¹ Ndelkon atana Bram Yesus ot lakniknik eh kota-kota mon ndehe-ndehe mon la takindandi mon lap negheni Injil Kerajaan Allah.En hakbul nduy Rasul andi en oleni Ndiy, ² Hewedjongoko eh warcoy pap tonggohon Yesus wali Roh indahha mon ngarbak ahaddu. Epap takki didohiki Maria pap ngarang Makdalena, pap lohona Yesus walil Roh indahha. ³ Eweddini Yahana a arwenya Khuza bendahara Herodes, Susana, mon adang weddipngok warco hieke el wain arot mangwuda ndukung wani Diy. TUTUNA WARCOY EL TONDONG WINI ⁴ Ketik eh to duang bam kahha mon eh to walil ngarbaka kota el eminy el mbaran Yesus, Lapneghe ngok el mbarada monlap tuddonik ena tutun to kriy el tondong wini: ⁵ ''Ena to kriy etin la tondo wini. enni lahwadikong laknabu el hing liara mon andalli-ndaliyak, mon amunik khill. ⁶ Elah wadik wali lak nabu el pannu watu, ketik ban bukul ta awin , lambrokotok tor njang weyya. ⁷ Elah wadik walingo lak nabuk elapdu tara mon al bukul dengenik parpang ba dellehey mbrada. ⁸ Akrehin ta awin lak nabu el pannu tana dik al subur mon al bukul prapang ban hahilong hngahu kali lipat adangan.'' mengek ban hmengenyi tuaya pap tuddana a Yesus lap neghengok, ''el eng roktilun pap rrong wana , al rong pdahhabak!'' ⁹ Mengeke ta anetu, eh muritona ak klierengok el mbara-Na Yesus payaka ihin ta aperumpamaan. ¹⁰ A Yesus lap neghngok, '' Elmbaramu takkinggunik a rahiy krajaan Allah, tap eh to hwadik ptudondik tanak ' Bahmihiong bak kharang, nja ica, mon hmihpiweding ba rong, nja peghin.''Yesaya 6;9 A YESUS LAP JELASNIK TUTUN PAP TUDANA TO TONDO WINI ¹¹ Yin artin ta pap tuddonggu:'' A wini didoyaka Linya Mori. ¹² Awin laknabu el hing liara ta anetu didohiki a toy el rongoy a linya Mori. menge, emnika mbrapu mon al dekek a Linya Mori wali el atida tanaka njamwawiongo mon bah hlamtih. ¹³ Ena win laknabu el pannu tana kalli wiatu didoyaka toyo al rongoy a linya Mori mon el himbdah atiya, tapi njan p'amu. hodi pimok am wadja, tap ketik ahuhha ban emini a leccoko ba balih wali el Mori ¹⁴ Ena win laknabu el pannu beadda kalli tara didoyaka toyo el rongoyo Linya Mori, tap neb tengger bukulona a dellehek raha kwatir dengeng roto, mon mopir ndaha prapang deb nja ihi. ¹⁵ Sedangkan ena win lak nabu el pannu tana mon el subur didoka toyo el rongoya Linya Mori mon el bondoloy el arina al luruh mon el ndahha, mon el wungoni ap ghilina.'' P'HUNDONYI AMNGGOHKUM ¹⁶ Njang bah to wapangung el tunu kwaru mon el todji wani kdoro atau el bondoloy el kambu pdom mduurung. lakwalik, el bondoloya kwaru el pannu dok kwaru tanaka toyo el tama el ummana al icca mgohoka. ¹⁷ Ornak ta anetu , njang pah buning mon njapap hundong, mon njang rahiy epjap takki mon mon pap ngandi elam nggohoka. ¹⁸ Ornak ta anetu, kharanyi pap rong wamu, nggaranyi el engio wowallinyi rehi danga. tap , nggarinyi el njanga dek wali el mbarana, prapang payak el enyi el mbaran.'' LOLEDENA YESUS EL HETO PINJANA ¹⁹ Malwengko, amamana Yesus mon eh loledena emdi micobbokoya Yesus, tap njan dadi ambaradani tornak ban danga toy. ²⁰ menge, atakkinanik el mbarana, '' Amama-Mu mon hlolede-Mu endi lak delek andende, mbeng tobbokung-Gu.'' ²¹ Tap dimok, lap wolhok,''Amamang-Gu didohiki el rongoya Linya Mori mon lapghilinyi.'' A YESUS AL PAKDANAYAK APRING BOKOL ²² Etu lah lodo, Yesus laklet dengndik ten eh murico-Na mon wenak,'' Mamndak tat klokong wemahhi heke.''Mok, a outdiki. ²³ Dimok, neb tengger hlokoda lamnduruka Yesus. menge, mon lah poghik apring bokol el wemahhi mon taya prahu pak leteda a tamnik weya prapang ban huhha pdoda. ²⁴ Mengeke, eh muritona akonggornik a Yesus,''Ngguru!Ngguru! dadik a maddanda yicca!'' menge al keddek a Yesus mon lak yaknik apring mona mbannu. prapang ap ringi taya lak dannak mon wemahhi lak danna wedik. ²⁵ Mon, Lap neghengok el mbarada,'' Nggieknaka imanum?'' Akbohik mon amngorhok mon apak lierwudak,''Nggaraniki yiy di? ban preteya pringi mon weyo , mon mon ba wam-Nik.'' YESUS AL PAMBRONIK A ROH INDAHHA WALI ELAL KEDE GERASA ²⁶ Meng adukiko Yesus monno anmuritono epdona atoyo el Gerasi, el lahbielinna Galliard. ²⁷ Pahi Bram Yesus mban buru el pannu tana, mon ndiya el tobokhiki hak mbani wali kota epap tamang brapu mbokol. Atoy netu mdekka neb njan tayya krewe mon njan lodo el umma, mon annik al hondi. ²⁸ Ketika en to icaya Brtam Yesus, ndiy wed el lak wihhok mon berluktuk el bara-Na.mon dengan puklinya el lak wahhi ndiy lap neghengok,'' Payak uruhum Yoyo mon yaya, hay Bram Yesus, Ana Bram Allah ellam Ndete? Yaya memohon el bara-Mu, am a siksaking!" Pap dadi wana ta anetu orona Yesus ban ptumboni a Roh indaha loho wali ela toyo tuaya. Netu ambrapu eng meme ban mi dihhiya Togo prapanga gap tanahi,ba tukilih, Mon ba kandih Togo,tapi diya dadi ban potohoy nggali bahhi mon angandiyak mbrapu slap dong lakriging. ³⁰ Malwengke, el paklierngok a Yesus el mbarada, ''nggarani angaramu?'' Lapwolhok nenna toyo, ''Legion'' ornak a'ndangan amrapu atamin. ³¹ Habrapu netu amemohonok el baran-Na tannak Ndiya aptumbu wandi ndiyo el ellieng kpandu. ³² Anyenne apdoyo, endi h'wawi mbokolo tenggered mbak damba muyu el lete ndeten. Hambrapu netu amemohonok elam Bram Yesus mon paklokindi ndiyo tama el lap ndu wawi netu, mon Bram Yesus awondiki ndiy. ³³ Meng, hambrapu pangngu waddi alohoko wali nel toyo mon tama el wawi, mon eh wawi netu aplaka el hing leten el curam la ot'ndak el wemiahhi mon aklalingok. ³⁴ ketik ehto ndagha wawi mba iccaya, apla ngandi wudak mon apneghinik el ndadi nel kota mon el kalli mbatud. ³⁵ Meng, ato ndanga otdiki mon la iccaya payak el ndadi. Ndiy el barana Bram Yesus mon langueleye atoyo epah mbembeh wali lapbrapu netu tenggeren mban londo el mbar witin Bram Yesus, apakrewek, mon l'dahaka ap ngadan. Hal yiya membuat ndiyo kbohi. ³⁶ Ndiy taya a iccaya el ndadi yiya apnegheniki el tohieke penwenaka atoyo epap tamang brapu netu mbaptonggohih. ³⁷ Meng, ngar atoyo el enyi elapdonna Gerasa lakreya Bram Yesus mdalindi ndiy ornak ndiy indka'nda kbohi ndandiki. Ornak netu, Bram Yesus al ndet ngok el tene mon al mbalik el Galilea. ³⁸ Meng taetu, atoyo epah mbebeh wali elamrapu netu almemuhonok elam Bram Yesus tanaka ndiy breng wani Bram Yesus. Menge, Bram Yesus aptumboniki hloko wennak-Ka, ³⁹ ''Mbalibaka el ummuomu mon pneghe mbaniki hal-hal el mbokolo epap ndaha ndanggu Mori.'' Toyo netu wadi otdiki el penjuru kota mon lapneghini payak payak epap ndaha ndani. Anan Yairus Apkedeyak mon Awarcoyo Ptonggohoy ⁴⁰ Ketik Bram Yesus mban mbali el Galilea, toyo ndanga himbaya Ndiya ornakka diyo ngara kehe amagniki Ndiya. ⁴¹ Anen enni toyo ngarana Yairus el emin bara-Na, diya didoyaka toyo kepala Sinagoge. Mon kwodo ktambanik elwitin Bramba Yesus, Yairus memohon tanaka Ndiya emin ummana. ⁴² Ornakka diya engngi toyo warcona wuni hebongoko hakbuluh du donaka, mon anan netu hodipika matiwana. Mon, ketika Bram Yesus lahdapan anonno, toyo danga lakwonginik bara-Na. ⁴³ Anen enni toyo warcoyo el lakriya lahrowong rutta boto walibaka ban hakbulu ndu'donna, mon njapangunga towajawanga ngaliya p'tonggohoy. ⁴⁴ Warcoyo tuanetu baranikki Bramba Yesus wali lahngeden mon tudikoko jubah-Diya, mok tuanetu wadi hrowon rutta dukongok. ⁴⁵ Meng, Bram Yesus takika,"Garani el tudikangg?" Ornakka ngara toyo bunini, Petrus takika,"Guru, toyo ndanga lamkah elbara-Mu mon lakwongi dengeguk-Ku!" ⁴⁶ Mon dimoko,Bram Yesus takika,"toyyo tudika-Ga orranka Yaya rahaya engngo kuasa epap'lohho wali-Gu." ⁴⁷ Ketika warcoyo netu iccaya bahwa diya njan ngali kbuni wuna, diya emnikki barana Bram Yesus mon lakdadaka mon lakwodok lahdapan-Na. Lahdapan ngara toyo ndanga, diya lapnengnik pena diya ban tudikoy Bram Yesus, mon penwenaka diya e'mban pahi mbantonggoho. ⁴⁸ Mengeka, Bram Yesus takika elbarada, "Anang-Gu, imanmu mengeka mbap'tonggohgun-Ni. Otbamuku mon dah atibaka." ⁴⁹ Ketika Bram Yesus tengger p'neghena, toyo wali umma kepala Sinagoge mon emnikki mon takika barana Yairus, " Warcomu el matik.Amba repet ndeng walin Guru." ⁵⁰ Mon dimoko,rongoyaka tuanetu Bram takika barana Yairus, '' amba kbohiwalin. Wabnikki mon Anummu lah'lahmatoko.'' ⁵¹ Ketika Bram Yesus ban duki ummana Yairus, Diya njan dadi garapanguni tama dengeni-Diya kecuali Petrus, mon mbapan maman mon anan netu. ⁵² Ngara toyo hoyo mon meratapiy ana warcoyo, tap dimoko Bram Yesus takika, "amba hoyo, diya indi mati walinani tap'durmonaniki." ⁵³ To'danga wanetu mon maditniki-Diya ornaka diya peghini ana warcoyo netu mban mati. ⁵⁴ Mon dimoko, Bram Yesus tarani limmana alkede netu mon lakwulonik, "Keddebaka, ana!" ⁵⁵ Maka, mbali roh alkede netu wadi diya alkedeke. Lalu Bram Yesus laptumbuonik tanaka alkede netu wonni sesuatu untuk pahmuna. ⁵⁶ Duada toyo tumtuya alkede netu takjub, tap Bram Yesus larangin diya untuk latakidadi gara panguni tutuna payaka el dadi.