¹ Meng taetu, Bram Yesus lapsahahik pitkbulu toyo anomtoy ehah wadikong, mon Ndiya laptumbondiki otu tudung mon ullu wan-Ni el kota mon elapdo lamatngoy-Yo. ² Wena-Ka elbarada, ''Hahilon epap nguti memang inkad ndanga nani, tap lapghili ho'ndi pimhik. Ornak taetu, krebaka el Morin eldonni hahil wali epap nguti netu tutun ptumboni elapghili tankah wani ahahilon papngtin-Ni.'' ³ ''Otbangku! Yaya kuptumboghu mere an kwimbi anbem elap nduyu kawanan serigala. ⁴ Amngandi ndamaka kburoto dingi, tahi, ato kopwiti. Mon, amter garpangngumnik etulara. ⁵ Gebak a'uma epap tamumu, takki ulu baka, 'Engge dete baka yiya a'umma.' ⁶ Jik atoyo el enyi annono benyi a'engge, engge detemu eng enni elpannud. Meng taetu, dik mjodoko, a engge detemu eng mbalin elbaramu. ⁷ Lodo mbaka nel umma. Mubaka mon inu baka payak epap hmang ndanggu tagum, ornak ato pghil ghene mban ngoley atagun. Am wungngua-wung damngok um. ⁸ Setiap kali yoyo tamang sebuah kota mon non atoyo ahimbonggu, mubaka muyu epap hordanggu elahdapun. ⁹ Ptonggohbak to haddu el enyi anonno, mon takibaddiki el barada, 'Kerajaan Bram Allah altukuak el baramu.' ¹⁰ Neb yoyo tamnik en lah wuy ndehe mon non toy jan manggunggu,ot mbamku mon luokhbak el kota non mon p'nengheng, ¹¹ 'Bahkan en krombok wali kotamu en lakndaki el witama yamma mon yamma tombohoy el lah ndapammu.Hebongko ta netu apmbaika yiya:Kerajaanon Bram Allah tukaka.' ¹² Yaya kup nengngok pahi etu loddono,pap tanggunu Sodom el rehi hlewe dari pada tanggunu kota etu.'' ¹³ ''Ngolmbongko yoyo, Khorazim! Hepongpimngok Yaya mbuk ndadiya en mere el Tirus mon Sidon,nepiya ndiya pdek mbam whango en lonhik mon atak hanggi kabung mon lap propkong. ¹⁴ Hebongko waetu pahi waktuna penghakiman,tagunda Tirus mon Sidon rehi lehwe dari pada tangum yoyo. ¹⁵ Mon yoyo, Kapernaum,Apakah yoyo keketguku el surga? Jondo, yoyo akan letguk el dunia toy el mati! ¹⁶ Ngarpangunik el ronggongu, ronggonggo. heb mbongko, ngaranik en tolkanggu, ndiwend tolkang Yaya wend. Mon, ngaranik tolkangga Yaya, nddiyo tolkoy Ndiya en laptumbang Yaya.'' Hambrapu Mokinni Nontoy Bram Yesus ¹⁷ Meng hpitu kbulu apnomot netu abali hbalingok engge dete sambil pnegheng, ''Mori, hambrapu pangngu amok gamak yamma wani angarum-Mu.'' ¹⁸ Bram Yesus lapneghengoko el barada, ''Yaya ku'icca Brapu laknabu wali lakramba mere kwiloko. ¹⁹ Peghebaniki bahwa Yaya kwonggu kwaha dalli wongo blologho mon plakit, mon kwah ngar kehwadiya ngar hapghahida hambrapu. Jangaka ahil phadunggu. ²⁰ Meng taetu, yoyo am engge detu dengeni ornak roh-roh netu mba moko elbaramu, mon engge dete dengngebnik ornak angarum lapturoh el surga.'' Bram Yesus Lahbangi el Bapa ²¹ Pahik natu aloddono, engge detek Bram Yesus el Roh Kudus mon lapnegheng, ''Yaya kbersukur el bara-Mu Bapa, Mori elpannu kramba mon elpanu tana, ornaqk Yoyo bunini tutun netu wali el topeghe mon toghen. Meng taetu, Yoyo phundoni elal ksd rara. Ya Bapa, ornak diduyaka lamghenenge elahdapum-Mu. ²² Bapa-Gu pahrakid ngar bak p'etu el bara-Gu, mon japangngu mbah toyo alpenghini al Kede kecuali Bapa, Mon, japangngungu mbah toyo alpeghin Bapa, kecuali al Kede ngar toyo elbarada al Kede eng hakan tutun ptakki wanani.'' ²³ Menge, Bram Yesus allodo dengngedi hmuridcon-No mon lapneghe kneh dengngendik, ''Engge dete mbak mata iccaya payak epap icomu, ²⁴ Ornak Yaya kutakiguni el baramu: danga nabi mon raja belangtakanga icaya payak yoyo pap icomu hanen, tap ja iccaya. Mon, belangtakang rongoy tutun eyoy pap rongomu hanen, tap ndi ja rongo.'' Toyo Samaria el Dah Ati ²⁵ Menge, lahtoyo ahli Hukum Taurat aldede alkabin Bram Yesus, wenaka, ''Guru, payak yaya pap dahapangguk ngolewani amopir el dah?'' ²⁶ Lapwolhok Bram Yesus elbarana, ''Payak elam turoho el Horoto Mbiha? Payaka epah batimu eldudolo?'' ²⁷ Toyo netu lapwolhok, ''Mnoworbanik Mori, Bram Allahmu, wali el atimu, wali el dewemu, wali ellapghahimu, wali elaktakumu elpeghe. Mon, mnoworbanik oltopimu mere yoyo mbumnowor meng wumu.'' ²⁸ Bram Yeus lapneghengok elbarana, ''Awolohummu netu ghen. Pghilmanik netu, mak yoyo mopir.'' ²⁹ Meng taetu, netu toyo benga pghen wunu, mak ndiya lapneghengok elbarna Bram Yesus, ''Mon, garaniki olto pigu?'' ³⁰ Bram Yesus alwolohyak mon lapneghengok, ''Enyi toyo alburu wali el Yeruselen el Yerikho, mon laknabuk elimmiana tokrebe elakrebe krewe mon paluya, meng mdalniki mon hodi pika pahmati wana. ³¹ Hipinjana, lahtoyo imam laklokin nenna lara. Ketik ndiya mban iccaya nena toyo, ndiy otulomnik hloko elhing lara. ³² Mer wadika epap dahada ato Lewi, ketik mban otin nelapdoyo mon kharani nena toyo, ndiya laklokomundik mon limoko el hing lara lah wadikong. ³³ Mon dimoko,enni toyo Samaria ell tengger hloko langanga etetu. Mon, pahik diya mban icaya toyo netu, diya merasa kasienik diya. ³⁴ Menge, toyo Samaria netu baraniki, mon ghodhoko amnughana diya. Diya oronikki minyak mon anggur, meng penengek toyo netu eldodete huli mon ngandiya awuana pamdahan, meng lakrahay toyo netu. ³⁵ Mereh lodona, toyo Samaria netu laplohoko dingi 2 dinar mon wonni diya el dangang lamdahi netu mon takika, 'kraghabaka toyo yiya lamnugh. Mon, pir pangubaka yoyo pahmengemu dingi tutuna diya, yaya mon kuphelin pahi yaya baku mbali.''' ³⁶ Menge, Yesus lap neghengok,''Bupngadani, nggaranik walil to tallu el merih tokrebe?'' ³⁷ Eh ahli taurat tuaya apwolhok,''Atoy elap hundunyi amnowron el barada.'' Meng, a Yesus al wenak,''Cabaka, mon pnadahabak el mere.'' MARIA MON MARTA ³⁸ Ketika Yesus mon muricona neb epiandik el ndalu lara Yesus al tamak elah wuya ndehe mon enni lah ihha warcoyo el ngarang Marta el himbaya Yesus el ummana. ³⁹ Marta anggo anminyena el ngarang Maria en londo el baran Bram Yesus mon ronggoya pap takinya Bram Yesus. ⁴⁰ Ornak taya, Marta mban mardanda mban pghilin epap meng ngiling. Marta wed el branik Bram Yesus mon lap nenghengok,'' Mori, juk peduli lol-Guk bahwa an minnyongu pak lokgak yaya pngilidi en ngarkehe papngiling yiya kneheng? Tumbobnik diya en lapngil enggenga!'' ⁴¹ Ornak taya, Mori lapwolhok, ''Marta, yoyo bohikmok mon bengel et nehmok dengan ndanga hal. ⁴² Anni en lahwuyo mbanning. Maria mengek mban kharani en rehe ngenne, mon tanguna diya etu pernak nsbdeknay wali ndiya.''