¹ So-soungaango'e sanu u'asayani, inyaa no paracaya tungale roh, tapi u'jia roh-roh injoo'e untuke mo'ootoi biasa asalu jimo la'e Allah pa goota nabii palsu nodua'ome li juniaa. ² A'aina bala nootoimia Roh nu Allah: tungalu roh sanu mongaku onjoi Yesus Kristus nodua'ome lilalong rupanu manusia asalonye la'e Allah. ³ Tungalu roh sanu lauje mongakui Yesus, asalonye labai la'e Allah. sanu ilongomie modua'omae ma a'alaine adaangome li juniaaine. ⁴ Unga-unga'e, asalomie la'e Allah ma na'adaagome nabii-nabii palsu injoo'e lantarane Io sanu adaange kangkai'oe giombangonya injopa io sanu adaange li juniaa. ⁵ Nabii-nabii palsu injoo'e asalonye la'e juniaa. Lantarane injoo, nopogonbo'a'u jimo la'e juniaa ma juniaa meilongoa'e jimo. ⁶ Asalote la'e Allah. Too sanu mo'ootoi Allah me'ilongoa'e li'ite, tapi too sanu labai la'e Allah asalonye labai me'ilongoa'e li'ite. Kangkai injeina, nootoita Roh sanu tutuu ma roh penyesaat. MAIME LI'ITE ME'ASAYANANGE ⁷ So-soungaango'e sanu u'asayani, maime li'ite me'asayanange pa nu sayange asalonye la'e Allah, ma tungalu too sanu masayange neluange la'e Allah ma mo'ootoi Allah. ⁸ Too sanu labai masayange labai mo'ootoi Allah pa nu Allah masayange. ⁹ A'aina sayanggu Allah pina'anyata li antarate: Allah nejai Unga sosona'o-Nye lalongoma'e nu juniaa bala li'ite tumuhu boi la'e Liio. ¹⁰ Li lalongomeina sayange injoo'e: labai li'ita sanu nongasayani Allah, tapi Allah me sanu mongasayani li'ite ma noma'atua'e Unga-Nye nebali korban pendamaiane antage dosa-dosate. ¹¹ So-soungaange sanu u'asayani, onjo a'iyoa a'sayanggu Allah kangkai'ite, li'ite teule haruse me'asayanange. ¹² Laupe adaanga too sanu pernah ne'e ito Allah. Onjo me'asayananga li'ite, momoiya kangkai li'ita Allah ma sayango-Nye injoo'e no sempurnakana kangkai'ite. ¹³ Kangkai so'ale injeine nootoite onjo li'ite momoiya lilalongu Allah ma nu Allah kangkai'ite p bineea'ome nu Allah kangkai li'ite Roh-Nye. ¹⁴ . Injopa, initomami-me ma nonyabii onjo Siama nejaime Unga-Nye nebali Topo Nyalamate juniaa. ¹⁵ Tungale too sanu mongakui onjoi Yesus Unga nu Allah, Allah momoia lilalongonye ma li'oe lilalongu Allah. ¹⁶ Jadi, nootoitome ma pinaracayatome asayangu Allah antage li'ite. Allah me nu sayange, ma too sanu momoiya lilalongu sayange, momoiya lilalongu Allah ma Allah li lalongonye. ¹⁷ Kangkai injeine, sayange sinempurnakane kangkai'ite bala li'ite ma'agaade keyakinan injopa la'e Eleo pohakimange, lantarane selilio aime Liio aiyo'e teule li'ite li juniaaine. ¹⁸ Lilalongu sayange labai a'sanu no'ohulea'a, tapi sayange sanu mesempurna monaimbula sanu mohule lantarane sanu mohule mehubungane kangkai hukuman. Too sanu mohule, laupe sinempurnakane lilalongu sayang. ¹⁹ Li'ite mongasayani lantarane luulume Liio mongasayani li'ite. ²⁰ Onjo adaanga too sanu negombo'e, "U'asayania Allah", tapi no'o u'alonya soungaangonye, too injoo'e topo nipu. Pa, too sanu lauje masayange li soungaangonye sanu no'ito, labai masayange kangkai Allah sanu labai no'ito. ²¹ Injopa, parintah injeine tinarimate la'e Allah: Tungale too sanu mongasayani Allah, haruse no a'sayaninye teule soungaangonye.