Manawara ¹ Ba ne nauwa bagu hanewe wayge hanewe-hanewe ka dadi ata monno rade malaikat, tayiduwe walle ladamage manawara, nauwa duna tala ka punyi monno kaballo naka ka ngura. ² Ba ne nauwa badakage manyurra etawe monno tadawe tangngage kabunyi monno tangngad hatada, monno ba ne nauwa badakage tangngage hatena tutu makkage hadikkige leten- letena, tanyiduwe walle ladamage manawara, nauwa walle ladama gaugu. ³ Ba ne nauwa bagu yikayi tangngad hadaugu tutuge ba yidi ha ya tabara ata milla, monno yiwe taugu ba tunnuwe, tanyiduwe ailakage manawara, wu hodi dummo walle ladama gauge tutugu. ⁴ Manawara inno tahge monno libawa ate, manawara nedo walle hakirri ma, walle hali dete wikkina, monno walle na wu togo ma, ⁵ walle rayi mage na ayka dahha, walle mayega damage habay dauna, walle na geha da bana bani, walle na yapu damage pirra taudi jalada rade ata wadeka, ⁶ walle gu lagaharra da mawa tutuge na ayka tena, tayiduwe gu lagaharawa ledege katena. ⁷ Manawar nedo tahge ditawe tangnga kahha ge, hatenawe tangnga kahhage, way mannege tangnga kahhage, monno tagorage ditawe tangnga kahhage. ⁸ Manawara awalle ladamage bana hadukkawe. Nyiduwe, ba daka hatada-hatada iay pa hudda; ba daka hanewe-hanewe, enga daha ngahuyi; monno badaka na ha tada, enga ba pungngad ge. ⁹ Oroge, yitta tadawe na wadeka dana monno yitta pahadawe kahodina nyihewe. ¹⁰ Nyiduwe, bana naka banna dikki kawe, na wadekage engage ba pungngage. ¹¹ Nutna nauwa ba lakawa howa, nauwa gu hanewewa katujana lakwa marraha nauwa paha ngadagu na tujjadawe lakawa marraha, monno bagu yapu - yapukanna na tujay ana lakawa marraha. bagu dikkina matuyo, nauwa gu tannadi kanogo lakawa gu nedo. ¹² Oroge batauge yitta etawe lar ta ninno bana gau-gaula howe, tanyidu murge ha etana mata monno mata. Batauge, nauw a tada he guge na wadeka, tanyiduwe murrige nauwa enga bagu tadawe na tangngage. ¹³ Nyiwe, batauge kataudana hada inne enga ge dage, nyi duwe na hatena, naha manne, monno manawara; tanyiduwe na rehi madakka wall kataudana nyidawe ne manawara.