Li Ege Ate Tutunay Yesus Kristus ¹ Batauge, Olebay-olebay, nauwa gu halaragimige tabara mu Liege ate, na nauwa hadikkimi tabaramu, na bada mi pa hibbamu, nata jonga nage miyo bam dede diddara. ² Ledege Liege ate nedo dummo miyo ba ha tolkawu, bana modahewe miyo kam natto hamaddona ta bara li naha bada halarag tabara mu, ba helege miyo hatena ledege ayka mannu gauna . ³ Nauwa halaragimige tabaramu, na paha ullu kabayhingge, na dommo nauwa hibbawe ba nade Kristus na mate tutuda jala-jalada yitta katujjana nata jurrata Murraha, ⁴ Nyi bada tanbeni ge, Nyi daha kade haggayita laddo kataudana katujjana jurrata Murraha, ⁵ monno lodoge Nyi badda hatingngo wikna-Nyi tabaray Kefas, lodowalge tabarada ka bullu du'dana rado. ⁶ Bewe nedoge, Nyi naha tingngo wikki-Na tabarada rehi wali ta limma ngahu olebay-olebay tangnga hingda. Tangnga kahhada wadeka butadawali ta yidda da'di da morhaho kahha batauge, tanyiduwe rade wadeka bada mate beda. ⁷ Lodoge, Nyi naha tingngo wikkina tabaranay Yakobus, lodowalge tabarada tangngada lidu limmana. ⁸ Murge, mera tujjanage tabarana ana nada kadadi ay dikki hoge rahna, Nyi dummo naha hatingngo wikki-Na tabaragu. ⁹ Oroge, nauwadu naka rehi marraha ta jongada ledu limma-ledu limmana-Nyimonno aykama rakka ba takkiwa tutuge ba ledu limmawa oroge nauwa gu hamayillayi kangote ata kahatenay Allah. ¹⁰ Nyiduwe, oroge kanyurru kanaggay Allah, nauwa daduna nauwa na batauge. Monno kanyurru-Na nata baragu walle aymannu gaudamage. Nauwa gu rayi ullawa rehi maromatawalli ta yidda tangngada, tanyiduwe walle nyikelmawe nauwa, tanyidawe kanyurru kanagga nay Allah naka doku mane ga. ¹¹ Nyi oroge nedo, lohho ledege nauwa loppo dummo yidda, tauda allage nami ma ajarawemonno taudaallage miyo bada hatenam. ¹² Ba nadey Kristus batakkiyi na kade hagga walli ta tillu matena, ahha rade wadeka ta jongam miyo da hanewe lidage walle ladamage kadde hagga wali ta jonga ata mate? ¹³ Banyi walle lakage kadde hagga wali jonga ata kamate, Kristus dummo walle lamemage ba kade hagga ge. ¹⁴ Ladama gauge paha dikkigim na nami monno la alla ma gauge dummo hatenamu. ¹⁵ Rehi widdi ge, nami dummo da kolegama hatujja ta saksi kawohhoka tay Allah oroge nami yiwe takkiwe ba nadey Allah bada kadde hagganani Kristus, naha ayha da'di ha kadde haggana-Nyi, ba nedo taudage tenage ata mate walle kadde hagga ma. ¹⁶ Oroge, ba nade ata kamate ayna kadde hagga ka, Kristus dummo walle ma walle na kadde haggama. ¹⁷ Monno, ba nade Kristus ayna kadde hagga ka, ladama gauge hatenamu, monno miyo engahom badagim ta tillu jala-jala mu. ¹⁸ Tauda Dummo ge, Yidda na badda mate lar tay Kristus dummo nada'diwe tuddu loko. ¹⁹ Ba ne naha manne da yitta ta lar tay Kristus nyihewe tutuge morrha inne he, yitta daduna ata-ata naka rehi aymannu gauna walli tangngana ka da'di ata. ²⁰ Nyiwe ba tauge, Kristus badda ha kadde haggay walli ta jonga ata ka mate, ka mera nade wu u ullu na walli tangngana ata hatena nada kabadda mate. ²¹ Oroge na mera tujjawe na mate ka da'di ledege wu ata, nyiduwe ledege wu ata dummona la ma kadde hagga wali ta jonga ata ka mate da'diwe. ²² Oroge ta jongay Adam tangngana matebe, tauda dummo ge ta jonganay Kristus tangngada enga daha morhayi. ²³ Nyiwe, tangnga-tangngana ata dokuge oro'di: Kristus nyidaduna wu ullna, bewe nedo ge yidda na rada daunay Kristus, nimmi ba amhaggani-Nyi, ²⁴ lodoge dikige bana ha lodoge, nyiwe nedo ba dikkige Nyi yinage na Raja tabanay Allah Ama, dikkige Nyi badda hamauhadi tangngad kaha reha, tangngad kuaha, monno ka kulha. ²⁵ Oroge, Nyi da ho kaha rehawe kahhay Allah ijjalay tangngana mh na-Nyi na kabu koko ledu-Na. ²⁶ Muhna kamurri naha enga ha mauhana nyidawe inna mate. ²⁷ Oroge, Allah badda ijjalanadi tangnga kahhadita kabu koko ledun-Na. Nyiwe, badikkige ba takkiwe ba inne tangnga kahhage badda ijjalanage ta kabuna-Nyi, hungngabewe ba inne ayka kahaole tay Allah dauyo, na kaijjalawe tangnga kahhage ta kabbu nay Kristus. ²⁸ Ba nedo tangnga kahhage da ijjalay ta kabunay Kristus, bewe nedo ge ana dauna dummo enga ha bawa wikna tabarana Nyiyo, nada kaha libaway tangngada ta kabunay Kristus lodoge Allah engage bana da'di tangnga-tangnga ge ta jongage. ²⁹ Ba ninne ayka taudana, agakawe ka engana naha rayi rade yidda na da paha riha tutuge ata na kamate? Ba nade ata ka mate ayna kadde haggaka mera allanage, lohho ahha rade ata-ata ma hariha tutuda yidda? ³⁰ Monno, ahha nami ma daga ma tatillu elo ngaba tangngage rahi? ³¹ Olebay-olebay dihha-dihha lado nauwa gu aroge hamate dangnga, tutu ge hamadakka ate dangngagu ta jonga dalaram miyo, na nauwa ha daugu lar tay Yesus Kristus, Morda yitta. ³² Tauge ka dadi ata, agakawe ha utugu, bagu gabbadi rade ranga-ranga ka bani ta Efesus? Ba nada ata mate ayna kadde haggaka, "Mayda yitta ya monno enu oronage koka yitta mate dage." ³³ Iyya na da'di kawe ba tipu wu: "Rayi ole na ayka dahha naha wattaradi rada ka nogo-kanogo na ka dahha." ³⁴ Hangada wali la wayge ka dahha monnao illam raykana ka jala. Oroge, rade wadeka ata walle ladamage hatadayi tutunay Allah. Nauwa gu takkigimige inne tannam miya kam makkem. ³⁵ Nyiwe, wu ata enga naka kanukkawe, "Aga nada ata ka mate bana kadde hagga? Ledege tau aga dawe yidda nim ba am hagga wallid?" ³⁶ Ta rade ata kabangnga! Aga na miyo ba habbaram walle ladamage tummui na morhay, helege nyi na mate ul daho. ³⁷ Monno, aga na miyo pa habbara damawe ngihhi nada pa taddo nada ka engana tummu nedo, tanyiduwe nada wihana na ayka mannu kalitana katujjana wiha gandum lohho wiha-wihana nade wadeka. ³⁸ Nyiwe, Allah da yini tauwu na kataudan Nyi habayna-Nyi monno tangngada-tangngada wiha naha yina tau na dau-dauna. ³⁹ Walle tangnga madi kahila yid'da na kahila kaha mera, tabollo nyihewe wu kahila kadadi ata, monno rada wadekakahila ranga-rangay, monno rada wadeka kahila tangadi kawurna, monno rade wadeka kahila kabokoy. ⁴⁰ Da dummodi tauwu sorgawi monno tauwu pannu tana, tanyiduwe kamanadana na ta sorga nedo kahekana monno kanadana na ta pannu tana nedo dummo hekawe. ⁴¹ Kamanada mata laddo hekayi, manadana wulla hekawe, manadadi tangngadi maduu dummo hekayi oroge wu maduyo hekay walli ta maduu nade wadeka ta til kamanada. ⁴² Tauda allage ledege kadde hagga da ata kamate. Da habbarani ta tillu ka mabbo, be hakadde haggay ta tillu kamanadana, da hakadde haggagay tatillu ayka mabbo. ⁴³ Da habbarani ta tillu ka li bawa hingna, da hakadde haggay ta tillu kamanadana. Da habbarani tatillu loja mawala, da hakadde haggay ta tillu ka kulha. ⁴⁴ Da habbarage katujjana tauwu ka da'di ata piyo, da ha kadde haggay ka tujjana tauwu rohani. Ba nyikawe dage tauwu ka da'di ata piyo, d'a dummo tauwu rohani. ⁴⁵ Katujjana kama tolha, ''Ka da'di ata ullu, Adam, na da'di dewa naka morha.'' Adam naka ka murri na da'di wad naka yiwe morha. ⁴⁶ Nyiwe kataudana, nada ka rohaniwalle nyidamawe naka dau pannu. Na ka dau pannu nyi dawe na ata p'i ge, bewe nedo ge nyiwe ba amge naka rohani. ⁴⁷ Ka dadi ata ullu ka waliy ta pannu tana, yidda ka wali ta kabka tana, na ata kadu'dana ka waliy ta surga. ⁴⁸ Mera tujjana ka wali ta kabka tana, katauda dummo na yidda na ka wali ta kabka tana. Monno, mera ka tujjana na ta surgawi, tauda dummo yidda na ta surgawi. ⁴⁹ Ka taudana yitta ba rayida ta tillu tujjana ka dadi ata ka wali allada ta kabka tana, yitta dummo enga waige hada ka tujjana ata nata surgawi. ⁵⁰ Nauwa takkigimige inne ta barami, Olebay-olebay, oronage ka nayo monno rayo walle kole manna d'auge ta tillu raja nay Allah. Tauda dummoge na di'kkina mabbo, walle kole mana hadauge ta ayka di'kkina mabbo. ⁵¹ Rangngewe la! Nauwa halara gimige ta baramu inna wuyo paka bunnyi, yitta enga walle da mate' ma tangngada, Nyiduwe yitta tangngadaenga da ha jeluda, ⁵² Ba nyi dawe nedota tillu ka badde mata dawe, dikkige nada trompet ka murri: oroge trompet enga na punnyi, monno ata ka mate enga da hakaddey walhillu ta kamabboma, monno yitta enga naha jelu na. ⁵³ Oroge, na ka di'kkina mabbo inne naha yannage na ayka dikki na mabbo. Monno, na ka di'kkina mate inne nyiwe ha yanna hoge ayka tomana mate. ⁵⁴ Ba nyiwe na ka tomana mabbo innena hayannage na ayka tomana mabbo, monno na ka di'kkina mate inne hayannage na ayka di'kkina mate,nyi tutu nage li na ka badda tolha: ''Na mate be'bewe paha nangngage ta tillu tailoge.'' ⁵⁵ ''Ha tutge mate, gige na tailo mu? Ta rate, gige ha rutam mu?" ⁵⁶ Kulhage na mate nyiduwe inna jalage, monno kuwaha jala nyidawe inna Hukum Taurat. ⁵⁷ Nyiduwe, yitta wai liddage ta bara nay Allah na ka yida yitta tailo ledena Morda yitta, Yesus Kristus. ⁵⁸ Bege, Olebay-olebay gu ole hatena g na ta manawara, kadem dede kulha, illa gedo, majabola nyidawe ta tillu ha ullannay Mori. Oroge, miyo tadawe bam padage joli mu walle ayi mannu gaud'a mage na lar tay Mori.