¹ Lalambota e'giombangonye a'sasayange sanu bineea'u Siama kangkai li'ite injoma li'ite notope unga-unganu Allah, tutuu li'ite nu unga-unganu Allah. Lantarane injoo'a, labai nootoinu juniaa li'ite pa Liio labai nootoinu juniaa. ² So-soungaange sanu u'asayani, a'alaine li'itome unga-unganu Allah, tapi selilio nuga ke'ada'anote laupe nootoi. Boi, nootoite onjo watu Io modua'e, li'ite mebali selilio Liio pa li'ite ma'o me'e ito Liio lilalongu keada'ano-Nye sanu tutuunye. ³ Tungale too sanu adaange poranuange injeine lilalongu Kristus, liio mo po'osuci ambo-ambo'onye, selilio aime Kristus sanu mo suci. ⁴ Tugale too sanu mogutu dosa monyampange hukume teule pa dosa nu ponyampange antage hukum. ⁵ No'toimia onjo Kristus nanyatame untuke mongagasa'e dosa, ma lilalongo-Nye labai adaanga dosa. ⁶ Tungal too sanu momoia lilalongo-Nye labai mogutu dosa; labai sotoo-tooa sanu o'dosa ne'e ito atau mo'ootoi Liio. ⁷ Unga-unga'e, inyaa nopatubaya sabii sotooa mopa'asesa'oe. Too mogutu sanu tutuu too sanu tutuu, selilio aime Kristus sanu tutuu. ⁸ Too sanu mogutu dosa asalonye la'e seetan pa seetane no'odosame la'e pamulanye. Unganu Allah modua'e untuke tujuane injeine: mongacura'e pogugutunu seetan. ⁹ Labai sotoo-tooa sanu neluange la'e Allah mogutu dosa benihnu Allah momoia lilalongu ambo-ambo'onye; ma io labai magaade mogutu dosa pa io iluana'omae la'e Allah. ¹⁰ Onjo aiyo'e, iga unga-unganu Allah ma iga unga-unganu Iblis mebali nootoi. Too sanu lauje mogutu sanu paila'e asalonye labai la'e Allah, aiyo'e teule too sanu lauje masayange li soungaangonye. ME A'SAYANANG ¹¹ Pa, injeina bambale sanu ilongoomone ulenge la'e nompamula, li'ite haruse me'asayanange. ¹² Inyaa mebali selilioi Kain, asalonye la'e sanu majaa'e ma sanu nomate tuainye. Ma, inogai Kain nomate tuainye? Saba'onye, gugutuani Kain majaa'e ma pepeihu'u tuainye tutuu. ¹³ So-soungaango'e, inyaa teta'ingkinga onjo li'oe nobenciinu juniaaine. ¹⁴ Nootoitoma onjo li'ite neluangome la'e a'pateange monungga tutuhuange lantarane li'ite masayange li soungaange. Too sanu lauje masayange li soungaangonye momoia lilalongu apateange. ¹⁵ Tungale too sanu mosumpuge li soungaangonye iome topo mate, ma nootoimia onjo labai adaanga topo mate sanu maagaade tutuhuange lilalongu ambo-ambo'onye. ¹⁶ A'aina li'ite mo'ootoi sayange: Yesus Kristus nonyarakanome tutuhuango-Nye untuke li'ite. Jadi, li'ite teule haruse monyarakane tutuhuangote untuke so-soungaangote. ¹⁷ Boi, onjo o'too adaange harta nu juniaa, ma me'e ito soungaangonye momaraluua'e, tapi mebombona'e nyaanye antage soungaangonye injoo'e, labai tutuu sayangu Allah adaange li lalongu nyaanye? ¹⁸ Unga-unga'e, maime li'ite me'asayanange labai boi gombo'e atau oyo, tapi kangkai pepeihu'e ma sanu tutuu. ¹⁹ Kangkai injeine, mo'o nootoita onjo asalote la'e sanu tutuu ma mopo'o'uige nyaate li tolonu Allah. ²⁰ Pa, onjobai nyaate monyalaa'e li'ite, giombangonya Allah injopa nyaate, ma nootoi-Nye bagiana'onye. ²¹ So-soungaange sanu U'asayani, onjo nyaate lauje monyalaa'e li'ite, li'ite adaange keyakinannu ambo-ambo'a li tolonu Allah. ²² Nugaungopa sanu nopomongite, notarimate la'e Allah pa noturu'ota parinta-Nye injopa nopogututa nuga sanu seilu-Nye. ²³ Injopa, injeinima parintah nu Allah, bala li'ite momaracaya lilalong topenu Unga-Nye, Yesus Kristus, ma li'ite me'asayanange selilio sanu pinarintaa'onyome kangkai li'ite. ²⁴ Too sanu mata'ate li parintah nu Allah momoia lilalongo-Nye, injopa Allah momoia lilalongonye teule. Kangkai injeine notoite onjo Allah momoia lilalongu ambo-ambo'ote, la'emae Roh sanu binea'u Allah kangkai li'ite.