¹ Unga-unga'e, lia'e monulisa'e so'al-so'ale injeine kangkai'oe bala li'oe inyaa mogutu dosa. Boi, onjo adaanga too mogutu dosa, li'ite adanga topombela li tolonu Siama, injoo'ume Kristus Yesus, Sanu tutuu injoo'e. ² Liiome korban pendamaianu dosate. Ma, labai boi dosa-dosate, tapi untuke dosa-dosanu jojoo juniaa. ³ Aiyo'a notoite onjo li'ite mo'ootoi Allah, onjo mesetia li'ite kangkai parinta-Nye. ⁴ Too sanu megombo'e, "U'otoia Allah," tapi labai nota'atita parintah-Nye, io topo nipu ma labai asanu tutuua lilalongonye. ⁵ Tapi, iga sanu mataate li gombo'o-Nye, a'sayanggu Allah tu-tutuu mempurna li lalongonye. A'iyo'a nootoite lilalongo-Nye. ⁶ Too sanu momeilua'e onjo io momoia lilalongu Allah, io haruse tumuhu selilio aimei Yesus tutuhu. NO'ASAYANI SIPADA MANUSIA MA MOGUTU E'SEILUNU ALLAH ⁷ So-soungaange sanu u'asayani, la'e labai nonulisa'e parintah bou kangkai'oe, boi parintah neendeme sanu adaangome kangkai li'eme ulenge la'e pamulanye. Parintah neendeme injoo'e nu Gombo'e sanu ilongomamime ulenge la'e pamulanye. ⁸ Boi, lia'e pepeese monulisa'e parintah bou antage li'oe. sanu tutuu lilalongo-Nye ma lilalonggoome pa o'onopange nalabatome ma mensilaage sanu tutuu nelalatoma a'alaine. ⁹ Too sanu negombo'e onjo io lilalongu e'nsilaagange, tapi no'o u'alonya soungaangonye, io ulenge adaange li lalongu o'nopang dua'e a'alaine. ¹⁰ too masayange kangkai soungaangonye momoia li ensilaagange ma lauje adaange sabii sotoo sanu mogutuio tesangkil. ¹¹ Tapi, too no'osumpugonya soungaangonye momoiya lilalongu o'nopang. Labai nootoinya bai gauma'a nolampanye lantarane sanu moonope nopo o'hulolo matanye. ¹² Tinuliso'e li'omoma'e, hai unga-unga, pa dosa-dosaame inampunangome lantarane tope-Nye. ¹³ Tinuliso'e li'omoma'e, hai si-siama, lantarane li'oe no'otoime Liio ulenge la'e pamulanye. Tinuliso'e li'omoma'e, hai too-too molumba, lantarane li'oe naadaage sanu Majaa'e. Tinuliso'e li'omoma'e, hai unga-unga, lantarane nootoiimoma Siama. ¹⁴ Tinuliso'e li'omoma'e, hai si-siama, lantarane nootoiimoma Liio la'e pamulanye. Tinuliso'e li'omoma'e, hai unga-unga molumba, lantarane li'oe mo'uige, ma Gombo'u Allah lilalongoome, ma dinaagoomoma sanu majaa'e. ¹⁵ Inyaa no'eseilua'a juniaaine atau so'al-so'ale sanu adaange li lalongu juniaa. Onjo o'too umeseilua'e juniaa, a'sayanggu Siama labai adaange li lalongonye. ¹⁶ Pa, jojoo sanu adaange li lalongu juniaa, injoo'ume e'seilunu daging, e'seilunu mata, ma tutuhuange mosombong asalonye labai la'e Siama, tapi boi la'e juniaa. ¹⁷ Juniaa injeine nanlanyapome kangkaima'e e'seilunye, tapi too sanu nongogutu e'seilunu Allah tumuhu seende-endenye.INYAA MONURU'E ANTI-KRISTUS ¹⁸ Unga-unga'e, a'alaine pongopusome nu jaman; ma selilio sanu ilongomamime onjo anti-Kristus modua'omae, ma a'alaine gootoma modua'e anti-Kristis. Aiyo'ume nootoitoma onjo a'alaine pongopusome nu jaman. ¹⁹ Jimo modua'e la'e antarate, tapi jimo labai bagiane la'e li'ite. Pa, onjo bagiane la'e li'ita jimo, tetaapa jimo kangkai li'ite. Boi, jimo nolinjo'i li'ite Injoma nanyatame onjo jimo labai bagiane la'e li'ite. ²⁰ Tapi, li'oe na'adaangome pengurapane la'e Sanu Mokudus, ma nootoime jojooma'e. ²¹ La'e nonulise li'omoma'e labai lantarane laupe nootoima sanu tutuu, tapi lantarane notoimome ma lantarane labai adaanga sanu mongakale asalonye la'e sanu tutuu. ²² Iga pontuulonge injoo'e onjo lauje liio sanu monyangkale onjo i Yesusome Nu Kristus? Injoo'ume anti-Kristis, too sanu monyangkale Siama aiyo'e teule Unga. ²³ Igaungopa sanu monyangkale Unga labai adaange Siama. Tapi, tunggale too sanu mongakui Unga, io tapi adaange Siama. ²⁴ Patubayama'oma nuga sanu ilongoomome la'e pamulanye tetaape momoiya lilalongoome. Onjo nuga sanu ilongoome la'e pamulanye tetaape momoia lilalongoome, li'oe teule momoiya taruse lilalongu Unga ma Siama. ²⁵ Ma, injeinima janji sanu bineea'o-Nye kangkai li'ite, injoo'ume tutuhuange seende-endenye. ²⁶ Luulumae so'ale sanu tinulisa'o'e kangkai'oe injeine, bambale kangkai jimo sanu malani meboyongoa'e'oe. ²⁷ Boi, u'rapane sanu tinarimamie la'e Liio tetaapa momoia li lalongoome, ma li'oe labai moraluua'e too taninya mongajari'oe. Tapi pengurapano-Nye injoo'e mongajara'e li'oe tentaange bagiana'onye -- ma so'ale injoo'e tutuu, labai mongakal -- bai gauga Io mongajari li'oe, tetaape pomoiya li lalongo-Nye. ²⁸ A'alaine, unga-unga'e, pomoiyame li lilalongo-Nye bala watu mopoita Io, li'ite adaange keyakinane ma labai mesili li tolonu-Nye watuma'e podua'o-Nye. ²⁹ Onjo nootoimia onjo Io sanu tutuu, nootoime teule onjo tungalu too mogutu sanu tutuu, neluange la'e Liio.