Hatada Ul Paha Hada Monno Hatakki Tabayo ¹ Rotiwe la Manawara monno kamaddige wayge kaha tetakkana manyurra- manyurra ata hatena, bay buge tannam miyo dadiwe ba paha hada. ² Oroge, iyai kaha newewaige hatak ta bayo, walle hanewe da ma tabara ata, tanyiduwe tabaray Allah; oroge walle ladama ata na ka yappawe, tanyiduwe nyi na halarawe hada- hada naka ka bunyi ta tillu wad. ³ Nyiduwe, ata na kapa hadawe hanewe tabara ka da'di ata tutu ha kadewe, hanuwwa, monno kama ringna. ⁴ Ata-ata na kaha neweta tillu hanewe way ge bayo hakadde wikkina, tanyiduwe ata na kaha lara hada naha kaddewe kangote ata hatena. ⁵ Nauwa gu manne gim miyo tangngam hanewe wayna hatakki-hatakki way bayo, tanyiduwe karehhi widdina tannam miyo kam lara hada. Ata nade kahanewe wayge hatak ta bayo, helena ba nyi dummo kahha larawe ngihge lodoge rade kangote ata hatena kolege hibbawe naha kulha dangnga. ⁶ Olebay-olebay, ba ne nauwa amkaga tabara mu monno bagu hanewe wa wage hatakki-hatakki ta wad, agawe ha utuge ta bara mu, helege ba ne nauwa bagu hanewe tabaramu ledege naha tingngo, ha tada, lara hada, lohho na ajara? ⁷ Loppona, ngawu-ngawu ayka pannu ngahuna, ka tujjana rade suling lohho kecapi na kaha huna punyina, ba ne ayna pahukana kahekana ar ta punyi na, aganadakawe ata bana taday ba agayday nada hama lengo, suling ngui ba kecapiy? ⁸ Lohho, ba nade trompet kay kapa huna lina ayha range dahha, iyyadayi kapa ganna wikkina tutuge hatau? ⁹ Tauda allage miyo. Ledege lammamu, miyo pahudi ram hatakki hatakki naayka koledi ba yappay, aganadakawe ata tadawe agawe naha hatakki? Ba meradanage miyo hanewe tabara rereha. ¹⁰ Nyiwe, da'di taudage butadi hada hanewe tangngage ha gala panu tanamonno walle ladama wu dummo ka wall kataudana aika mannu ngihna. ¹¹ Nyiwe, ba nauwa ayha hatada ngih hanewe nedo, nauwa engage da'di ata abu pallaka tutu na nyi kahanewe, monno ata na kahanewe nedo na da'di ata ata abkadana tabaragu. ¹² Tauda allage dummoge miyo, oroge miyo hatetakkage bam kamaddige tutuge hakadewe ne kangote ata hatena. ¹³ Oroge nedo, haidaduni nade ata na kahanewe wayge hatakki ta bayo sembayang tannam nyi tadawe ngihhi ge. ¹⁴ Oroge, bagu sembayang wayge hatakki ta bayo, wadi gu na sembayang,tanyiduwe paha ngadagu walle nah ngihhi mawe. ¹⁵ Bege, agadawe naha nauwa paha hadagu? nauwa engagu sembayang wa ledege waddi gu monno nauwa dummo enga ge sembayang wage paha ngadda gu. Nauwa enga ge manyanyi wage paha ngada. ¹⁶ Ba ge miyo nyidahewe hailana manutaledge waddi mu, aga nadawe rade ata, na kadana tatillu hadau aika mannu manyurrana nedo, kolege takkiwe, "Amin," ta pannu bammu hailana manuta mu nedo oroge nyiyo walle na yappa mawe na miyo hatakki? ¹⁷ Langka dummo miyo hailana manuta wayge na kadahha, tanyiduwe ata wadeka walle pakade mayi. ¹⁸ Nauwa hailana manuta tabara nay Allah oroge nauwa halarawe wayge hanewe-hanewe ta bayorehwe walli ta mi tangngami. ¹⁹ Nyiwe, tatillu kangotena ata hatena, nauwa rehi dahha da howe halaray limma hatakkiwayge paha ngadagu tannam nauwa dummo kole ba ajaray rade ata wadeka, walle nyidamawe ka bull rata hatakki wayge hanewe ta lamma. ²⁰ Olebay-olebay, illamu da'dika lakawa waige paha ngadda mu. Da'di dau Lakawamarraha wayge kajapata, tanyiduwe tatillu paha ngadda mu da'di dau ata katuna! ²¹ Katujjana kama tolha lar ta Hukum Taurat, "Oroge ata-ata na kadana hatakki kahekana monno ledege bana ata-ata kahala tama, Nauwa engagu hanewe tabarada bangsa rade, tanyiduwe yidda enga da range Nauwa, linay Mori." ²² Bege, hatakki-hatakki ta lamma nyidawe tadage, walle tutuge ata aykaha hatenaho, tanyiduwe tutuge ata ayka hatenaho, tanyiduwe tutuda ata na kahatena. ²³ Ba tangngada kangotena ata hatena makahha dabba ta wu hadauyo, monno tangngada da hanewe ledege hatakki-hatakki ta lamma, nyiwe da'di ata-ata na ayka yappawe lohho ata-ata ayka kaha tena ta tama, walle lida damagim ba inno miyo bada ngadem? ²⁴ Nyimowe, ba tangngada manyurra ge ka amna, tanyiduwe da'di ata na ayka hatena lohho ata na ayka yappawe tama, nyi enga na ngaddage wayge tangngage. ²⁵ Naha bunyi lar ate na engage bana delakawe, nyi enga na kataba, monno hadiyi Allah, hatenawe ba na kaha tetakkananay Alla dani ta jonga dalaram miyo. ²⁶ Bege, lodoge aganadawe, olebay-olebay? Bataudage miyo bam makahhami, tangnga- tangngamidage na mazmur, ha ajara, ha tingngo ge, hanewe ta lamma, lohho na wuyo na paninno. Yammad ge tangngadi redo ba hakakowe tutuge pahakade. ²⁷ Ba daka na kaha newe ta lamma, yammadi yidadana du'da lohho ka rehi buta na tauda ata, monno tangnga-tangngadawayge kaha jeluna, monno engahoge da'di ata na kaha lara we. ²⁸ Nyiwe, ba ay dayo ata na kaha larawe, nyi na ka danna ta tillu kangote ata hatena monno yammadadudi nyi kada hanewe ta bara dau dauna monno tabaray Allah. ²⁹ Yammadage naka du'dana lohho taudana lodo li pala bayo na kahanewe monno nade wadeka da pangadage. ³⁰ Nyiwe, bana hatingoge naha rayitutuda ata wadeka naka ka ngodo ta dauwu nedo, ata nada ullu naka danna daho. ³¹ Oroge, miyo tangngage kolege tada ulluwe wu monno wuyo, tannam tangngage kolege naha ajarra, monno kolege naha kulhawe. ³² Wad-wad rade lodo li pala bayo kangaduka tabarada rade lodo li pala bayo. ³³ Oroge, Allah wallenay Allah wali kaha wihha kawe, helege moll kala gahara, merage tujjama tatillu tangngada kangote ata hatena ata-ata murraha. ³⁴ Laway naka engana ka danna ta tillu kangote ata hatena oroge yidda aypa haiyo tutuge hanewe, tanyiduwe naka kangaduka ka taudana ta Hukum Taurat dummo naha larawe. ³⁵ Ba daka ka wuna naha bayda yidda hanuwayi, yammadadi yidda kada kanukkawe tabara layna ta umma oroge nyidawe hada na ha makke dangngage lawayi tutu hanewe ta tillu kangote ata hatena. ³⁶ Agakawe li nay Allah wallige ta miyo? Lohho, agakawe nedohewe tabarmu na liyo nedo baha dikkigimige? ³⁷ Ba dakadi na kaha ngaddage ba nyi daduna lodo li pala bayo lohho ata nada rohani, yammadaduni nyi tadawe oroge hada-hada na nauwa hatolhagu tabara munyidawe harehanay Mori. ³⁸ Ba daka ata na ayka tadawe inne, nyiyo walle ta taadawe. ³⁹ Bege, Olebay-olebaygu, hangaddage wayge kaha tetakkana tutuge tadawe nimmi ka amna, monno yammageha herina ata hanewe wayge hatakki-hatakki ta lamma. ⁴⁰ Nyiduwe, tangngage nyidahowe papahada wayge ka li bawa monno pahamijja.