¹ Tanyiduwe, bagu olebaigimmi, waleg ingta mawa hanewe katujana ata kahatena, tabollo katujadana ata aikaha tena, rado katujana lakawa bila tai Kristus. ² Nawag yigu huhu kam enu, walle haya'ma, oroge walle makka mahoge, loho batauge walle makka mahoge, ³ oroge miyo hada pan tana. Tanyiduwe, badakage ka wi ate mono kahepa halana tajonga miyo, nyi miyo hada pan tana homige mono morha hada ata? ⁴ Tanyiduwe, kolehe nade diha wu ata banata'we, "Nauwa tabarai Paulus, "mono wadeka, "Nauwa tabarai Apolos," oroba batauda duge miyo ata pi? ⁵ Mono, ia duyii nattu Apolos? Mono, ia duyi natuyi Paulus? Ata pahalewa oroge miyo manadadi ata hate nami katujana hayi Nai Mori tabarada dihha-dihha. ⁶ Nauwa tadoge, Apolos kaburrige, tabolloi Allah kaha tummuge. ⁷ Nyi, wale katadoda'mana, walejala'ma kaburridi, tabolloi Allah nyi kaha tummudi. ⁸ Ata kataddona monno kaburri na wuhei, monno diha-diha na hibawe kahewage dokuge harayi dauna. ⁹ Oroge, nami olema taha ulla nai Allah; miyo oma nai Allah, ummai Allah. ¹⁰ Dokuge manawarai Allah hayi tabaragu, katujana ihha hu ata ka angta raina umma kamappaha, nauwa ka tauge likkege monno wadeka yidda kaha kaddewe. Tabollo, tangnga da ata dahamatarage hadage ba'daha kadewe. ¹¹ Oroge, walela'dama wu ata kaingtage rayige likege rattu wadeka heledi bai jalai, nattui Kristus Yesus. ¹² Nyi badakah ata kaha kaddewe tapuge inne waige emas, perak, watu-watu kamanghina, yayu, ruta, kuwa, ¹³ haulla haraina tangngana ata enganyiwe bana hirrawe oroge inne Laddo hatingo waige latti, monno inne latti dauwu namakamawe ta tangnga ngara ha ullana kadadi ata. ¹⁴ Inne latti nyidauwuda kama kabadi agalinadawe ha'dage haullada tangngana ata. Nyina haulla behakadedena katah'na, nyio ngahibbawe. ¹⁵ Nyi haullana nado ata babekawe muttu, nyio namayilla, langka tauda dummoge, nyi dauwo engnga nyiwe baha tolkani, tabollo, hadana nyiyo katujadawe kalida ta latti. ¹⁶ Wallem tadamawe miyo oroge miyo ba Ummai Allah mono Waddi Allah bana engana tabaramu? ¹⁷ Nyi badaka ata kahamauhage Ummai Allah, Allah naha mauha dumoni inna oroge Ummai Allah kateng-Na. ¹⁸ Illa dakani wu ata kaballige tau dauna. Nyi badaka ata tajongami kahangadege oroge nyio bana tijana nehe batauge,nyamma moni tanammu kanangade monno kana kolege katijana. ¹⁹ Oroge, tada panu tana inne nakabangngawe ta aronai Allah. Oroge, dage kamatulha, "Nyiduna kayappayi ata katada kamalibuhadi yidda," ²⁰ mono dummoi "Mori tadawe pahangadda'da ata katada, tangngadi nalilokoyi." ²¹ Nyi batauda dage, ila dakani wu ata kaboggang ta tillu kadadi ata. Oro tangngage daumige miyo, ²² wali tai Paulus, Apolos, mono dumoi Kefas ,wali tapanu tana, wal morha, loppo mate kadadi batauge mono kadadi nimmi ka ammna; tangngage daumige miyo. ²³ Mono, miyo daunami Kristus, mono Kristus daunani Allah.