Tutu Pala Kara Hokuna Tajonga Ata Hatena ¹ Nada wu wali tajongami bana pasepa sala dangana olena wadeka, na dadikakwe nyi baniwe atena kako tutu mayegage tijana ta arona ta ai katena mono wale ta aro ata katengmana? ² Walem tadak mawe mi nada ata tengna enga hoku dage panu tana? Nyi panu tana ba hoku gaugimi, apa mi walem marak mami tutu hatijana pala kara kahada maraha? ³ Walem tadak mawe mi inna yitta enga tiba dadi malaikat? At wik hoge ba pala kara kadamayi diha lado-diha lado! ⁴ Nyidawe, nyi mi bamu aroge pala kara kadama katujana inna, aha mi mami kododi tabarada yida ai hapu gau lari ta kangote? ⁵ Nauwa luguge inna dajala lage mi kamu makkemi. Wale lakakna wu ta tajongami ka maniwola paha ngada, kamuk kage orhawe pala kara ta jonga ole baimu? ⁶ Loho dumo, tajonga ole baina kako mayegage tijana ta aro ata aika hatena! ⁷ Doku kage, wu bewe ai kadadi tubamu oro mi dadi palakara-palakara hokuna tajongamu. Aha mi mamu rehina baige ba hajalami? Aha mi ma wale mi rehe baige ba harugimi? ⁸ Kabalige, mi dau jalami mono harugimi. Loho dumo, mi um rayige ta angu wumi. ⁹ Walem tadaka mawe mi nada ata ai katena walna dau mage Kalingorai Allah? llam jalorami! Ata mayarha, kaha tena hala hatau, ata karayina jala kaddi ata, aika bani, tangada ka ole umana ole kabanina, ¹⁰ ata kedu, ata dadara, kaenu we hayanna, ata kahanewe waina olena, mono kama tipu, yida tanagadawale da dau mage Kalingorai Allah. ¹¹ Kapirana wali ta mi um tujalawe inna. Tabolo, mi hamuraha begimi, hatengu bemi, mono hatena bemi lari tangara Yesus Kristus mono lari Waddi Allah da yitta. Pahilpa Wikimi Wali Jala Dadi Atami ¹² Tangadi hada da pahaigadi tubagu, wale tangak madi da gaudi. Tau takka nage tangadi hada da pahaigadi tubagu, tabolo nauwa wale gu auk mawa bana ataga langka aga hing kayi. ¹³ Ha yayo tutu tiyo, mono tiyo tutu hayayo, tabolo Allah enge haliloko nadi kadudana.Tauda wale tangak mage ha rayi dadi ata, tabolo turu Mori, mono Mori tutu tauda. ¹⁴ Allah naha kadeyi Mori mono dumo enga hakade nada yitta waige kawahaNa. ¹⁵ Walem tadak mawe mi taumi ana nagimi Kristus? Apa inna nauwa enga ngala gudi anai Kristus mono na dadi yida ana nadi lawai jalora? Ru ruge walekma! ¹⁶ Walem tadak mawe mi nada ata ka kati ge tauna ta lawai jalora naha wu dangani? Oro, nyi linage, "Kaduda na enga wu kanada." ¹⁷ Tanyiduwe, ata ka katge tauna tai Mori dadi wu wadi dangaNi. ¹⁸ Ha hilpa wikimu wali tajala dadi atamu! Tangadi jala wadeka inna harayina wu ata dage tabal hadu tauna, tabolo ata ka jala dadi atana, jala ta tau dauna. ¹⁹ Walem tadak mawe mi inna taumu ba uma nage wadi Biha, kadana lar tamiyo, pahibami wali tai Allah, mono inna taumu wale dawu dau ma muge? ²⁰ Oro, mi hawali begimi waige hige ha bayara be. Oro inna, manada kiyi Allah waige taumu!