Hatena Kamahapu Tabarai Allah ¹ Mono, kolebagu maiwa tabaramu, olem tangam ata nauwa waleng auma kako oroge bam kulham bam tak-takwe inna hatena baha barage ngihi atem tabarai Allah. ² Oroge nauwa pahalewagimi iyam tadawe ba agawe tabaram mi halewana helege kawali tai Kristus Yesus, Nyina hadailo. ³ Nauwag olegu tatillu lojamu, madauta, mono kadadaka. ⁴ Mohatakigu loho ha apegu wale hataki tadamayi hamanne, oroge tannam inne hatena iyam hakape waidage inna bam tadau kadadi ata, ⁵ tabollo angta mono tada marabba Allah. Allah Nahatingoge Wad Katenga ⁶ Nami matakwe ngih ge taata yidda tajongada yidda kaha ate, tanyiduwe walengihi manage kaulu ai waleka kahawaiwe inne ka ullu inne kamohe namo, ⁷ halege nami matakkiwe angta nai Allah ai hatadada, halijabenai Allah aillahoge inne panutana damagahara da yitta. ⁸ Nehe batauge walle hilli lakma Kawaha-kawaha katadawe ulluge mono katadayi. Oroge, nyi yidda datadayi, yidda walle daha dakka mana kadailoni Mori nakka manadana. ⁹ Tabollo, katujjana na kamatolha, "Agayi aiha eta waiho mata, mono aihakallu rangngewai katillu, mono ai hatada wai ho ate ata piyo, tangngage nahaganna bedi tabarada ata kamawara-Ni." ¹⁰ Tanyiduwe, Allah nahatingu bege tangage hada tabara da yitta ledeni Wad di katengna oronagge wad katengna naha mataradi tangkahadi, mono tangnga hingudi kakabunyi tabaranai Allah. ¹¹ Oroge, iyadakayi tajongana dadi ata katadayi tangadi harayi kawali takadi ata ai nyika nawadi kadana ne dolalarta kadadi ata? Taudajalage, wale dakma wu ata katadawe tangage kawali wal tai Allah ai Wad kanani Allah. ¹² Batauge, yitta dahibba bewe, wale wadi wali tapanu tana mayi, tabollo waddi kawali tai Allah tannam yitta kanadadiwe badatadawe rade hayi nai Allah kabara da yitta. ¹³ Tangage inne hataki bemaa nami, rade hanewe walehanuwa mayi waige angta kadadi ata, kabollo hanuwa nadi rade Wad bakejuyi rade tangadi katinguna ta ata katengna. ¹⁴ Tabollo, ata ai katengna walenahibayi radekawali ta Waddinai Allah oronage rade wudayi ha bangnga dangana tubana nyi. Nyiwalena dadi mawe banayappawe oro tangadi rade manggau dahodi lari taka tenguna. ¹⁵ Ata natu katengna natagu torowe tangnga ge, tabollo nyidauwu wale dadimawe dana toroyi langba iahingnguyi. ¹⁶ Oroge, "Ia kayi katadana ge inne hangadana Mori tannam kana hanua-Ni?" Tabollo, nami madauwu ge hangaddai Kristus.