¹ Tanyiduwe nauwa ata kaloganaga? Ba inne nauwa nyi ba ledu limma wa? Tanyiduwe nauwa nyi badda etagun Yesus, Morda yitta? Ba inno miyo ngih ray ullagu lar tay Mori? ² Ninne nauwa tabara ata wade ka nauwa walle ledu limma mauwa, tanyiduwe nauwa dummo ho Ledu Limma tutu mi. ³ Nyidawe inne hagabbagu tabara yidda na ka matutra ta nauwa. ⁴ Be inne nami walle ladama dauma tutge ya monno enu? ⁵ Bana meradage katujana ledu limma- ledu limma rade wadeka, olebay -olebayi Mori, monno dummoy Kefas? ⁶ Ba, nyidaho nade Barnabas monno nauwa na ka walle lakma daugu tut ayi rayi ulla? ⁷ Iya beyi bada pahadawe kataudana katujana tentara katagu dauge pagannage tutge dauna? Iyai na kaha mulla ge oma anggur monno ay ka ya dalid wudi? Lohho, iya dayi ka jawa ranga monno ay ka enudi huhudi? ⁸ Bage ne nauwa ba halara guge hada-hada katujana ka dadi ata? Banyi allakwe inne Hukum Taurat dummo ba halara allay hada-hada kaha mera? ⁹ Oroge, dage lar kama tolha ta Hukum Tauratuy Musa, "Ilammu miyo pahelanni nade hapi ka tamrana hamoy gandum!" Banyida hapi naha tamranay Allah paha atena? ¹⁰ Lohho, aga dawe Nyi Halara na tut dada yitta? Ya tutda yitta we hada katujana ma tolhawe oroge nade karay ullage kanna ray ullage lar taka ma manne monno nada ka hamo tannam kana hamo dummo kama manne tutge kolege dau na. ¹¹ Ba inne nami bama habarana win tut hatena ta jonga dalarami, ka bana rehi widdiy loppo nami dummo ma ngala allage tut hawai panu tana wall tabara mi? ¹² Nyiduwe ata wadeka da dummo ho dau da inne ta pannumi miyo, walle nyidamawe nami rehi dadaho dauda ma? Lokko tauda allage, nami walle ma waimage dokuge tut ge dauma nedo. Naka baldawalwe, nami ma taguge tangnga kahage tannam nami illama yidalwe dadalge wu kama hapa tutuge Liege atey Kristus. ¹³ Bagim Miyo wallem tada we oroge yidda naka ullage hada- hada naka murraha nedo, ya naha ya wal taha ngajinay Allah Dummo? Monno, Yidda naka ray ulla ta tillu kangotena da kolena dauda wal rade tamanuta maraka nedo? ¹⁴ Tauda dummoge, Mori naha rehayi Yidda naka kaha kakowe Liege Ate tutge morha ka wall ta Liege Ate dummo. ¹⁵ Nyiduwe, nauwa walle ladamage bagu waidahona wu tonna wal hadau- hadau inne. Monno, nauwa walegu tolha mawe hada- hada inne tannam kapahadawe katujana na tabaragu. Oroge, na reh dahha da hoge nauwagu mate wal ta rade wu ata nade ai ka dage na ka ege ate dangngagu. ¹⁶ Oroge, ba inne nauwa aigu halarawe inne liege ate, nauwa walle ladama kapege tutuge li dete ledege ha ulla pa hatewa ba dage tabara gu. lilokowe nauwa, ba inne nauwa aigu halarawe Liege ate. ¹⁷ Ba inne nauwagu halarawe Liege ate dokuge habay daugu, nauwa dadaho uppagu. Nyiduwe , tanyiduwe inne walle dokumage habaygu, nyiwe inne haulla na paha tenawa tabaragu. ¹⁸ Nyi bataudage , agadawe uppagu? Uppagu nyidawe inne bagu halarawe inne liege ate, nauwa na dadiwe bagu halarawe Liege ate langka aida uppa monno wallegu jala waimage daugu ta tillu Liege ate. ¹⁹ Loko bataudapege nauwa ug hailawa tabara tangada ata, nauwa ug hadadige taugu atana wali tanagana ata, dajalage nauwa kagu harailodi tangada ata karehi buta. ²⁰ Tauda jalage ata Yahudi nauwa ug tingiyi ata Yahudi. Tubada ata ka morha ta kabu uku pareha, loko nauwa wiki dau eigu morha kawu ta kabu uku pareha. ²¹ Tubana ata aika mouha ta kabu uku pareha Nauwa ug tujai ata aika morha ta kabu uku pareha, loko nauwa aigu morhawa tabali uku parehi Allah, oro nauwa ug morhawa ta kabu uku parehai Kristus, dajalage nauwa kana dadiwe hatailodi yida aika morha takabu uku pareha. ²² Tubada ata kaloja nauwa ug tujawi ata kaloja, dajalage Nauwa kana dadiwe pa mane manayi. Yida kaloja tubana tangana ata, nauwa ug rehiyi tangage, dajalage nauwa bana dadi kakwe bagu tailodi yida kapirana ata wali ta jongada ata yida. ²³ Tangage inna nauwa ug rayidi oro lina, dajalage nauwa kagu kolena hadau neda lari. ²⁴ Miyo walem tadakmawe, inna lari ba hata jina tangada kadokuna bada mauho, tabolobahuyo dahayi ata ka kolena hiyo kaha tajina? Oro batauda dage kulha hatetakkana malau, dajalage miyo kamu kolena. ²⁵ Tangana ata kadokuna inna ba hatajina, na pattu wiki dahona lari tajongage hada. Yida bada rayi taudage kapiku bada kolena karaupa manadana ka otona, tabolo yira kapiku koleda wu kataupa manadana aika. ²⁶ Oroge inna aigu malaikawa aika mangu gauna mono nauwa wale ata tau jurra maula kana gurra aula. ²⁷ Tabolo nauwag hainyakauwe taugu mono ug pattu waikigu tangage, dajalage kole bagu talarage lina tabana ata wadeka, nauwa wiki dau ila tulang ge.