¹ Mengeka, Bram Yesus lakwuloniki hakbulu duyu Muridto-No meng wonni diya kuasa mon Otoritas el roh-roh njan'daha, mon wadi tutu bap'tonggohoy haduna. ³ Wenak-Ka el bara'nda, ''Am'ngandi papanguyak ebuh hloko, amngandi waddi tokko, tahi, roti, dingi, ato ndumbal khih. ⁴ Gar ummuab nanki epdu tamummu yoyo, londo baka anonno tundu lappa yoyo neb otum wali non. ⁵ Tanggud ndiy enna nja wawa himbunggu yoyo, mdal mbaniki anona kota mon komboh bayaka akromboko wali el witimu sebagai peringatan terhadap el ndiy.'' ⁶ Mengnge hloko mbaka ngar h'rasul mon hlele bahiki mbah hwu kallibatu sambil takiya Alin mon ptonggohoy ato haddu gepangngu mbak pdo'nda. Albingngok Herodes tutun Bram Yesus ⁷ Herodes, sang raja elapdoy, rongngoyo payak el ndadi mon ndiy indkad bingungnanik ornak piriy atoyo el takiya bahwa Yohanes pah permandi elkeddeke wali el to mati, ⁸ Ehah wadik apneghe wadinga bahwa Elia njan hud hbalingok, mon ewadinga l'takki bahwa mbahtoyo wali el para nabi el mopir atu yinowo al ked hbaling. ⁹ Herodes lapneghengok, ''Yaya mengngek mbuk ghotoyo aktakuna Yohanes. Jadi, garani a Toyo tutun-Na paprongngonggu liya tutun ayiya?'' Mak, Herodes belang takanga ktemuy Bram Yesus. Muyu Tangguna Lim Rata Toyo ¹⁰ Ketik ngar h'rasul mbabali, ndiy atakinanik elam Bram Yesus tutun ngar kehebaka epah meng pdahhad mon Ndiyo allekhiki ndiy mon kneheng el kota angarana Betsaida. ¹¹ Mengek taetu, ato danga apegheniki tutun anetu mon ndi waddi pangngu anomotyak-Ndiy. Makka, sambil himbohi, Bram Yesus apneghe dengendiki tutun Kerajaan Bram Allah mon ndi waddi abeng tonggoho. ¹² Ketik alod mulek hudungo, hakbul nduy hmuridcon otdik elbaran-Na mon lapneghengok, ''Ptumbuobniki atoyo otu lahwu kallibiatu-lahwu kallibiatu mon lahwu deh elbaran yiy mon kdab wongo pdu pamdahing mun hmuy ornak yiya enja pdongngo terpencil.'' ¹³ Mengek taetu,Bram Yesus al takiddiki elbarada, ''Yo duyaka alwondi muyu.'' Apwolhok hmuridton-No, ''Yama ndipimok limwuy roti mon ndumbuy h'igha, kecuali yamma mbam otgam lakahi muyu tangguna yiy ngar keh atoyo.'' ¹⁴ Anonno engngia limtay hakbani. Bram Yesus lapneghengok elbarana hmuridton-No, ''Ptumbomdiki lalondo paktadingi, neb haktadi limkbulu toyo.'' ¹⁵ Makka, ndiy waddi apdahayaka mere pap tumbana Bram Yesus mon ptum ngar kehendi atoyo londo. ¹⁶ Meng, Bram Yesus al dekhik limwuy aroti mon hdumbuy h'igh, lahkotuohik lakramba, lahbihiohik, alpibu-pibukhik, mon al wondiki ngar hmuridcon tanaka ndiya aburi wandi el to ndanga. ¹⁷ Mon, ngar kehebak amuku tundu lapa mbabahu. Mengeke, hakrehi totid akahahik hakbul nduy akranjang elbannu. Petrus Lamngakuk Bram Yesus ndiduyaka Kristus ¹⁸ Mbah ndakka, ketik Bram Yesus tenggeren mban hba kneheng, hmuridcon-No, endi amrengngin-Ni. Meng, Ndiy laklierendik elbarada, ''Garagak Yaya yiya menurut ato danga? '' ¹⁹ Awolohyakka, ''Yohanes Pahpermandi, hahwadikong atakki Elia, Mon hah wadik waddi atakki Yoyo salah satu wali el nabi atu yinowo el kedhbialing.'' ²⁰ Mengeka, Bram Yesus takika barada diya, "Meng, hmonotummu, garaga Yaya?" Lap'wolhok Petrus, "Yoyo didoyaka Kristus wali Allah." ²¹ Mon dimoko, Bram Yesus ap'mondadiki kras mon pretihi diya amba takiwani gara panguni tutuna tuanetu. BRAM YESUS TAKIDDIKI BAN MATI ²² Mengeka Bram Yesus takika, "Ana topiya engdika kriya danga hal mon pap'tolokon oroda tua-tua, imam-imam kepala, mon ahli-ahli Taurat, mon pap'wunuda el kede pahi lodo k'taluna." ²³ Bram takika barada ngara baka,"Dika toyo bengo monotongg Yaya, diya engdika buniwuna poltona, mon holoy salib setiap loddo, mon monotongg Yaya. ²⁴ Ornaka, garapanguni el berusaha lahlamat hungoton, mon bungnga hungoton. Tap'dimoko, garapanguni bungnga hungoton orr Yaya,diya mon lahlamat. ²⁵ Payaka p'utuna dika toyo ban ngaliya ngara panutana, tap'dimoko mati ato bungnga hungoton kneheng? ²⁶ Ngara toyo el rahay mekke orr Yaya mon p'taki-Gu, Ana topipangu mon mekke takiya toyo netu ketika Diya ban emin dalam kemuliaan-Nya mon kemuliaan Bapa-Nya, prapanga para malaikat kudus. ²⁷ Yaya kutakiguni el hepinjana baramu, enni piraya toyo el yoyo el dede yiya mon njan mati neb'jan icopongo kerajaan Allah." BRAM YESUS OLENA MUSA MON ELIA ²⁸ Kira-kira, 8 lodonaka ban meng Bram Yesus p'dukini liny-Nya netu, Diya lekek Petrus, Yohanes, mon Yakobus ndeteng gunung mon bayang. ²⁹ Pahika Bram Yesus tengger h'bayang, rupa rupa-Na wungngongo mon hakrewen-Na dadi kakanga lamkiele. ³⁰ Menghe, endika toduya apneghe denge-Ni. Entatonduya ndidoyaka Musa mon Elia, ³¹ Ellap hundwuna Akwahan mon lapnegheni tutuna amatin Bram Yesus lap'agok ptutin el Yerusalem. ³² Pahi atuloddono, Petrus mon olkiedene tenggerada mbak waha orahadda mbaboto matad, mon mbakedeka ndiya, icayaka apeghen Bram Yesus mon dutoda ennadede hbolo dengin-Ni. ³³ ketik Musa mon Elia amdalanik Bram Yesus, Petrus lap'neghengok, ''Guru, eng yimdak yitta yiya. Yamma engpdede manki tallu buyu kombongo, hwuni atanggu-Mu, hwu tanggun Musa, mon hwu tanggun Elia.'' Meng taetu, Petrus njan mwalikok payak epap takina wanetu. ³⁴ ketik Petrus tegerena mban pnegheni tutun netu, emenikki amahlolo akpombodikki tanaka Petrus, Yohanes, mon Yakobus akbohik ketik mbatama elmahlolo. ³⁵ Mengnge, arongok liyya wali elmahlolo, ''Yi diduyaka Anang-Gu, Didoyaka Pahpedenggu, rongo mbak Ndiy.'' ³⁶ Menglak nanghak wanetu aliyya, Bram Yesus angole knehyak. Ndiya abbunikki mon jatakiyaka garpangngumbnik pahi atuloddo tutun payak epap icada. Alked Kbani Ahbebehoko wali Roh Njandah ³⁷ Mereh alodono, ketik mbaburu wali elleten, atodanga emdikki elbarana Bram Yesus. ³⁸ Ebahtoyo wali altondaga alberseru, ''Guru, yaya kukreya elbara-Mu, lamatagani anugu oronak ndiya diduyaka anugu lahwuping. ³⁹ Harabniki, enyi aroh lakwahay, mon randamongoko ndiya mbankyokong. netu Roh waddi akruddohini tundu lappa aghombana mban wur, anetu arohho engnak mbapak kriy mon njan wawa mdalin. ⁴⁰ Yaya kukreya elbarad hmuridcum-Mu mon yoghor wandi, tap ndiyo nja ngali pdahaya.'' ⁴¹ Lapwolhok Bram Yesus, ''Heh, yoyo generasi el njan wani mon el njan ganna! Pirpiwalipanka Yaya mbuk ole ndengngenggu mon mbuk mtah ndengngenggu? Ngandibaka anummu walyiy.'' ⁴² Ketik netu alkede tenggeren mban tukka elbarana Bram Yesus, aroh njan ndahha alndondoknikki el tana mon el kuddu-kuddokonik. Meng taetu, Bram Yesus lakyakaniki roh njan ndah wanetu, laptonggoh yaka wanetu alked kbani, meng lahbali hbialinik el mbapan. Bram Yesus Lapneghenik Amatin-Na ⁴³ Ngar atoyo arah kbohik akwahan Bram Allah, tap ndiyo tengger paddaka mbamngoroho tutunna ngarbak papdahana Bram Yesus, Ndiya altakiddik elbarad hmuridton-No, ⁴⁴ ''Rong pdahabaka yiya apnegheng aldah: Anto Piya pahrakniki ellim topiy.'' ⁴⁵ Meng taetu, ngar hmurid nja peghini payak paptakina wanetu, tutun wanetu pahbuning tangguda ndiya njangolek peghin. Mengnge, akbohi mbaklierinni Bram Yesus tutun ta'anetu apneghen. Garaniki el Ulu? ⁴⁶ Pahik anetu, eng hmer ngandungu el ndadi elbarad hmuriton Bram Yesus tutunnu ngarani el ul wali el ndiya. ⁴⁷ Meng taetu, Bram Yesus alpegdiki payak pap ngaddada el atid, meng Ndiya al ndekek anked ktapa mon l'lekyaka dede elakrahan-Na. ⁴⁸ Meng, Ndiya altakiddiki hmuridton, ''Garaniki al himbiaya alked ktappa elngarung-Gu, ndi wandi l'himbiagak Yaya. Mon, gar pangngumnik elhimbia-Ga, ndi waddi elhimbiayakka Ndiya elaptumbuanga Yaya. Ornak, elah paddi loyo el baramu, diduyaka el ul.'' Pihak el Mer ⁴⁹ Yohanes alwolhyak-Ka mon eltakiya, ''Guru, yamma mam icca toyo el yoghor roho njan ndaha wani angarum-Mu mon yamma mamberusaha wadumoko pakdanaya ornak ndiya njan hbolong laklopokkondo yicca.'' ⁵⁰ Meng taetu, Bram Yesus lapneghengok elbarada, ''Am pakdan ndamhiki ornak garbniki el njan gabagu, ndi uelmundi.'' Bram Yesus Njahimbiaya el Samaria ⁵¹ Ketik aloddon altukkuaka tagun Bram Yesus tutun papdete wani, Ndiya lahmondonik ati tutun p'otu wongo el Yerusalem. ⁵² Ndiya laptumbonik piriy atoyo epaptumbongo ulin-Ni. Meng, hpahtumbongo wadpangngungu otdik mon latamak el sebuah desa el daerah Samaria tutun hmagin ngar mbak p'etu tagun Ndiya. ⁵³ Meng taetu, atoyo non lapdonni jahimbiaya Bram Yesus ornak Ndi tenggeren mban la otin el Yerusalen. ⁵⁴ Ketik hmuridton Bram Yesus, didok Yakobus mon Yohanes, iccayaka tutun yiya, ndi apneghengok, ''Mori, apakah Yoyo pkambu atim yamma tutun pretwongo api buru wali lakramba mon pkarrandi ndi?'' ⁵⁵ Meng taetu, Bram Yesus algiliokok lahngende mon apter ndengngendik. ⁵⁶ Meng, Bram Yesus mon Hmuridton-No otu elah hwudeh. Huh tutun Nomtoy Bram Yesus ⁵⁷ Ketik mba tengger empandik allara, enyi lah toyo lapneghengok barana Bram Yesus, ''Yaya kunomotguk Yoyo gebak otu plam-Mu.'' ⁵⁸ Bram Yesus waddi altakinanik elbarana, ''Rubah engi boghon epdu pamnaghid hakhil dodete engia kranggad. Meng taetu, Anto Piya jang pdo h'ngahun.'' ⁵⁹ Bram Yesus lapneghengok elbarada mbah totohi, ''Nomot mbagak Yaya!'' Meng taetu, netu atoyo lapneghengok, ''Mori, wodog yaya hloko mon laton ulin wani abapung.'' ⁶⁰ Meng taetu, Bram Yesus lapneghengok el barada, ''Pakloko mbaniki ato mati ton mengwun ole to matid, tap yoyo eng otummu latakiya tutun Kerajaan Bram Allah.'' ⁶¹ Mon, ewedini lahtoyo lapnegheng, ''Yaya kunomotguk Yoyo, Mori, tap wong yaya pna ullu el ole baragu.'' ⁶² Bram Yesus lapneghengok elbarada, ''Ja pangngung mbah toyo el taya limana elap damdolong, tap eng ndik agilokon lah ngende, elpahi tagun Kerajaan Bram Allah.''