Manyurra-Manyurra Wali Ta Waddi Bihha ¹ Batauge, tutu ge manyurra- manyurra ata miggu, olebay-olebay, nauwa walle baimage miyo aim wallem tada we. ² Miyo tada ba tauge miyo enga da'di ata-ata ai kada hoi Allah, miyo daha jallora mi tabara watu monno yayu ka bangnga, be taudage miyo da kanato. ³ Oroge nedo, nauwa halara gimmi tabara mu ba walle wu dummo, na nahanewe waige Wad nay Allah, na hataki, "Yesus na tudu loko," walle ladama wu dummo na kolena hanewe, "Yesus nyidunay Mori," helena ledege Wad Bihha. ⁴ Da'di tangngad wadeka manyurra ata hatena, tanyiduwe Wad na naha mera. ⁵ Monno, 'da dabbad paha kako, tanyiduwe Mori naha mera. ⁶ Da'di buta dabbay ha ulla, tanyiduwe Allah naha mera na ka ray ullage tangnga kahhadi ta tillu tangnganna ata. ⁷ Tabara tangnga- tangnga da ata da yidi paha tadaway Wad tutuge kana dahha kahhawe. ⁸ Tabara nada wu da yini hatak- hatak tada ledege Wad monno tabara nada wadeka hatak- hatak ingta ledege Wad na kaha mera. ⁹ Tabarada nade wadeka da yidi hatena ledege Wad kaha mera, tabarada nade wadeka manyurra- manyurra ha taggahanna ledege Wad nada kawuna nado. ¹⁰ Tabarada nade wadeka, da yidi ha ulla-ha ulla mujizat, tabarada nade wadeka manyurra ge amna. Tabarada nade wadeka da yidi kulha ingtage tutuge tadayi wad-wad, tabarada nade wadeka tangngad kabuta li hanewe ta bayo, monno na wadeka halaray ngihhid rade hatak-hatak wali ta bayo nedo. ¹¹ Tangngage inne ha ullanage ledege Wad ka wuna monno na kaha mera, na paha bawe tabara tangnga-tangnga ga ata, katujana na Nyi habaina. ¹² Merage katujana nyidawe ba wu we, tanyiduwe na butawe ole ge, monno tangngage olege tau, langkana buta duyi , nyiduwe wuhe tau ge, tauda allage tay Kristus. ¹³ Oroge, ledege wu Wad, yitta tangnga kahhada bada hariha beda tatillu wu tau, langka ata Yahudi lohho dummoata Yunani, langka rade ha ata lohho dummo ata ay ha ata d'a, monno yitta tangnga kahhada da yida enu wal ta wu Wad. ¹⁴ Roge tau walle na dede mawe wali ta wu tau, tanyiduwe butawe ngihge tau. ¹⁵ Ba rade ledu bana hanewey, "Oroge nauwa walle limma mawa, be nauwa walle lada maga ta till tau, ' walle nyi da mawe nyi ba ai tau nage. ¹⁶ Monno, katillu bana hanew ka, ''Oroge nauwa walle mata da ma, nauwa walle kangote tau da mawa,'' walle nyidamwe ba ai tauwe. ¹⁷ Ba tangngage tau ba mata dawe, ma gidage ha rangnge way? Nyi tangngage ba katildahey, ma gidage ha ngahha way? ¹⁸ Nyiduwe, batauge Allah bada ha inyakanadi ngihi tau- ngihi tauda nedo, tangngada ata wall ta yidda, na til tau, kaudana na Nyi habayna. ¹⁹ Ba tangngage ba wu ngihi tau, ba gi dage tau? ²⁰ Batage, taudage da'di butay ngih tau, tanyiduwe nyihewe wu tau. ²¹ Oroge nedo, mata walle da'di mawe hanewe tabarana limma, nauwa waleg kamaddi damagu! ''lohho wall, katakku tabarana ledu, ''Nauwa waleg kamaddi da magu !'' ²² Tabalwalge, ngihhi-ngihhi t taunaha ete na rehi loja dahina naha rehi widdi na hakamaddi. ²³ Monno, ngihhi-ngihhi tau na yitta pa ngada dawalle na ladama hige, tanyiduwe na yidahoge ngihhi biktage hige ka rehih na. Monno, ngihhi-ngihhi tau, na yitta hangadda dawallena yanna damage hatingngoge, nyidahowe rayhoge tutuge ka rehi mayanna ba hatingngoge, ²⁴ oroge, watte-watteed na ka bada mayanna hatingngodiwalle hil waymadge. Nyiduwe, Allah bada hanukkunage tau nedo ledege bana yige ngihhi hige karehi madakka tabarage ngihhi-ngihhi aika tanga hona, ²⁵ tannam walle ladama kawatena ta tillu tau, tanyiduwe tannam ngihhi-ngihhige nedo kolege hamattarrage ka wuna lohho nada wadeka. ²⁶ Ba nade wu ole ngihhi mayilla, tangngage ngihi mayilla dabbawe ge. Ba nade wu ngihhi tau baha manadani, tangngada ngihhi tau da lagahara kahha ge. ²⁷ Batauge ba taunagim Kristus monno miyo tangnga-tangngami miduna ngihhi-ngihhina. ²⁸ Allah bada ha yanna nage ta tillu kangotena ata hatena, kadihha na yiddana rade ledu limma, ka du'dana rade lodo li pala bayo, ka taudana rade gur, kamurwal mujizat- mujizat, manyurra-manyurra hataggahana, matull, naha natto, monno tangnga-tangngad hanewe. ²⁹ Nyidawe tangngada ledu limma? Yidda allaho lodo li pala bayo? Yidda allaho rade gur? Yidda kahhahaho naka rayna mujizat? ³⁰ Ba yidda allaho tangngada na dauge manyurra hataggahana? Yidda allaho tangngada katakkiwe ledege hanewe-hanewe, ba yidda allaho tangngada na kaha laray? ³¹ Nyiduwe, baydagela way kaha tetakkanna-tetakkanna manyurra-manyurra naka karehi madakka. Monno, nauwa gu tingngogiminni tabara mu lara na nade rehi li dahha na.