Ngalage Paha Ngada Wali Ta Jalada Israel ¹ Oroge, nauwa wallegu aumawa miyo aiyim tadawe, Olebay- olebay, ba rade inya weda waikada yitta, tangngada ta kabu karabba monno tangngada palage bannu. ² Yidda tangnga kahada da harihay lar tay Musa, ta lar taka rabba monno ta ledege bannu. ³ Yitta tangnga kahada na ya ha yayu ta kalingngora ata hatena na kaha mera, ⁴ monno tangngada da enu ha enuda ata hatena na kaha mera. Oroge, yidda da enu wal ta watu rohani na kaha doku oledi yidda, monno watu nado nyidunay Kristus. ⁵ Lokkodummo bataudage, Allah walle na kamayanna wali tangngada kabuta wall ta yidda. Oroge nedo, Yidda daha mateyi ta marada gilra. ⁶ Batauge, hada- hada inne daha da'dige tujja ta yitta tannam yitta ilada da'di ata naka baige japata naka tujana yidda naka baidage. ⁷ Illam da'di ka ata kaha ma nuta watu monno yayu katujjana rade wadeka wal ta yidda, katujanna na kama tolha, " ⁸ lla yitta rayige kamanyarha katujanna naha rayi da rade wdeka wal ta yidda bege 23 rata mate ka wuna laddo. ⁹ Yitta dummo walle da'di mawe bada kamaniy Mori, katauda dummona rade wadeka wal ta yidda dummo da kaman monno naha mauhad rade nippe-nippe. ¹⁰ Illa dummo miyo ay tahkana-tahna katauda yidda dummo bada aidatahge-tahge monno daha mauhadi rade malikat mate. ¹¹ Hada-hada inne na da'di ta yidda kataudana tujja monno kama tolha kataudana paha apem tutda yitta, na bara iyya kawukkuge pan tana ba am ge. ¹² Oroge nedo, jamad rade ata na kapa ngadageba dauna kulhawe dede ha atege tannam nyi illana monu! ¹³ Walle ladama kama kama na ka bada todowu nyiwe kama kama na ka damma ta ka da'di ata. Monno, Allah nyidaho ka doku jua, Nyi walle naha pahalla mami miyo ba kamagim rehgimige kulha ata mu. Enga tanyiduwe, olege ledege kama kama nedo, Nyi dummo, enga ha ganna lara huna tannam miyo kolege ditawe. ¹⁴ Oroge nedo, olebay- olebay gu naha manawara gu, dikka raw wikkim wal ta kaha tena watu lohho yayu. ¹⁵ Nauwa gu takwe ka tujana ata-ata na ka ha ate, ha ngadage naha takkigu. ¹⁶ Ba nyikanna koba haenu kanyurruh na yitta ha ma nutada nedo nyidawe na kangote na ta rana nay Kristus? Monno, walle nyikawe ka baba na yitta ha pahhada nedo nyiduwe ka ngotena ta till tauna nay Kristus? ¹⁷ Oroge da'di wu kababa, ma yitta na ka buta inne nyidawe wu tau na; oroge yitta tangngana ba da'di ge hadau wal ta wu ka baba nedo. ¹⁸ Ha ated la ata-ata Israel, walleda ma yidda na ka ya na manuta ngalage hadau ta til ha kakowe kangote? ¹⁹ Nyiwe, agawe na paha ngadagu? Aga we na yayo na pama nuta ta bara watu lohho yayu nyidawe na ka wuna? Bege, agaday nada hatena ta yayu lohho watu nyidawe naka wuna? ²⁰ Wallek ma, nauwa gu halarawe tabaramu oro hada-hada na bangsa-bangsa wadeka da maraka, yidda da maraka na tabarada wad-wad japata, walle tuttuy Allah ma. Monno, nauwa wale baiyi mage miiyo bamu kangote dangngadi rade wad-wad japata. ²¹ Miyo walena da'di mawe ennu wal ta kobana nay Mori monno kobada wad- wad japata. Miyo walle na da'di mawe kolena walta ya en da nay Mori monno ya en da rade wad - wad japata . ²² Atau, apakah kita membangkitkan kecemburuan Tuhan? Apakah kita lebih kuat daripada Dia? ²³ "Tangnga kaha ge na da'di da we," tanyiduwe walle tangngadamadi ba da gaudi. "Tangnga kaha ge na da'di da we," tanyiduwe walle tangnga da mage bana kade we. ²⁴ Illa daka wu dummo na ka mayegage kadaha tutu dau dauna, tanyiduwe kadaha tutuda ata wadeka. ²⁵ Yadadudi agay hama laja ta pahara kahila bam hatadadi, tutuge Ate murraha. ²⁶ Oroge, panu tana monno tangnga ge ngihge ba dauda nage Mori. ²⁷ Nade dakan wu ata ay ka hatenaho bana kamaikagu monno na dage kalogag tutge kako, ya dadudi agaduyi na yi dagu tabaramu ilhillu mu hatadadi, waige ate murraha. ²⁸ Nyiduwe, ba daka ata kaha hanewe tabara mu, " Ha ya rade bana paha nuta waybey pu watu lohho pu yayu,'' jammad miyo ha yadi, tutu da nade ata naka kahalaraguge nedo monno waige ate murraha. ²⁹ Paha ngadagu, walle wayge ate murraha mu daumu, tanyiduwe ate murraha ata wadeka? ³⁰ Ba nauwa ngalage hadawugu ledege hailana manuta, ahha nauwa maha jalawa tutuge na ha ya nata pannuge nauwa hailana manuta? ³¹ Nyiwe, ba nyiwe miyo ya lohho ennu, loppo aga da duyi na mi ha ullam, ulladadi tangngadi nedo tutu hama naday Allah. ³² Illam rayikadi ata hawidda dangada, langka ata Yahudi, ata Yunani, lohho dummo kangotenay Allah, ³³ katujana nauwa dummo ta till tangngage hada habayna tangngana ata, ba wallegu mayega mage naha ut daugu, ta nyiduwe naha utugu tutu da ata buta tannam yidda koled baha tolkayi.