Jala Harayi Lari Takangote ¹ Tau takkage daha diki bege ba dage jala harayi tajongami, jala harayi aika dana tajonga kabihu ata wadeka, haluguna dadi ta kangala ole uma amana. ² Mono, mi kabaibo! Walem engak hona mi tabaddi dajalage ata karayige inna ba hikaladi wali tajongami? ³ Tau takka nage, waige tau atada nauwa marauwa, tabolo nauwa daga lar ta wadi. Mono, nauwa ug yibedi hokuna ta ata karayige hada inna, kamerage nauwa badaga. ⁴ Lari tangara Morda Yesus, kole mi bamu makaha, mono nauwa bagu ole gimi lari ta wadi waige kawaha nai Morda Yitta, Yesus, ⁵ nauwag pohta bewe tut harakani ata inna tai kabalka tutu liloko kanada dajalage wadina dadi mane mara ta lado nai Mori. ⁶ Baibomu inna walena dahak mawe. Walem tadak mawe mi inna kahok kina hawudu dangadi kababa dadiwe bana wuduwe tangage kababa hatamra karurha? ⁷ Hamurahadi tangadi hawudu dangadi kababa kamoja bena dajalage mi kamu dadi kababa harurha kaberu, aga lina da hingwe mi wale hawudu wainagimi kababa. Oro, Kristus, Bebbe Paskah da yitta, pa ropobe. ⁸ Oroge inna, maida yitta kada namuyi ha ulla inna, wale hawudu waima nadi kababa katiyo, wale wali hawudu waima nadi kababa aika daha mono japata, tabolo waige kababa aika waina hawudu dangadi kababa ka langna mono tena. ⁹ Nauwag tolhawe tabarami lar tajuratagu: ilam oledi ata kamarihaka. ¹⁰ Hakabu ategu, wale wi dakmadi ata marihaka tapanu tana inne, ata dadara, kama tipu, waleka yida ka bara hala tau. Nyi batudage, mi um hudahona wali tapanu tana inne. ¹¹ Tabolo, batauge ug tolha guge tabaramu, ilam oledi ata ha ngarada angwu inna nyi bana mayarha k,dada raka, bana kangakna hala hatau, bana hanewe wai kana olena, enuka we hayanna, waleka paleka. Loho dumo, ilam ya dangadi ata katauna rada. ¹² Oro, lakma pa orhagu hokuni ata bali haddu? Wale mikakna kahokudi yida ka dana lari ta kangote? ¹³ Tabolo, Allah ka hokudi yida kata bali hadu kangote. Oroge inna, wugayila atakarayige japata wali tajongami.