Paha Kahha Ammahha Tutuda Ata-Ata Murraha ¹ Batauge nyi ba kahha ammahha tutuda rade ata murraha, pahadawe katujja ledege ha et-etam ha yigim ta barada kangote ata hatena ta Galatia. ² Ta laddo ka dihhana tangngana laddo miggu, tangnga-tangngam miyo ha lihikkena na kawuna monno ijjalawe katujjana ledege na miyo ha kolemtannam illa nyi nauwa amdalhoga ba rayige pa kahhana. ³ Nyiwe nauwa amga, nauwa engagu haaleway yidda, iyya duyi na mi ha baiyim, naha olehoge waige jurrata-jurrata tutu ngiddiyi rade hayimu ta Yerusalem. ⁴ Monno, nyi bana marakkawe nauwa dummo kakowa yidda enga da kako ma rangnga ga. ⁵ Nyiwe, nauwa enga amiga ta bara mu bewe nauwa bagu haypawe Makedonia, oroge nauwa kabu atege tutuge lida nutu ta Makedonia. ⁶ Monno, nyiwe nauwa enga dau dangnga gumi loppo bedahowe rahige na kalikka tannam miyo da'di we bam tulga tatillu kakogu, ba gi'gi dummo nauwa dauwu kakogu. ⁷ Oroge, nauwa wallegu auwu mawaetagimmi batauge na li palla kelgimi. Nauwa baydahingge engana pipirrra laddo a olegimmi, ba nay Mori bana yidud'a ma higgo. ⁸ Nyiwe, nauwa enga dauwug ta Efesus kahha dikkin laddo Pentakosta, ⁹ oro binna na ka galla ra tutuge rayi ullage na haullanaka banning na badda ma buggerage ta baragulangka dummo bana butay na kaha gabba. ¹⁰ Batauge, ba nade Timotius ammin, hamattarrakige tannam nyi illa namma mdauta bana olegimmi oronage nyi hakako nage ha ullanay Mori, mera kaha tujja na ta nauwa dummo. ¹¹ Bege, illa daka ata na ka etay wayge ay ladal hin'a. Tullun nyi ta tillu bana kako ka ledege ka moll lodoge nyi dikkige bana hagga ta bara gu. Nauwa gu remanni tangngama waidi rade olebay-olebay ta nehhe. ¹² Batauge, tutuna olebayda yittay Apolos, nauwa rehi duhhdgunni tutu kako dikkigimmi miyo tangngam ole bay-olebayn na wadeka, ta nyiduwe nyi merage walle na da'di mawe auwuna may ba tauge, Nyi enga ammin ba da ka'nna kalogana. ¹³ Ha ate-atem la, dedem maddona tatillu hatena. Hatinngoge la katujjana baka baniwu, monno da'didawu kulha. ¹⁴ Yammadi tangngadna miyo ha ullam, ba ha kakowe ta tillu manawara. ¹⁵ Nauwa gu du'hha wu, Olebay- olebayi, (oroge tangngage ngihhi ummanay Stefanus nyidawe wu-wuge ulluge ta Akhaya, monno yidda d'a yi wik'da yidda tutu layan d'a ata-ata murraha), ¹⁶ tanna mi dummo libawa tabarada ata-ata katujjana rade monno ta barada tangngada ata na ka rayi ulla dabba monno ka paddana joli. ¹⁷ Nauwa gu lagahawa tutu ba amminiy Stefanus, Fortunatus, monno Aikhaikus oroge yidda badda hatutu hayanna bedi agawe aylana tabara miyo. ¹⁸ Oro, yidda da ha maringi gadi wad gu lohho waddi mu ledege oroge nedo, taudi hi'da rada ata katujjana rattu. ¹⁹ Kangote-kangote ata hatena ta Asia hadikkige salam tutum miyo. Akwila monno Priskila hadikki allana salam ka ha tetekkana lar tay Mori ta baramu, ole dabbada rade kangote ata hatena ta ummada yidda. ²⁰ Tangngada rade olebay da ngidi giimi salam tutu mi. Takkiwe salam wu monno wadeka waige hanga'hha kamurraha. ²¹ Nauwa, Paulus, tolhawe salam inne waige limma daugu. ²² Nyi ba daka ata ayka manawarani Mori, li lokonage nyiyo .Oh Mori, ammigla! ²³ Kanagga tay Mori Yesus doku mane gimmi miyo. ²⁴ Manawara gu dokugimmi mi tangngam lar ya Yesus Kristus. Amin.