¹ Da'di la ata -ata kadokuge kanogo gu, katujana nauwa dummo ta lih nay Kristus. Tadage Ba Na Kuaha ² Na batauge , nauwa gu daika gimmi, oroge miyo um ape wa ta tillu tangngage hada monno na natto pata- pata katujana naha dikigimi tabara mu. ³ Nyiduwe, nauwa bayge miyo bam tadawe ba rade katkku tangngada kabani-kabani Nyi natuja Kristus, kabayge tut laway nyi allana kabani, monno katakku nay Kristus nyi allaho nay Allah. ⁴ Tangngada kabani- kabani na ka sembayang monno kama nyurrah wayge katakku na toni kaba walle na hi mawe katakkuna. ⁵ Nyiduwe, tangngada laway naka sembayang lohho kama nyurrah wayge katakku ai toni kaba, lang liranage dauna katakkuna, hada inno naha merawe na tujage ba na takku ha modo. ⁶ Oroge, ba nada wu laway ay na toni kawe katakkuna, jammaan nyi dummo kana guttiwe wuna. Nyiduwe, ba ha makke dangngawe tutuge wu laway ba guttiwe wuna lohho ba kikrawe wu katakna jamman kana toniwe katakna. ⁷ Kabani - kabani walle na da'di damawe ba toniy katakku oroge nyiyo naha tuja ta hada monno ta ka ma nadanay Allah. Nyiduwe, laway yidda alla hamanada dangngada kabani. ⁸ Kabani- kabani walle talaway, tanyiduwe laway wall ta bani na. ⁹ Monno, kabani walle pa hada mayyi dauna laway tanyiduwe laway daunad kabani. ¹⁰ Nedola nyiduwe orroge, laway dadaho dauda tada ha kuaha na ta takkuna oroge rade malikat. ¹¹ Nyiduwe lodoge, lar tay Mori, walle ladama laway ay ladaka kabani, lohho kabani ay laka laway. ¹² Oronage, laway puge wal tabaniyi, tauda dummoge kabani dadi wal ledege laway. Monno, tangnga kahhadi walid tay Allah. ¹³ Hangadda dauge, na yannage tutda wu ata laway bana sembayang tay Allah wayge katakku ay hatoni? ¹⁴ Tauda allage kakoge pannu tana nahanewe we dau we tabara mu ba daka kabani kama lau wu na, had kataudana nyidawe langlira na tauna? ¹⁵ Nyiduwe, ba nade laway ba daka kamalau wu na, hada nedo nyidawe pamanada dangngana: Oroge , wuna nyi nedo ba yinage tabarana ha li panna. ¹⁶ Ba daka ata na ba hoge gabbage, nami walle ladama kanogo kataudana nedo tauda dummoge ta ata kangote nay Mori. Hal-Hal yang Salah dalam Perjamuan Kudus ¹⁷ Ta tillu baha kakowe pareha inne, nauwa wallegu daika mawu oroge mi bamu makahha walle tutuge hada ka rehi dahha, tayiduwe tutuge hada ay ka dahha widdi na. ¹⁸ Kadihhana, dikkige miyo bamu ma kahham tutge kangote ata hatena, nauwa gu rangngewe ba dage ha muhna ta jongam miyo. Monno, nauwa gu hatenawe wadeka. ¹⁹ Oroge, dada hoge hamuhna ta jongam miyo tannam naha etage tadage tah tagorana kana da'di delakawe ta dalaram miyo. ²⁰ Bam miyo makahha ta wu hadau na kaha mera, hada nedo walle tutdamange ya perjauan nay Mori. ²¹ Oroge batamrage yayo, tangngada ata ngala ul da howe ha ya dauna bege da'di na ka labba monno nada wadeka da mabuk. ²² Agawe miyo walle ladama umma tutuge ya monno? Lohho, agakwe miyo um langliray kangote ata kahatenay Allah monno bam hamakkey rade yidda na ay kadakinna aga- agana? Aga howe naha takkig tabaramu? Bege ne nauwa gu daikami? Nyiwe ba walle! ²³ Oroge, nauwa gu hibbawe wali tay Moriaga na dummowe nauwa pahade gimmige tabara mu, Oroge Mori day Yesus, bana gagge banyiwe Nyiyo bada yanage ay ka dahha, na ngala kababa, ²⁴ monno banna be na wotuna mahadi, Nyi na pahha- pahhay monno naha newe, "Nyiduwe inne Taug-Gu, na nyi dawe dau mu; pahadawe la kana da'di we ba apewe tutugu Nauwa." ²⁵ Tauda dummoge, Nyi na ngalay koba ba bena ha yayo loppo nahanewe, "Koba inne nyiduwe katuk tehka beru na ta till ra-Gu. Pahadawe inne, tamrage kaha pirrawuddana miya bam enu ge, da'di bamu ape wayga tutu Nauwa." ²⁶ Oroge, hapirra wuddage miyo yami kababa inne monno enuge wal ta koba inne, miyo um hapege tutu mate nay Mori kahha ba ammini. ²⁷ Oroge nedo, iyayi ka yayo na kababa inne monno ennu ta koba nay Mori way kanogo na ay yanna, nyi na jala ta tuba tau monno ta ra nay Mori. ²⁸ Kadadi ata da ka ninno da ha wikkina ta tau dau dahona, ledege ba taudage langka nyiyo na ya kababa monno enu wal ta koba nade. ²⁹ Oroge, na ka ya monno enu ayna hatenawe bataunagey Mori, nyige kamaikanage aika maringna ta tauna. ³⁰ Nyi allawe oroge, ahha ma buta ta jongam miyo naka loja monno kalawara, lohho tutu butada ka mate. ³¹ Nyiduwe, batauge ba yitta bada keju wikda dauda waige bana tenawe, yitta walle enga hoku mada. ³² Nyiduwe, ba yitta hokukada, yitta naha nuwwada nay Mori tannam yitta illa ta hokda ole kahha da tangngage panu tana. ³³ Nyiwe, olebay- olebay gu, ba tamrage miyo makahhatutuge yayo, hayanne wikkim lan. ³⁴ Ba daka ata kalabba, dahha howe nyi kanna ya ull ta ummana tannam illa miyo makaham tutuge ba hoku gim. Monno, hada- hada wadeka enga nauwa ka atorrawe nim nauwa ba amga.