Haulada Halewanai Kristus ¹ Tauda dage bana dadi kakwe ata kada yapugama nami haluguna bawuwa atai Kristus mono ata pahatena hakabu atei Allah. ² Waige balinawe, ata paha tena waige hada kamangu hina naha dedala dahoge inna yida dadiwe baha tenawe. ³ Tabolo, tubagu wale alpu banning mage nyi nauwa ba yiga rakkagu walta mi waleka wu hadwu tijana kadadi at. Loho dumo, nauwa dawu wale gu yikmage rakkage taugu. ⁴ Oro, walegu tadak mawe aga hingkawe ta tawu daugu. Tabolo, wale oro hada inna nauwa baha tenguwa, tabolo morda hola kayige rakkagu nauwa. ⁵ Oroge inna, ilam yikage rakage aina diki kahowe rahige, haluguna ai ami honi Mori. Nyi kaha magahage hada kabunyi lari ta pagtana mono enga ha deda lage hakabu ate. Loho, tangana ata enga hiba nage madaika wali tai Allah. ⁶ Ole baigu, nauwa ug hayana bege hada inne ta tau daugu mono Apolos tangam mi dajalage neda lari ta mi, dadiwe bamu hanuwawe ilna rehiwe wal agawe kama tolha dajalage illa dahingna wu wal ta mi kadadi baibo tabara olena. ⁷ Oro, iyayi kaha wate gimi mi? Agai hadaumu,ai pa hibamu? Mono,nyi yau bamu hibayi, aha mi mamu habaibowe taumu mera ai hiba muge? ⁸ Mi habokta bemi, mi um pote bemi! Ai namika, mi um dadi raja bemi! Nauwa tau takka nage mannege mi kamu dadi raja takkami dajalage nami jala dadi hareha olemi. ⁹ Oro, doku kaga nauwa, Allah naha dau bema nami, lede lina, taha dau hada murri, kataun ata payi li hok mate; oro nami dadi hatorona ata tutu panu tana, daha tuba malaikat loho dumo ata. ¹⁰ Nami ma banga tubai Kristus, tabolo mi maniwola paha ngada lar tai Kristus. Nami loja,tabolo nami kulha. Mi paha aka,tabolo nami hada li bawa. ¹¹ Kaha inna batauge, nami ma kalaba mono mariyo, kalabe aika daha, ha palu, mono morha tama rada. ¹² Nami majoli, waidi limama bama ulana nami dau. Kole nami batolama, nami baha maringima. Kole nami bahama yillama, nami ma tahna. ¹³ Kole nami bada kamello gama, nami ma baleha waige rame. Loho dumo, kaha ba tauge, nami ma dadi tuja dayi hanguji, ka otora walitangage. ¹⁴ Nauwa ug tolhawe hada inna kapiku hamakke gudi wale luguk mawa, tabolo hanuwa gimi bagu ana hama nawaragu. ¹⁵ Oro, loko mi ba dadudi kabulu rata guru lari tai Kristus, mi walena butak mayi ama. Oro lari Yesus Kristus, nauwakna amamu ledege li ege ate. ¹⁶ Nyiwe, nauwag tulara gimi, dadi ata kadoku ge tujagu! ¹⁷ Nyiwe oroge, nauwa ug halewa beyi tabarami Timotius, ana hama nawaragu mono kamikku neda lari tai Mori. Nyi na ha apemi miyo tutu laragu lar tai Kristus, tujawe ha akka guni langka gika, lari nahiyi kangote ata hatena. ¹⁸ Kapirana wali ta nami na dadi dalwe bada baibo, bana mera dage ai hilu maiwa tabarami. ¹⁹ Tabolo, nauwa enga geha maigu tabaramu, nyi Mori bana kabu ate kage, mono nauwa enga tada guge wale yi kelmawe ha takna ata baibo rada, tabolo kawahada yida. ²⁰ Oro, Kalingora parehai Allah wale ta hanewe kelma, tabolo lar t kawaha. ²¹ Agawe hakabu atemi? Ug mai dahing howa ge tabaramu waina takko waleka waige manawara mono wadi kama lujana?