kapitona monno mayilla, nami malla lagahara oromu ledge hatena. ⁸ Nabatauge, nami mamorha inne miyo bammi dede diddarami tai Mori. ⁹ Oroge, aga manuta da'kka nami pa angtama maraka ta aroi Allah oronage miyo, kanna jeluwe ngara dukkage ege atema nami hapaddama ta aroi Allah oronage miyo? ¹⁰ Laddo monno gaddi nami maha tetakka wikna waige masembayangna tutge nami kanna daddiwalwe bamma patabboka daangngagimmi, monno kaana dadiwe bamma tabayi agahoyi karauwana neddo tahha tenamu. ¹¹ Nabatauge, nai Allah monno Ama dauwu, monno Yesus, Mori da yiita, kahhamadman larama nami tabaramu. ¹² Nai Mori kanyika karaigimmi miyo rehi matuyo monno majabola tamma nawara ta jongam dihha-dihha, monno ta ngara dukkana ata, kataudanna ianne nami harayima tabaramu. ¹³ Inna Nyiyo kanna hadiddaragugge atemu tannam kailla na otorawe ta murraha ta aroi Allah monno Ama da yitta neddo ba amminni Mori da yitta, Yesus, oledi ngara dukkdada ata katengna.