¹ Pahi et lah wuyo lodndo, Bram Yesus lah bangngok el lah wuyo apndoyyo. Pahik Ndiyo Mban mengnge Hbangngi, en lah toy Murito-No lap nenghengok el baran-Na,''Mori, pak nekngam yamma mbahbangngo merek wandiki Yohanes mban pak nekendi eh murton.'' ² Mengeka Bram Yesus lap nengngok el baranda,''ketik yoyo mbuh bangngo, bangngok el henyya yiya. 'Bapa, Mbih habak Ngaru-Mu.Embam-Muk El Lak Krajaannu-Mu. ³ Wokibangamak yamma en muyu secukupnya setiap hari, ⁴ Mon ampun kibamnik dohom yamma sebab yaya kneheng mengampuni en toy hala terhadap yamma. Mom, am ngandikingama el dalam pencobaan.'' krembaka,ndambaka,mon ketukmbak ⁵ Meng Bram Yesus lapneghengok elbarada, ''Seandainya mbah toyo wali el yoyo el enga olkieden mon yoyo otum el um olkedumu mban mdehud mon pnegheng elbarana, 'Olkede, wodonggo yaya talbu roti, ⁶ Ornak lahtoyo olkiedunggu elapdahaya alara liya el umuogu, tap yaya njanga el umma tutun toworwani elbarada.' ⁷ Mungkin olkiedumu wali el umma lapwoloh, 'Amba ghonggo ndamagaka yaya! Binya laptodik yaya mon h'annunggu endiki elpannu pdong. Yaya njan ndadi kedde mon wonggu papanguyak elbaramu.' ⁸ Yaya kutakkiguni elbaramu ornak olkiedemu nenne njan kedde mon wonggu papanguyak elbaramu ornak yoyo olkiede ndanggu, tap ornak yoyo engnak mbukreya, ndiya engdik akedene mon wonggu payak yoy pahperlumu. ⁹ Dik kutakkinggunik el mbaramu krebiaka, engdika himbamu. kdabbabak engdika tobbokum. tendubanik binya maka binya engdika bukkad nggunyi. ¹⁰ ornak nggarpangubnik elakreya engdika himbana. nggarabnik elakdabba engdika himbiana. mon nggarpangubnik el tendung binya engdika bukkadanyi ¹¹ Eng bapum diya el wonggu mbloluogho nebukre igha? ¹² Atou al wonyi plakit eban krey tallu manu? Dik yoy el njandah bupieghe doyo wonyi el ndahha anammu, apa lagi a Bapamu el Surga. Al wonyi Roh bihha ena toyo lak kreya el Mbara-Na.'' YESUS AL WANIK AK WAHAN MORI ¹⁴ Etu lap ihlodong, Yeesus al yoghroka mrapu wali elakbani kbang. mengek alohoka mbrapu, mon taya toy lak mbanga dadik ban pnegheng mon eh to duanga am ngorhok. ¹⁵ Tap dimok, endi eh pir coyo al wen,''Al yoghroya mbrapu orkwahana Beelzabul, elak wahaya mbrapu.'' ¹⁶ Anni entoy lah wandkong beng mengujiya Yesus,ndiya ak reyak Ndiyo lap hundoni en suatu tanda wali surga. ¹⁷ Ornak taya, Yesus pengeni payak epap ngandanda mon lap nengok el barand,''ngar mbak kerajaan el mohho mohho mon saling menyerang tutun mohhon.Mon, hak kluarga mon anggota anggotanya saling bermusuhan tutun tercerai berai. ¹⁸ Jadi, neb brapu wendi lam mbere mbere mon lawinik polto wangwunya,bagaimana mungkin kerajaanya ngole mban tahanga? Yaya kup takingguni demikian neb yoyo in takiyak bahwa Yaya kupaki kuaha Beelzebul tanak yongor wandi eh hambrapu hambrapu. ¹⁹ Jika Yaya mbuk yongrihik en hambrapu hambrapu dengan Beelzebul, dengan kuaha ngaranik en anamu en yongrihi ndiyo? karna tutn netu, ndidihiki en mere hakimmu. ²⁰ Ornak tuaya, neb Yaya mbuk pakik Kuasa Bram Allah untuk yongorwandi eh hambrapu hambrapu,Kerajanon Bram Allah el emnik el baramu. ²¹ Neb lah toy e mban pengahhiki dengan bersenjata lengkap en dangin istan ndehend, harta bendanya pasti dondolo aman. ²² Namun, neb anni en toy el rehi panghi wali kehendaknya menyerang mon lap kalihi, maka toy el rehi pangahi netu harus lak rebhik senjata senjata en pap andalon oleh toy netu mon lah mbangindi hartan pakrebanna. ²³ Ngar pangunik en jan berada el pihakKu, ndiya lawangga Yaya.Mon ngar pangunik en jan kumpul engen-Ga,ndiya mencarai beraikan.'' em mbehlin roh najis ²⁴ ''Pakluyak roh njandah wali el ihin atoyo, netu rohho laklelek molakloknik nena apdoy lamgara mon kdambawongo pdopah ngahung, tap ind ngoleya. Ornak taetu, ndiy lapneghengok, 'Yaya kumbali hbialigak el umma papdalunggu.' ²⁵ Ketik ndiy mbanbali, altobokok a'umma tenggeren neb hobo phingroy mon al rapi. ²⁶ Meng roh njandah netu otnik mon lalekek pitu roh alrehi jahat wali eldiy tama wongo nel umma sehingga toyo rehi njan ndahlok dari pada natu pongngok.'' Atoyo el Engge ati ²⁷ ketik tengger pneghe panaka yesus , a warcoyyo el enyi lapdu to duanga lak yokngok,'' Aberkati bayaka moho elap dading-Gu mon ena huhu elap huhung-Gu.'' ²⁸ Tap dimok a Yesus lap wolhok,'' Engge ndetbaka toyo el rongoya Linya Mori mon el wanyi.'' TANDA YUNUS ²⁹ Ketik ban mkahha-kaha toyo, lap neghengok a Yesus,''Yiya mburu dadi didoyaka mburu dadi indahha; bak remiok tanda, tap nja pangngungu bah'wu tanda epap hundomi elbarada selain tan'dan Yunus. ³⁰ Mere Yunus eltaday tutun toyo Niniwe, mer wadoka Anto Piya altandaya tutun yihpakrohi. ³¹ ''Pahi atu alodono akdupu loddo, Ratu wali el Selatan alked hbali dengngendik atoyo wali generasi yiy mon ndiy apakrihikki ornak ndiya a'emindi wali huptana tutun rong wani apeghen Salomo, sedangkan ayiya engia toyo alrehi mbokolo wali el Salomo. ³² Enna kdup loddo, atoyo Niniwe aked hbolo dengngendik generasi yiy mon ahukumuni, ornak ato Niniwe amwangok ketik Yunus mban khotbah el baranda ndiya, sedangkan hanenne yini lah toy el rehi ngahhi daripada Yunus.'' Mata ndidiyaka akwaru i'hi ³³ ''Njang bah to wapangugo el tunuya kwaru mon al bondoloya kwaru epdo pjap icca atou el kambu hdoko. akbalina, a bondoloya kwaru el ndok kwaru tanaka toy el tama al icc am ngohokonm. ³⁴ mata didoyaka kwaruna a poltoy. dik ban ndahhaka matamu, ngarbaka poltomu lamgohok kehhek. tap dimok, ban jahtoka matumu, lak pandu kehek a poltommu. ³⁵ Ornaka netu, ndangga wbmuku tanaka mgohok el enyi al poltommu njan kpanduk. Dik ban mgohok keheka poltomu mon njangka pdona lak pandu, apoltomu lamnggohok kehhek heng kwaru al pamnggohkunggu.'' YESUS AL TEGGUROK A TO FARISI MON AHLI TAURAT ³⁷ Setelah Bram Yesus mengek mban pnegheng, ato Farisi alundangnik-Ki mu wong. Ndiya waddi emnik, mon alodok mon mu. ³⁸ Meng taetu, ato Farisi alngodhik ketik mba iccaya Bram Yesus njan promo ulhik hlimmian-Na nebjan mupngok. ³⁹ Menge, Mori lapneghengok elbarada, ''Ato Farisi mere mbuphingroy lakdelek moko mon tob, tap elpol tomu bannu pwunu mon ljandah. ⁴⁰ Yemmi to ind peghe! Inddiy Ndiya elapdahaya lakdelek mon eldolo? ⁴¹ Ornak netu, hbaghi mbaniki el enyi elbaramu netu diduyaka atagum. Meng taetu, yoyo mak hingir langtakak. ⁴² Meng taetu, knabubaka yoyo, to Farisi! meng, yoyo wobongoko persepuluhan tuthahillum selasih, inggu, mon ngar paptondongo elmongngum, tap yoyo pwalini a'adilon mon apamnoworon Bram Allah. Seharusnya, yoyo pdahaya ngarabak etu tanpa phundoni tutun lahwadik. ⁴³ Knabubaka yoyo, yo Farisi ornak yoyo begha londo eldahha el sinagoge mon bewadingi himba p'akang wali laprangganga. ⁴⁴ Knabubaka yoyo ornak yoyo mere hondi eljang tandan, epapdalina atoyo tanpa nja sadar.'' ⁴⁵ Menge, mbah toyo to ahli Taurat lapneghengok elbarana Bram Yesus, ''Guru, ketik Yoyo mbu takiya tutun netu, Yoyo waddi nummagam yamma.'' ⁴⁶ Meng, Bram Yesus lapwolhok, ''Knabubak yoyo, yemmi ahli-ahli Taurat! sebab, yoyo mbondolo beban elboto tutun ahlili wani tohiek, tap yoyo apoltomu ind wawa tondoy beban netu mbah gapangngu wallimmiamu. ⁴⁷ Knabubaka yoyo ornak mbupkede makam tutun nabi-nabi epap wunun oron ambu nuhi. ⁴⁸ Bahkan, yoyo taki ngar kehenani ngar atoyo bahkan yoyo mngakuk papdahana ambu nuhum; diduhiki awunuy nabi-nabi, tap yoyo lapkedeya ahondi. ⁴⁹ Yiy diduyaka a'oronno, Bram Allah enna apeghen-Ne lapneghengok, 'Yaya kuptombonik nabi-nabi mon rasul-rasul elbarad, tap piriya wali atoyo epaptumbonggu netu wunuk mon pakriyak,' ⁵⁰ Tanaka rutana ngar ato nabi, elaptobong sejak apanu tana mbapdadiy, ngoleya pwendeya wali generasi yiy, ⁵¹ Mulek wali elruttono Habel tundu lappa rutuon Zakharia, epa wunu elbar altar mon Bait Allah. Ya, Yaya kutakiguni elbaramu bahwa generasi yiya tanggu ngarkehedik tutun yiy. ⁵² Knabubaka yoyo, yoy ahli-ahli Taurat! ornak yoyo budekeye akuhi peghe, tap yoy mengwuyu ind wawa tama mon herindi ato hieke tama.'' ⁵³ Setelah Bram Yesus nena apdoy mban mdalin, ahli-ahli Taurat dan orang Farisi mulek muhin-Ni mon nokkon-Ni mon ndanga hpaklierngoy. ⁵⁴ Ndiya apahwungok tutun ndonggol wani Bram Yesus amneghen paphundan-Na.